کلچر ڈے کے بہانے کراچی میں ریاست کے اندر ریاست کی تشکیل، فاروق ستار
اشاعت کی تاریخ: 10th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی: ایم کیو ایم پاکستان کے رہنما اور ممبر قومی اسمبلی فاروق ستار نے کہا ہے کہ 7 دسمبر کو سندھی کلچر ڈے کے نام پر کراچی کی شاہراؤں پر ایک “ریاست کے اندر ریاست” قائم کی گئی۔
فاروق ستار نے پریس کانفرنس میں کہا کہ اس دن ہنگامہ آرائی، بلوہ اور تشدد کے واقعات پیش آئے، سرکاری اور نجی املاک کو نقصان پہنچایا گیا اور اسلحہ بھی لہرا کر دکھایا گیا۔ ان کا کہنا تھا کہ یہ عمل ملک دشمنی پر مبنی تھا اور اس کی جتنی مذمت کی جائے کم ہے۔
رہنما ایم کیو ایم پاکستان نے الزام لگایا کہ ریلی کے شرکا نے گورنر سندھ کے خلاف غلیظ زبان استعمال کی اور گورنر ہاؤس تک پہنچ کر انہیں ہدف تنقید بنایا، جبکہ عدالتوں نے بھی اس معاملے میں مناسب کارروائی نہیں کی۔
فاروق ستار نے حکومت سندھ سے مطالبہ کیا کہ شہریوں کے امن و امان کو برقرار رکھا جائے اور سندھ ہائیکورٹ کو اس واقعے کا سوموٹو نوٹس لینا چاہیے۔ انہوں نے کہا کہ گلشن اقبال میں مخصوص وکلاء کے ٹولے نے شہریوں کے گھروں پر قبضے کی کوشش کی، جس پر اعلیٰ عدالت کو نوٹس لینا چاہیے۔
ان کا کہنا تھا کہ اگر پہلے ہی ایسے حالات پر روک لگائی جاتی تو یہ سب نہیں ہوتا، اور اس معاملے پر بلاول بھٹو زرداری اور صدر آصف زرداری کو بھی موقف ظاہر کرنا چاہیے۔ فاروق ستار نے خبردار کیا کہ اگر حکومت بروقت نوٹس نہ لے تو یہ صورتحال کراچی کے امن اور ملک کی بقا کے خلاف سنگین خطرہ بن سکتی ہے۔
.ذریعہ: Jasarat News
کلیدی لفظ: فاروق ستار نے
پڑھیں:
سندھ کلچر ڈے کے موقع پر شارع فیصل پربدترین ٹریفک جام کامنظر
data-id="863a0a8" data-element_type="widget" data-widget_type="theme-post-content.default"> جسارت نیوز
گلزار
خیبر پختونخوا: گردوں کی غیرقانونی پیوندکاری ، 5 منظم نیٹ ورکس کے18ملزمان گرفتار