انقلابی صحافی نفسیاتی جنگ میں صفِ اوّل کے مجاہد ہیں، عبداللہ حاجی صادقی
اشاعت کی تاریخ: 14th, December 2025 GMT
سپاہ پاسداران میں ولی فقیہ کے نمائندے نے کہا کہ ہر علمی، فکری اور میڈیا سرگرمی اگر دشمن کے محاذ کے مقابلے میں انجام دی جائے تو وہ جہاد کے زمرے میں آتی ہے، جہاد کی فطرت میں جدوجہد شامل ہے، اور جدوجہد کا مطلب دشمن کے مقابلے میں باشعور اور فعال موجودگی ہے، آج یہ میدان پہلے سے کہیں زیادہ ادراکی اور میڈیا جنگ کا میدان بن چکا ہے۔ اسلام ٹائمز۔ سپاہ پاسدارانِ انقلاب اسلامی میں رہبرِ انقلاب اسلامی کے نمائندے حجت الاسلام والمسلمین عبداللہ حاجی صادقی نے تسنیم نیوز ایجنسی کے دورے کے دوران کہا کہ نفسیاتی جنگ کا مطلب یہ ہے کہ ’’لوگ کیا جانتے ہیں‘‘ اور ’’لوگ کیا چاہتے ہیں‘‘ کو کنٹرول کرنے کی کوشش کی جائے، اور اس معرکے کی صفِ اوّل میڈیا ہے۔ حجت الاسلام والمسلمین عبداللہ حاجی صادقی نے تسنیم نیوز کا دورہ کیا اور اس ادارے کے مختلف شعبوں کا معائنہ کیا۔ اس دورے کے دوران، تسنیم کے سی ای او مجید قلیزادہ اور نیوز ایجنسی کے دیگر منتظمین نے ملک میں میڈیا سے متعلق امور اور سرگرمیوں کے مختلف پہلوؤں پر تفصیلی بریفنگ دی۔ اسی موقع پر، حجت الاسلام والمسلمین حاجی صادقی نے تسنیم نیوز کی خواتین صحافیوں کو یومِ خواتین کے موقع پر تحائف بھی پیش کیے۔
نیوز ایجنسی کے مختلف حصوں کا دورہ مکمل کرنے کے بعد، نمائندۂ ولی فقیہ نے تسنیم کے نماز خانے میں صحافیوں اور سٹاف سے خطاب کیا۔ اپنے خطاب میں حجت الاسلام والمسلمین حاجی صادقی نے موجودہ دور میں نفسیاتی جنگ اور میڈیا کے کردار کی اہمیت پر زور دیتے ہوئے کہا کہ آپ لوگ جو ایران اور اسلام کے دشمن کے مقابلے میں جہادِ تبیین اور دشمن کی نفسیاتی جنگ کا مقابلہ کر رہے ہیں، درحقیقت راہِ حق کے مجاہد ہیں۔ انہوں نے میڈیا کے میدان میں جہاد کے مفہوم کی وضاحت کرتے ہوئے کہا کہ جہاد محض معمولی کوشش کا نام نہیں، بلکہ اس کے لیے انسان کو اپنی تمام تر توانائی، صلاحیت اور انسانی سرمایہ میدان میں لانا پڑتا ہے، اور یہ اسی وقت معنی رکھتا ہے جب دشمن کے مقابلے میں اور حقیقی حملے کے جواب میں انجام دیا جائے۔
سپاہ پاسداران میں ولی فقیہ کے نمائندے نے کہا کہ ہر علمی، فکری اور میڈیا سرگرمی اگر دشمن کے محاذ کے مقابلے میں انجام دی جائے تو وہ جہاد کے زمرے میں آتی ہے۔ انہوں نے مزید کہا کہ جہاد کی فطرت میں جدوجہد شامل ہے، اور جدوجہد کا مطلب دشمن کے مقابلے میں باشعور اور فعال موجودگی ہے۔ آج یہ میدان پہلے سے کہیں زیادہ ادراکی اور میڈیا جنگ کا میدان بن چکا ہے۔ انہوں نے قرآنِ کریم کی اس آیت کی طرف اشارہ کرتے ہوئے «وَالَّذِینَ جَاهَدُوا فِینَا لَنَهْدِیَنَّهُمْ سُبُلَنَا» کہا کہ جہاد اس وقت حقیقی قدر و قیمت حاصل کرتا ہے جب وہ خالصتاً فی سبیل اللہ ہو اور اس میں کوئی ذاتی، گروہی یا دنیاوی محرک شامل نہ ہو۔ اگر میڈیا کا کام خدا کے لیے اور حق کے راستے میں انجام دیا جائے تو وہ یقینی طور پر نصرتِ الٰہی کا مصداق بنے گا۔
حجت الاسلام والمسلمین حاجی صادقی نے میڈیا کے میدان میں ’’علمِ الٰہی‘‘ کے مقام پر زور دیتے ہوئے کہا کہ حقیقی علم صرف رسمی تعلیمات کا نتیجہ نہیں ہوتا، بلکہ وہ ایک نور ہے جو خداوند متعال آمادہ دلوں اور اذہان پر نازل کرتا ہے۔ صحافیوں اور میڈیا کارکنوں کو چاہیے کہ وہ مہارت اور علم کے حصول کے ساتھ ساتھ اپنے وجود کو اس الٰہی نور کے لیے بھی آمادہ کریں۔ انہوں نے ادراکی جنگ کی نوعیت پر روشنی ڈالتے ہوئے کہا کہ آج دشمن صرف فوجی یا معاشی ہتھیاروں سے نہیں لڑ رہا، بلکہ وہ شعور کو کنٹرول کرنے اور دلوں و ذہنوں کو تسخیر کرنے کی کوشش کر رہا ہے۔ ادراکی جنگ کا مطلب یہی ہے کہ لوگوں کے علم اور ان کی خواہشات کو قابو میں لایا جائے، اور اس معرکے میں میڈیا صفِ اوّل پر کھڑا ہے۔ سپاہ پاسداران میں ولی فقیہ کے نمائندے نے یاد دلایا کہ اسلامی انقلاب نے اپنی چار دہائیوں سے زائد تاریخ میں بے شمار نشیب و فراز دیکھے ہیں، لیکن کبھی رکا نہیں۔
انہوں نے کہا کہ مشکلات، خطرات اور تلخ واقعات اہلِ ایمان کی نشوونما، تطہیر اور مضبوطی کے لیے سنتِ الٰہی کا حصہ ہیں، اور بالآخر دشمن کی کمزوری اور زوال کا باعث بنتے ہیں۔ انہوں نے تسنیم نیوز کے صحافیوں اور عملے کی کوششوں کو سراہتے ہوئے کہا کہ آپ جہادِ تبیین کی صفِ اوّل میں موجود ہیں، اور آپ کو اپنی انقلابی شناخت پر فخر کرتے ہوئے دشمن کو معاشرے کی فکری اور اعتقادی سرحدوں میں نفوذ کی اجازت نہیں دینی چاہیے، اور اگر ایسا نفوذ ہو بھی جائے تو اسے ناکام بنانا آپ کی ذمہ داری ہے۔ آخر میں حجت الاسلام والمسلمین حاجی صادقی نے استقامت اور امید پر زور دیتے ہوئے کہا کہ خداوند متعال نے محاذِ انقلابِ اسلامی کے لیے عظیم فتوحات مقدر کر رکھی ہیں، اور اصل بات یہ ہے کہ ہم میں سے ہر فرد ان کامیابیوں میں اپنا حصہ ادا کرے۔ آج کوشش، بیج بونے اور دنیا و آخرت دونوں کی تعمیر کا وقت ہے۔
ذریعہ
ذریعہ: Islam Times
کلیدی لفظ: حجت الاسلام والمسلمین حاجی صادقی نے دشمن کے مقابلے میں سپاہ پاسداران نے تسنیم نیوز نفسیاتی جنگ ہوئے کہا کہ کے نمائندے اور میڈیا انہوں نے ولی فقیہ جائے تو کا مطلب کے لیے اور اس جنگ کا
پڑھیں:
پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر
پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر WhatsAppFacebookX 0 23 July, 2026 سب نیوز
راولپنڈی (آئی پی ایس )فیلڈ مارشل سید عاصم منیر نے کہا ہے کہ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا۔راولپنڈی میں جنرل ہیڈ کوارٹرز میں 20ویں قومی ورکشاپ کے دوران بلوچستان سے تعلق رکھنے والے شرکا سے گفتگو کرتے ہوئے فیلڈ مارشل سید عاصم منیر نے کہا کہ سیکیورٹی فورسز کی کوششیں اور عوامی حمایت بلوچستان میں دیرپا امن کے قیام کا باعث بنیں گی، جبکہ امن و استحکام کے لیے فورسز اور عوام کا تعاون ناگزیر ہے۔
پاک فوج کے شعبہ تعلقات عامہ آئی ایس پی آر کے مطابق فیلڈ مارشل نے کہا کہ فتنہ الخوارج اور فتنہ الہندوستان کے خلاف کارروائیاں جاری رہیں گی، انہوں نے دہشتگردی کے بنیادی ڈھانچے کے خاتمے اور پاکستان کے خلاف سرگرم عناصر کے مکمل سدباب کے عزم کا اعادہ کیا۔
انہوں نے کہا کہ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا۔ ان کا کہنا تھا کہ غیر ملکی سرپرستی میں سرگرم پراکسیز بلوچستان کے امن کو خراب کرنے کی کوشش کر رہی ہیں، تاہم مسلح افواج عوامی حمایت کے ساتھ دشمن کے تمام مذموم عزائم ناکام بنائیں گی۔ فیلڈ مارشل نے دہشتگردی کے خلاف جاری اقدامات اور قومی سلامتی کے لیے اجتماعی کوششوں کی اہمیت پر زور دیا۔ اس موقع پر ورکشاپ کے شرکا نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ اگلی خبرپاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی