عالمی عدالت کے پراسیکوٹر کا طالبان رہنماؤں کی گرفتاری کا مطالبہ
اشاعت کی تاریخ: 24th, January 2025 GMT
دی ہیگ(مانیٹرنگ ڈیسک)عالمی فوجداری عدالت (آئی سی سی) کے چیف پراسیکوٹر نے افغانستان میں خواتین پر ظلم وستم کو انسانیت کے خلاف جرم قرار دیتے ہوئے سینئر طالبان رہنماؤں کے وارنٹ گرفتاری جاری کرنے کا مطالبہ کردیا۔غیر ملکی خبررساں ادارے ’اے ایف پی‘ کے مطابق کریم خان کی جانب سے جاری بیان میں کہا گیا کہ سپریم لیڈر ہیبت
اللہ اخوندزادہ اور چیف جسٹس عبدالحکیم حقانی کو ’صنفی بنیادوں پر انسانیت کے خلاف جرائم کا جوابدہ ٹھہرایا جاسکتا ہے اور اس کی معقول وجوہات موجود ہیں‘۔انہوں نے کہا کہ افغان خواتین اور لڑکیوں کے ساتھ ساتھ ایل جی بی ٹی کیو کمیونٹی کو ’طالبان کی جانب سے ناقابل قبول مظالم‘ کا سامنا ہے۔عالمی فوجداری عدالت کے جج کریم خان کی درخواست پر غور کریں گے کہ آیا ان رہنماؤں کے وارنٹ گرفتاری جاری کیے جائیں یا نہیں جس میں کئی ہفتے یا مہینے لگ سکتے ہیں۔نیدرلینڈز کے شہر دی ہیگ میں قائم عالمی عدالت کا قیام دنیا کے بدترین جرائم پر فیصلہ سنانے کے لیے کیا گیا تھا جس میں جنگی جرائم اور انسانیت کے خلاف جرائم بھی شامل ہیں۔عالمی فوجداری عدالت کی اپنی کوئی پولیس فورس نہیں ہے اور وہ اپنے گرفتاری وارنٹ پر عمل درآمد کروانے کے لیے اپنے 125 رکن ممالک پر انحصار کرتی ہے، یعنی اس کا مطلب یہ ہوا کہ آئی سی سی کی جانب سے جس شخص کے وارنٹ گرفتاری جاری کیے گئے ہوں وہ حراست میں لیے جانے کے خوف سے کسی رکن ملک کا سفر نہیں کر سکتا۔آئی سی سی کے پراسیکوٹر نے نشاندہی کی کہ طالبان کی جانب سے انسانیت کے خلاف جرائم کے ساتھ ساتھ دیگر مظالم بھی جاری ہیں، جس کے خلاف وہ مزید درخواستیں بھی طلب کریں گے۔ان کا کہنا تھا ’طالبان کے مخالفین کو قتل، قید، تشدد، جنسی تشدد، جبری گمشدگی سمیت دیگر غیر انسانی اقدامات کے ذریعے بے رحمی سے دبایا گیا تھا۔انسانی حقوق کی بین الاقوامی تنظیم ہیومن رائٹس واچ (ایچ آر ڈبلیو) نے کہا ہے کہ استغاثہ کے اقدامات سے طالبان کی جانب سے خواتین اور لڑکیوں پر عائد پابندیوں کو عالمی برادری کے ایجنڈے پر واپس لانا چاہیے۔ہیومن رائٹس واچ کی بین الاقوامی انصاف کی ڈائریکٹر لز ایونسن نے کہا کہ طالبان نے دوبارہ اقتدار پر قابض ہونے کے 3 سال بعد خواتین اور لڑکیوں کے حقوق کی منظم خلاف ورزیاں کیں جس میں مزید تیزی آئی ہے۔
ذریعہ: Jasarat News
کلیدی لفظ: انسانیت کے خلاف کی جانب سے
پڑھیں:
شیخ حسینہ کو بنگلادیشی عدالت کا نوٹس، 24 جون تک پیش ہونے کا حکم
data-id="863a0a8" data-element_type="widget" data-widget_type="theme-post-content.default">
ڈھاکا: بنگلادیش کی عدالت نے سابق وزیر اعظم شیخ حسینہ کو 24 جون 2025 تک عدالت میں پیش ہونے کا حکم دیا ہے، بصورتِ دیگر ان کے خلاف مقدمہ غیابی طور پر چلایا جائے گا۔
غیر ملکی میڈیا رپورٹس کےمطابق ڈھاکا میں قائم “انٹرنیشنل کرائمز ٹریبونل” کی جانب سے جاری کیے گئے اس نوٹس میں کہا گیا ہے کہ شیخ حسینہ جو اگست 2024 سے بھارت میں مقیم ہیں، شیخ حسینہ واجد کو ایک ہفتے کے اندر عدالت کے سامنے پیش ہونا ہوگا تاکہ ان پر “انسانیت کے خلاف جرائم” سے متعلق الزامات کا سامنا کیا جا سکے۔
عدالت نے خبردار کیا ہے کہ عدم پیشی کی صورت میں ان کا ٹرائل غیابی طور پر کیا جائے گا۔
خیال رہےکہ اسی نوعیت کا حکم سابق وزیر داخلہ اسدالزماں خان کمال کے لیے بھی جاری کیا گیا ہے جو شیخ حسینہ کے قریبی ساتھی اور عوامی لیگ حکومت کے اہم رکن رہے ہیں۔ وہ بھی گزشتہ سال 5 اگست کو بنگلادیش میں پیدا ہونے والی بغاوت کے بعد درجنوں دیگر حکومتی اہلکاروں کے ساتھ بھارت فرار ہو گئے تھے۔
یاد رہے کہ یکم جون کو بنگلادیشی ٹریبونل نے شیخ حسینہ کے خلاف انسانی حقوق کی مبینہ سنگین خلاف ورزیوں پر مبنی الزامات کو باقاعدہ طور پر قبول کیا تھا، اقوام متحدہ کے انسانی حقوق کے دفتر کی رپورٹ کے مطابق جولائی سے اگست 2024 کے دوران ملک گیر مظاہروں میں تقریباً 1,400 افراد ہلاک ہوئے، جن میں 12 فیصد تعداد بچوں کی تھی، جبکہ 22,000 سے زائد افراد زخمی ہوئے۔
واضح رہےکہ حکومتِ بنگلادیش نے باضابطہ طور پر نئی دہلی کو شکایت درج کروائی ہے کہ شیخ حسینہ کے آن لائن بیانات ملک کے اندرونی معاملات میں مداخلت کے مترادف ہیں اور ان کے مواصلاتی ذرائع تک رسائی کو عارضی طور پر معطل کیا جائے تاکہ وہ وطن واپسی اختیار کریں اور عدالتی کارروائی کا سامنا کریں۔
شیخ حسینہ اور ان کے حامیوں کی جانب سے تاحال اس عدالتی نوٹس پر کوئی ردعمل سامنے نہیں آیا۔
ایرانی چیف آف اسٹاف کی مبینہ ہلاکت؟ اسرائیلی دعویٰ، ایرانی تردید