کبریٰ خان اور گوہر رشید کی محبت شادی میں کیسے بدلی، ناصر ادیب کا انکشاف
اشاعت کی تاریخ: 19th, February 2025 GMT
ماضی کے مقبول فلم ساز ناصر ادیب کا کہنا ہے کہ ’میں لندن نہیں جاؤں گا‘ میں کبریٰ خان اور گوہر رشید کو سائن کیا گیا۔ اور یہ ان کے ایک دوسرے کے قریب آںے کی پہلی سیڑھی تھی۔
ناصر ادیب نے حال ہی میں ایک پوڈ کاسٹ میں شرکت کی جہاں انہوں نے مختلف موضوعات پر کھل کر بات کی۔ جب ان سے کبریٰ خان اور گوہر رشید سے متعلق سوال کیا گیا تو انہوں نے دونوں کی محبت کی کہانی سنائی کہ وہ کیسے ایک دوسرے کے قریب آئے۔
یہ بھی پڑھیں: ’70 ہزار فرشتے ہماری گواہی دے رہے ہیں‘، اداکارہ کبریٰ خان اور گوہر رشید کا مکہ مکرمہ میں نکاح، تصاویر وائرل
ناصر ادیب کا کہنا تھا کہ کبریٰ خان اور گوہر رشید 9 سال سے ایک دوسرے کو جانتے تھے اور دونوں اکثر اکھٹے دیکھے جاتے تھے۔ یوں لوگوں کو اندازہ ہوا کہ دونوں ایک دوسرے سے محبت کرتے ہیں۔
فلم ساز کا کہنا تھا کہ ایک دن کبریٰ خان ایک محفل میں بیٹھی ہوئی تھیں کہ انہوں نے اپنی دوستوں سے کہا کہ ’میرے دوست کی شادی ہونے والی ہے‘۔ دوستوں نے گوہر رشید سے بھی یہی پوچھا کہ کبریٰ خان ایسا کہہ رہی ہیں تو ان کا کہنا تھا کہ ٹھیک ہے ’ان کے کسی دوست کی شادی ہوگی، میرے تو اپنے دوست کی شادی ہونے والی ہے‘۔
یہ بھی پڑھیں: کبریٰ خان اور گوہر رشید کی شادی سے قبل ’پکنک‘، تصاویر وائرل
ناصر ادیب کے مطابق جب کبریٰ خان سے پوچھا گیا کہ ان کے کس دوست کی شادی ہے تو انہوں نے منہ چھپا لیا اور یوں پتہ چلا کہ ان دونوں کی شادی ہو رہی ہے۔ اس طرح دونوں نے ایک دوسرے کو سمجھنے میں 9 سال کا عرصہ لگایا۔
فلم ساز کا کہنا تھا کہ کبریٰ خان ہر 2 ہفتے بعد اپنا چیک اپ کرانے اسپتال جاتی تھیں اور اسی طرح انہیں ایک دن پتہ چلا کہ ان کو کینسر ہے۔ ان کا کہنا تھا کہ اداکارہ بہت باہمت تھیں انہوں نے اس کا علاج کرایا اور وہ ٹھیک ہو گئیں۔ ناصر ادیب نے کہا کہ کبریٰ خان نے کینسر سے جنگ لڑنے کے بعد سوچا ہوگا کہ اب زندگی میں آگے بڑھنا چاہیے۔
یہ بھی پڑھیں: کبریٰ خان اور گوہر رشید کی شادی کی تقریبات کا آغاز، تصاویر وائرل
انہوں نے کبریٰ خان کو مخاطب کرتے ہوئے کہا کہ محبت سے شادی ہو جاتی ہے لیکن محبت سے شادی چلتی نہیں ہے، شادی احساس سے چلتی ہے۔ آپ ایک دوسرے کا احساس کریں گے تو شادی کامیاب ہو گی۔
واضح رہے کہ کبریٰ خان اور گوہر رشید نے 12 فروری کو نکاح کیا تھا۔ انہوں نے انسٹاگرام پر ایک تصویر شیئر کی جس میں وہ اور گوہر رشید خانہ کعبہ کے سامنے کھڑے ایک دوسرے کو دیکھ رہے ہیں۔ جبکہ دوسری تصویر میں دونوں اداکاروں نے ہاتھ غلاف کعبہ پر رکھے ہوئے ہیں۔
کیپشن میں اداکارہ نے لکھا کہ اللہ کی کرسی کے سائے تلے، 70 ہزار فرشتے ہماری گواہی دے رہے ہیں اور اللہ کی رحمت بارش کی مانند ہم پر برس رہی ہے۔ ساتھ ہی انہوں نے ’قبول ہے‘ لکھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کبریٰ خان کبریٰ خان شادی گوہر رشید ناصر ادیب.ذریعہ: WE News
کلیدی لفظ: گوہر رشید خان اور گوہر رشید کا کہنا تھا کہ دوست کی شادی کی شادی ہو ایک دوسرے انہوں نے کہ کبری
پڑھیں:
مالی مشکلات سے تنگ ہیں؟ جانیے چیٹ جی پی ٹی کیسے آپ کی مدد کرسکتا ہے
امریکا میں مالی منصوبہ بندی اور قرض سے نجات کے لیے مصنوعی ذہانت (اے آئی) پر مبنی چیٹ بوٹس کا استعمال تیزی سے بڑھ رہا ہے۔
تازہ ترین سروے اور رپورٹس کے مطابق امریکی بالغ افراد کی نصف سے زائد آبادی اپنے مالی معاملات جیسے بجٹ سازی، قرض کی ادائیگی اور سرمایہ کاری میں خود فیصلے کرتی ہے اور اب ان میں سے ایک بڑی تعداد مشاورت کے لیے اے آئی ٹیکنالوجی کا سہارا لے رہی ہے۔
یہ بھی پڑھیے: نو عمر لڑکے کی خودکشی: اوپن اے آئی کی جانب سے چیٹ جی پی ٹی پر والدین کا کنٹرول متعارف
کریڈٹ کارما کے ایک حالیہ سروے کے مطابق دو تہائی بالغ افراد جنہوں نے چیٹ جی پی ٹی یا گوگل جیمینائی جیسے چیٹ بوٹس استعمال کیے، انہوں نے اعتراف کیا کہ انہوں نے ان پلیٹ فارمز سے مالی مشورہ حاصل کیا۔
مزید یہ کہ ان میں سے 80 فیصد نے کہا کہ ان کے مالی حالات میں بہتری آئی۔ خاص طور پر نوجوان نسل میں یہ رجحان زیادہ نمایاں ہے جہاں تقریباً 82 فیصد جنریشن زیڈ اور ملینیل صارفین نے مالی رہنمائی کے لیے اے آئی استعمال کرنے کی تصدیق کی۔
نیویارک ٹائمز کی رپورٹ کے مطابق امریکا میں ڈیلاویئر کی جینیفر ایلن نے چیٹ جی پی ٹی کی مدد سے 30 روزہ چیلنج شروع کیا تاکہ 23 ہزار ڈالر کے کریڈٹ کارڈ قرض کو کم کر سکیں۔ اس دوران انہوں نے چیٹ جی پی ٹی کے کہنے پر غیر استعمال شدہ اشیا بیچ کر، پلازما ڈونیٹ کر کے اور گھریلو کھانوں سے بچت کر کے تقریباً نصف قرض اتار دیا۔
یہ بھی پڑھیے: چیٹ جی پی ٹی کی مقبولیت میں تاریخی اضافہ، کاروباری صارفین 5 کروڑ تک پہنچ گئے
ماہرین کا کہنا ہے کہ چیٹ بوٹس اپنی تیز رفتاری، کم لاگت اور آسان رسائی کی وجہ سے مقبول ہیں۔ یہ سروسز فوری طور پر بجٹ پلان، بچت کے طریقے اور سرمایہ کاری کی حکمتِ عملیاں تجویز کرتی ہیں۔ تاہم خطرات بھی موجود ہیں، جن میں غلط یا پرانی معلومات، ڈیٹا لیک ہونے کا اندیشہ اور غیر متوازن مشورے شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجٹ پیسہ چیٹ جی پی ٹی
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام