پاکستانیوں کے لیے بڑی خوشخبری، ملائیشین ایئر لائن نے کرایوں میں 20 فیصد رعایت دیدی
اشاعت کی تاریخ: 11th, April 2025 GMT
ملائیشیا کی سستی ایئر لائن ’ایئر ایشیا ایکس‘ نے پاکستان میں بھی اپنے آپریشنز باضابطہ شروع کردیے ہیں جس کے نتیجے میں پاکستان اور ملائیشیا کے مابین سفری روابط میں اضافہ ہوگیا ہے۔ کراچی سے کوالالمپور کے لیے براہ راست پروازیں 30 مئی سے شروع ہوں گی۔
یہ اعلان کراچی کے ایک مقامی ہوٹل میں منعقدہ افتتاحی تقریب کے دوران کیا گیا جس میں گورنر سندھ کامران ٹیسوری، سندھ کے وزیر توانائی ناصر حسین شاہ اور ملائیشیا کے قونصل جنرل ہرمن ہاردیناتا احمد سمیت دیگر شخصیات نے شرکت کی۔
تقریب سے خطاب کرتے ہوئے گورنر کامران ٹیسوری نے سروس کے آغاز کا خیرمقدم کیا اور اس نئے روٹ کو پاکستان اور ملائیشیا کے مابین دوطرفہ تعلقات کو مضبوط بنانے کی جانب ایک قدم قرار دیا۔ انہوں نے کہا ’ یہ نئی کنیکٹیویٹی نہ صرف لوگوں کے درمیان تعلقات کو بڑھائے گی بلکہ دونوں ممالک کے درمیان کاروبار اور سیاحت کے دروازے بھی کھولے گی۔‘
یہ بھی پڑھیے ’وقت اور پیسے دونوں کی بچت‘، ایئر ایشیا نے کراچی کے لیے سستی اور براہ راست فلائٹس کا اعلان کردیا
ایئر ایشیا ایکس کے سی ای او بنجمن اسماعیل نے سامعین سے خطاب کرتے ہوئے اعلان کیا کہ ایئر لائن کراچی اور کوالالمپور کے درمیان ہر ہفتے پیر، بدھ، جمعہ اور اتوار کو 4 راؤنڈ ٹرپ پروازیں چلائے گی۔
انہوں نے یہ بھی انکشاف کیا کہ ابتدائی طور پر یک طرفہ ٹکٹ کی قیمت 55800 روپے مقرر کی گئی ہے، جبکہ پہلے پہل بکنگ کروانے پر 20 فیصد رعایت دی جا رہی ہے۔
ایئر ایشیا ایکس نے اپنے پاکستان آپریشنز کے ذریعے سالانہ 100,000 سے زائد مسافروں کو خدمات فراہم کرنے کا ہدف مقرر کیا ہے، جس کا مقصد کاروباری اور تفریحی مسافروں دونوں کے لیے سستی اور معیاری سفری خدمات فراہم کرنا ہے۔
یہ بھی پڑھیے 35 ہزار والا ٹکٹ اب صرف 13 ہزار میں، ایئر ٹکٹس کی قیمت میں بڑی کمی کی وجہ کیا؟
گزشتہ روز ملائیشیا کے قونصل جنرل ہرمن ہاردیناتا احمد نے وفد سمیت گورنر ہاؤس کراچی کا دورہ کیا اور گورنر ٹیسوری سے ملاقات کی جس میں باہمی دلچسپی کے امور اور دونوں ممالک کے درمیان تعاون بڑھانے پر تبادلہ خیال کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر ایشیا پاکستان سستا فضائی سفر کراچی ملائیشیا.ذریعہ: WE News
کلیدی لفظ: ایئر ایشیا پاکستان سستا فضائی سفر کراچی ملائیشیا ملائیشیا کے ایئر ایشیا کے درمیان کے لیے
پڑھیں:
تنخواہ دار طبقے کے لیے خوشخبری: وفاقی بجٹ 26-2025 میں انکم ٹیکس کی شرح کم کر دی گئی
وفاقی وزیر خزانہ محمد اورنگزیب نے گزشتہ روز مالی سال 26-2025 کا بجٹ پیش کرتے ہوئے تنخواہ دار طبقے کے لیے بڑے ٹیکس ریلیف کا اعلان کیا، انہوں نے کہا کہ وزیر اعظم شہباز شریف کی ہدایت پر طویل عرصے سے ٹیکس کا بوچھ اٹھانے والے تنخواہ دار طبقے کو ریلیف دینا حکومت کی اولین ترجیح ہے۔
یہ بھی پڑھیں:
وزیر خزانہ نے بجٹ اجلاس سے خطاب کرتے ہوئے بتایا کہ حکومت نے تنخواہ دار افراد کے لیے انکم ٹیکس کی شرح میں مجموعی طور پر کمی تجویز کی ہے، جس کے مطابق سالانہ6 لاکھ سے 12 لاکھ روپے کمانے والوں کے لیے ٹیکس کی شرح 5 فیصد سے گھٹا کر 2.5 فیصد کر دی گئی ہے۔
اسی طرح سالانہ 12 لاکھ سے 22 لاکھ روپے آمدن والے افراد کے لیے ٹیکس کی شرح 15 فیصد سے کم کر کے 11 فیصد کردی گئی ہے جبکہ22 لاکھ سے 32 لاکھ روپے آمدن والے افراد کے لیے ٹیکس 25 فیصد سے کم کر کے 23 فیصد کردیا گیا ہے۔
مزید پڑھیں:
وزیر خزانہ نے یہ بھی بتایا کہ اعلیٰ آمدنی والے طبقات کے لیے بھی ٹیکس میں کمی کی تجاویز دی گئی ہیں تاکہ ٹیکس نظام کو زیادہ متوازن اور منصفانہ بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تنخواہ دار طبقے ٹیکس ریلیف ٹیکس کی شرح شہباز شریف مالی سال محمد اورنگزیب وزیر اعظم وفاقی وزیر خزانہ
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم