چین اور کمبوڈیا دونوں قومی ترقی کے ایک اہم مرحلے میں ہیں، چینی صدر
اشاعت کی تاریخ: 17th, April 2025 GMT
نوم پین :چینی صدر شی جن پھنگ نے نوم پین میں کمبوڈین پیپلز پارٹی اور سینیٹ کے چیئرمین ہن سین سے ملاقات کی۔
جمعرات کے روز شی جن پھنگ نے کہا کہ اس وقت چین اور کمبوڈیا دونوں قومی ترقی کے ایک اہم مرحلے میں ہیں اور دونوں فریقوں کو اپنی جدیدیت کو فروغ دینے کے عمل میں بنی نوع انسان کے ہم نصیب معاشرے کی تعمیر کے لئے ایک مثال قائم کرنی چاہئے اور دنیا میں زبردست تبدیلیوں کے تناظر میں امن ، استحکام اور ترقی کی اہم طاقت بننے
کے لئے مل کر کام کرنا چاہئے۔
شی جن پھنگ نے اس یقین کا اظہار کیا کہ کمبوڈیا کی قومی ترقی اور احیاء کا راستہ وسیع سے وسیع ہوگا ، اور چین قومی استحکام اور معاشی ترقی کو برقرار رکھنے کے لئے کمبوڈیا کے عوام کی قیادت کرنے میں کمبوڈیا کی پیپلز پارٹی کی حمایت جاری رکھے گا ، اور علاقائی اور بین الاقوامی سطح پر کمبوڈیا کے زیادہ اہم کردار کی حمایت جاری رکھے گا۔
شی جن پھنگ نے اس بات پر زور دیا کہ چین پارٹی کی تعمیر کو مضبوط بنانے اور اصلاحات اور ترقی کو فروغ دینے جیسے بڑے معاملات پر کمبوڈیا سے تبادلے اور باہمی سیکھنے کا خواہاں ہے ، نیز چین کی قومی عوامی کانگریس ، چینی عوامی سیاسی مشاورتی کانفرنس اور کمبوڈیا کی سینیٹ اور قومی اسمبلی کے درمیان دوستانہ تعاون کو گہرا کرنے کا خواہاں ہے۔
ہن سین نے کہا کہ چین کمبوڈیا کا سب سے مضبوط حامی اور سب سے قابل اعتماد شراکت دار ہے ۔ کمبوڈیا چین کی حمایت پر تہہ دل سے شکر گزار ہے جس نے کمبوڈیا کی معاشی اور معاشرتی ترقی اور لوگوں کی زندگیوں کی بہتری میں اہم کردار ادا کیا ہے۔ کمبوڈیا ون چائنا پالیسی پر سختی سے عمل پیرا ہے۔ تجارتی جنگوں اور محصولات کی جنگوں نے تمام ممالک کے جائز مفادات کو نقصان پہنچایا ہے اور بین الاقوامی صورتحال میں عدم استحکام پیدا کیا ہے ، کمبوڈیا چین کے ساتھ تعاون کو مضبوط بنانے اور مختلف خطرات اور چیلنجوں سے نمٹنے کے لئے مل کر کام کرنے کے لئے تیار ہے۔
Post Views: 6.ذریعہ: Daily Mumtaz
کلیدی لفظ: شی جن پھنگ نے کے لئے
پڑھیں:
مظفرآباد میں ایکشن کمیٹی اور وفاقی وزرا کے مذاکرات فیصلہ کن مرحلے میں داخل
آزاد کشمیر میں جاری عوامی احتجاج کے پس منظر میں ایکشن کمیٹی اور وفاقی وزرا کے درمیان مذاکرات 9 گھنٹے سے زائد جاری ہیں۔
کمیٹی کے کور ممبران شوکت نواز میر اور عمر نذیر کشمیری نے میڈیا سے گفتگو کرتے ہوئے بتایا کہ کچھ معاملات طے پا گئے ہیں جبکہ باقی نکات پر مشاورت ابھی جاری ہے۔
یہ بھی پڑھیں:وزیراعظم نے وفاقی وزراء کو عوامی ایکشن کمیٹی سے مذاکرات کا اختیار دے دیا
شوکت نواز میر نے کہا کہ ایک گھنٹے میں واضح ہو جائے گا کہ مذاکرات کامیاب ہوتے ہیں یا ناکام۔ اگر بات چیت ناکام ہوئی تو 29 ستمبر کی دی گئی کال برقرار رہے گی۔ انہوں نے کہا کہ قوم کسی بھی فیصلے کے لیے تیار رہے۔
وفاقی وزرا کا کہنا ہے کہ وزیر اعظم شہباز شریف نے انہیں مکمل اختیارات کے ساتھ مظفرآباد بھیجا ہے اور وہ عوام کے لیے بہترین فیصلہ کریں گے۔
خیال رہے کہ آزاد کشمیر میں حالیہ دنوں بجلی کے نرخ، گندم سبسڈی اور دیگر معاشی مسائل پر عوامی غصہ بڑھ گیا تھا۔
اس احتجاج کی قیادت عوامی ایکشن کمیٹی کر رہی ہے جس نے حکومت سے واضح مطالبات سامنے رکھے ہیں۔
ان مظاہروں کے دوران بعض مقامات پر جھڑپیں بھی ہوئیں جس کے باعث حالات کشیدہ ہو گئے تھے۔ عوام کی بڑی تعداد معاشی ریلیف اور بنیادی سہولیات کی فراہمی کے لیے سراپا احتجاج ہے۔
کمیٹی اور حکومت کے درمیان یہ مذاکرات اسی تناظر میں جاری ہیں اور فیصلہ کن مرحلے میں داخل ہونے پر عوام کی نظریں مظفرآباد پر مرکوز ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر جوائنٹ ایکشن کمیٹی مذاکرات وفاقی وزرا
عبدالعلیم خان کا مری اسلام آباد ایکسپریس وے کا دورہ، تزئین و آرائش کے کاموں میں تاخیر پر اظہارِ ناراضگی