کپور خاندان کو صدمہ، اہم فیملی ممبر کا انتقال ہوگیا
اشاعت کی تاریخ: 3rd, May 2025 GMT
بھارتی فلمی صنعت کی مشہور کپور فیملی گہرے صدمے سے دوچار ہوگئی ہے۔ بالی ووڈ کی چکاچوند دنیا کے پیچھے ایک دکھ بھری خبر نے ہر طرف افسردگی کی لہر دوڑا دی ہے۔
انیل کپور، بونی کپور اور سنجے کپور کی والدہ، اور مشہور فلم پروڈیوسر سریندر کپور کی اہلیہ نرمل کپور انتقال کرگئی ہیں۔
نرمل کپور نے 90 برس کی عمر میں 2 مئی کی شام ممبئی کے کوکیلابین دھیروبھائی امبانی اسپتال میں اپنی آخری سانس لی۔ ان کے انتقال کی وجہ دل کا دورہ بتایا گیا ہے۔
اسپتال کے سی ای او، ڈاکٹر سنتوش شیٹی نے ان کی وفات کی تصدیق کرتے ہوئے بتایا کہ وہ شام 5 بج کر 25 منٹ پر دنیا سے رخصت ہوئیں۔ نرمل کپور کو نہ صرف کپور خاندان میں بلکہ بالی وڈ کے حلقوں میں بھی بے حد عزت و احترام حاصل تھا۔
رپورٹس کے مطابق نرمل کپور کی آخری رسومات 3 مئی کو ادا کی جائیں گی، جہاں فلمی دنیا کی متعدد شخصیات کی شرکت متوقع ہے۔
نرمل کپور کو ان کے چار بچوں بونی کپور، انیل کپور، سنجے کپور اور رینا کپور کے ساتھ ساتھ ایک بھرپور فلمی ورثے کی نانی اور دادی کے طور پر بھی یاد رکھا جائے گا۔ وہ ارجن کپور، سونم کپور، ریا کپور، جھانوی کپور اور خوشی کپور جیسی فلمی شخصیات کی بزرگ تھیں، جو آج ان کے جانے پر سوگوار ہیں۔
نرمل کپور کی وفات سے نہ صرف کپور خاندان بلکہ بالی ووڈ کی ایک پوری نسل اپنے ماضی سے جُڑی ایک اہم شخصیت سے محروم ہوگئی ہے۔
.ذریعہ: Express News
پڑھیں:
لاڑکانہ ، زائرین کی بس الٹ گئی، 25 افراد زخمی، ٹراما سینٹرمنتقل
لاڑکانہ (نمائندہ اوصاف)علاقہ رستم کے قریب زائرین کی بس الٹنے سے خواتین اور بچوں سمیت ایک ہی خاندان کے 25 افراد زخمی ہوگئے۔روزنامہ ممتاز کی رپورٹ کے مطابقشکارپور کے علاقے رستم کے رہائشی ایک ہی خاندان کے 40 افراد سیہون شریف جا رہے تھے کہ بس لاڑکانہ کے قریب خیرپور جوسو کے مقام پر ڈرائیور سے بےقابو ہوکر الٹ گئی۔
حادثے میں خواتین اور بچوں سمیت ایک ہی خاندان کے 25 افراد زخمی ہوگئے، جنہیں ٹراما سینٹر لاڑکانہ منتقل کر دیا گیا۔
عابدہ پروین اسپتال منتقل، گلوکارہ کی حالت کیسی ہے؟