منگچر، مسلح افراد نے قیدیوں کو فرار اور پولیس اہلکاروں کو اغواء کر لیا
اشاعت کی تاریخ: 4th, May 2025 GMT
پولیس ذرائع کے مطابق مگنچر کے مقام پر مسلح افراد نے ناکہ بندی کرکے دس قیدیوں کو فرار اور پانچ پولیس اہلکاروں کو اغواء کر لیا۔ اسلام ٹائمز۔ نامعلوم مسلح افراد نے منگچر قومی شاہراہ ناکہ بندی کے دوران قیدی لے جانیوالی وین کو روک کر دس قیدیوں کو فرار اور پانچ پولیس اہلکاروں کو اغواء کر لیا۔ مذکورہ قیدیوں کو گڈانی جیل سے پیشی کیلئے کوئٹہ لے جایا جا رہا تھا۔ پولیس ذرائع کے مطابق حب پولیس کا اے ایس آئی، تین ہیڈ کانسٹیبلز اور چار کانسٹیبلز جمعہ کی صبح گڈانی جیل سے دس قیدیوں کو لیکر پرائیویٹ ویگن میں کوئٹہ آرہے تھے۔ شام سات بجے ان کی وین جب منگچر پہنچی تو قومی شاہراہ پر مسلح افراد نے ناکہ بندی کی ہوئی تھی۔ اس دوران مسلح افراد نے وین میں سوار قیدیوں کو چھڑا کر فرار کروا دیا، جبکہ اے ایس آئی سمیت پانچ پولیس اہلکاروں کو اسلحہ سمیت اپنے ساتھ لے گئے۔
ذرائع کے مطابق مسلح افراد نے گاڑی کا ڈرائیور اور گاڑی کو چھوڑ دیا۔ دو اہلکار سادہ کپڑوں میں ہونے کے باعث بچ نکلے۔ ذرائع نے بتایا کہ فرار ہونے والے دو سزا یافتہ قیدی تھے۔ جن میں ایک قیدی کو سزائے موت اور ایک کو عمر قید کی سزا ہوئی تھی، جنہیں مچ جیل منتقل کرنا تھا۔ دونوں قیدیوں نے اپنی بیویوں کو قتل کیا تھا جبکہ آٹھ قیدی منشیات کے مقدمات میں گڈانی جیل میں قید تھے اور انڈر ٹرائل تھے۔ جن کی پانچ مئی کو کوئٹہ کی عدالت میں پیشی تھی۔ ذرائع نے بتایا کہ ویگن کے ڈرائیور نے حب پہنچ کر پولیس کے اعلیٰ حکام کو واقعہ کی اطلاع دی۔
ذریعہ: Islam Times
کلیدی لفظ: پولیس اہلکاروں کو مسلح افراد نے قیدیوں کو
پڑھیں:
لاہور سے اغواء ہونے والی دو بہنیں اسلام آباد سے بازیاب، تین ملزمان گرفتار
لاہور سے اغواء ہونے والی دو بہنیں مبرا اور اریبہ کو اسلام آباد سے بحفاظت بازیاب کروا لیا گیا ہے، جبکہ اس واردات میں ملوث ایک خاتون سمیت تین افراد کو گرفتار کر لیا گیا ہے۔
پولیس کے مطابق بچیاں 13 نومبر کو سکول سے واپس آ رہی تھیں کہ لاپتہ ہو گئیں۔ والد کی مدعیت میں اغواء کا مقدمہ درج کیا گیا اور تفتیش کے دوران کلوز سرکٹ فوٹیج کا سہارا لیا گیا۔ اسلام آباد میں کی گئی کارروائی کے دوران دونوں بہنیں محفوظ طریقے سے بازیاب کروا لی گئیں۔
ملزمہ خاتون نے بچیوں کو ورغلاء کر کے اغواء کیا تھا۔ پولیس کا کہنا ہے کہ ملزمان سے واردات کے دیگر پہلوؤں کے حوالے سے مزید تفتیش جاری ہے تاکہ مکمل حقائق سامنے آ سکیں۔
4.5 ملین برطانوی بچے غربت میں زندگی گزار رہے ہیں، رپورٹ