بھارت میں بلیک آؤٹ، پاکستانیوں کا مورال بہت بلند ہے، امریکی اخبار
اشاعت کی تاریخ: 9th, May 2025 GMT
پاک بھارت کشیدگی پرامریکی اخبار نے لکھا ہے کہ بھارت میں ایئرپورٹس بند ہیں، مختلف ریاستوں میں بلیک آؤٹ ہورہا ہے جبکہ پاکستان میں لوگوں کا مورال بہت بلند ہے۔
اخبار نے اپنے تجزیے میں لکھا ہے کہ پاک بھارت تنازع کیا رُخ اختیار کرسکتا ہے، اس بارے میں کچھ نہیں کہا جاسکتا۔
امریکی اخبار کے مطابق پاکستان میں عوام فوج کی جوابی کارروائی پر جشن منا رہے ہیں، جبکہ شہریوں کا مطالبہ ہے کہ بھارتی حملے کا مناسب جواب دیا جائے۔
Post Views: 6.ذریعہ: Daily Mumtaz
پڑھیں:
10 کھرب سورجوں جتنی روشنی، اب تک کا سب سے طاقتور بلیک ہول دھماکا دریافت
ماہرینِ فلکیات نے کائنات میں ایک ایسا طاقتور بلیک ہول دھماکہ دریافت کیا ہے جو اب تک دیکھے گئے تمام خلائی مظاہر سے زیادہ روشن اور شدید ہے۔
محققین کے مطابق یہ بلیک ہول ایک دیوہیکل ستارے کو نگل رہا ہے، جو ہمارے سورج سے کم از کم 30 گنا بڑا تھا۔
یہ بھی پڑھیں:ناسا کی خلائی دوربین کا ایک پرزہ خراب، مشاہدات وقتی طور پر معطل
فلکیاتی جریدے ’نیچر ایسٹرونومی‘ میں شائع ہونے والی اس تحقیق کے مطابق یہ غیر معمولی واقعہ بلیک ہول J2245+3743 کے قریب پیش آیا، جو زمین سے تقریباً 10 ارب نوری سال کے فاصلے پر واقع ہے۔
دیوہیکل ستارے کی تباہیماہرین کا کہنا ہے کہ یہ ستارہ بلیک ہول کے بہت قریب چلا گیا، جس کے بعد بلیک ہول نے اسے اپنی کششِ ثقل کے زور سے چیر کر ٹکڑے ٹکڑے کر دیا۔
یہی عمل ایک عظیم فلکیاتی دھماکے (flare) کا باعث بنا، جس کی روشنی 10 کھرب سورجوں کے برابر ریکارڈ کی گئی۔
مشاہدہ اور شدتیہ مظہر سب سے پہلے زوکِی ٹرانزینٹ فسیلٹی (ZTF) اور کیلی فورنیا انسٹیٹیوٹ آف ٹیکنالوجی (Caltech) کی کیٹالینا ریئل ٹائم سروے کے ذریعے 2018 میں دریافت ہوا۔
چند ماہ کے دوران یہ فلیئر اپنی روشنی میں 40 گنا اضافہ کرتا گیا اور اپنی انتہا پر پہنچ کر اب تک کے تمام بلیک ہول مظاہر سے 30 گنا زیادہ روشن ہو گیا۔
500 ملین گنا بڑا بلیک ہولتحقیق کے سربراہ ماہرِ فلکیات میتھیو گراہم کے مطابق J2245+3743 ایک فعال کہکشانی مرکز (Active Galactic Nucleus) ہے، جو فی الحال خوراک حاصل کرنے کے عمل میں ہے۔ یہ بلیک ہول ہمارے سورج سے تقریباً 500 ملین گنا زیادہ بڑا ہے۔
ماہرین کے مطابق، بلیک ہول کے قریب وقت کی رفتار مختلف ہوتی ہے، جسے کاسمولوجیکل ٹائم ڈائلیشن کہا جاتا ہے۔
یہ بھی پڑھیں:بلیک ہول کی فعالیت کا مشاہدہ پہلی بار عکس بند
میتھیو گراہم کے بقول وہاں کا دو سال ہمارے یہاں کے سات سال کے برابر ہے، یعنی ہم اس مظہر کو گویا آہستہ رفتار میں دیکھ رہے ہیں۔
اب بھی جاری مظہراگرچہ یہ دھماکا بتدریج مدھم ہو رہا ہے، لیکن ماہرین کا کہنا ہے کہ بلیک ہول ابھی بھی ستارے کو مکمل طور پر ہضم نہیں کر پایا۔گراہم کے الفاظ میں یہ منظر کسی وہیل کی طرح ہے جس نے مچھلی کو ابھی آدھا نگلا ہو۔
سابق ریکارڈ سے 30 گنا زیادہ طاقتوراس سے قبل سب سے بڑا ٹائیڈل ڈسٹرکشن ایونٹ (TDE) ‘اسکیری باربی’ کہلاتا تھا، جو J2245+3743 کے مقابلے میں 30 گنا کمزور تھا۔
یہ دریافت بلیک ہولز اور ان کے گرد پائے جانے والے فلکیاتی مظاہر کے مطالعے میں ایک نیا باب ثابت ہو رہی ہے، جو کائنات کی توانائی اور وقت کے اسرار کو سمجھنے میں مدد فراہم کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلیک ہول ٹائیڈل ڈسٹرکشن ایونٹ فلیکیاتی دھماکا
بھارتی طیارے میں بم کی اطلاع: ہنگامی طور پر ممبئی ایئرپورٹ پر اتارلیا گیا