’بھارت کو ایسا ہی جواب ملے گا‘، خواجہ آصف نے پاک بھارت جنگ کی دلچسپ ویڈیو شیئر کردی
اشاعت کی تاریخ: 9th, May 2025 GMT
وفاقی وزیرِ دفاع خواجہ آصف نے پاکستان اور بھارت کے درمیان جاری کشیدگی کے دوران ایک دلچسپ ویڈیو سوشل میڈیا پر شیئر کی ہے۔
ویڈیو کلپ میں دیکھا جا سکتا ہے کہ ایک اکھاڑے میں دو نوجوان مدمقابل ہیں اور کئی شائقین اکھاڑے کے ارد گرد کھڑے ہیں۔ ویڈیو کلپ میں ایک شخص کو بطور ہندوستان جبکہ دوسرے کو بطور پاکستان کی نمائندگی کرتے دکھایا گیا ہے۔
جیسے ہی کھیل کا آغاز ہوتا ہے بھارت کی نمائندگی کرتا نوجوان اکھاڑے میں قلابازیاں کھاتے ہوئے اپنے حریف پاکستانی نوجوان کے سامنے آتا ہے اور اسے ڈرانے کی کوشش کرتا ہے۔ جیسے ہی وہ پاکستانی نوجوان کو مارنے کے لیے آگے بڑھتا ہے پاکستانی نوجوان ایک ہی مکے سے اس کو ڈھیر کر دیتا ہے اور ہندوستانی شخص زمین پر گر جاتا ہے اور پاکستانی وہ مقابلہ جیت جاتا ہے ساتھ ہی بیک گراؤنڈ میں پاکستانی ترانہ چلا دیا جاتا ہے۔
پاک بھارت جنگ کا وڈیو خلاصہ ۔۔۔ انشاءاللہ pic.
— Khawaja M. Asif (@KhawajaMAsif) May 8, 2025
خواجہ آصف نے پوسٹ کے کیپشن میں لکھا کہ پاک بھارت جنگ کا وڈیو خلاصہ۔ انشاءاللہ۔ انٹرنیٹ صارفین کی جانب سے خواجہ آصف کی اس پوسٹ پر خوب قہقہے لگائے جا رہے ہیں اور صارفین اپنی رائے کا اظہار بھی کر رہے ہیں۔
ایک صارف نے کہا ہے کہ خواجہ آصف کو مخاطب کرتے ہوئے کہا کہ جگت میں تو فیصل آبادی مشہور ہیں اپ تو سیالکوٹی ہو مگر سب کو پیچھے چھوڑ دیا۔
یار خواجہ صاحب جگت میں تو اپنے فیصل آبادی مشہور ہیں اپ تو سیال کوٹی ہو مگر سب کو پیچھے چھوڑ دیا ????????????????
— Sheikh Ahmed zamir (@ZamirDuftry) May 8, 2025
رومیل نامی صارف لکھتے ہیں کہ انڈیا اور پاکستان کی جنگ کے تناظر میں خواجہ آصف نے صحیح منظر کشی کی ہے۔
خواجہ صاحب نے صحیح منظر کشی کی ہے، انڈیا اور پاکستان کی جنگ کے تناظر میں ۔۔۔ اور بہترین ???????????????????????????? https://t.co/rLq62TGHi3
— Romail ???????????????? (@BabarAries23) May 9, 2025
صحافی کرن ناز نے خواجہ آصف کی ویڈیو پر تبصرہ کرتے ہوئے لکھا کہ اصل شغل تو ہمارے ڈیفنس منسٹرنے لگا رکھا ہے اس لیے برابر میں نیندیں حرام ہیں۔
اصل شغل تو ہمارے ڈیفنس منسٹرنے لگا رکھا ہے۔ ????????????????
???????????? ۔اسی لئیے تو برابر میں نیندیں حرام ہیں https://t.co/QQXLoDbFWh
— Kiran Naz (@kirannaz_KN) May 8, 2025
واضح رہے کہ اس سے قبل بھی خواجہ آصف نے 1966ء کی کلاسک فلم ’دی گڈ، دی بیڈ اینڈ دی اگلی‘ کی ایک ویڈیو اپنے آفیشل ایکس اور انسٹاگرام اکاؤنٹ پر شیئر کی تھی۔
اس کلپ میں بھارت کی نمائندگی کرتا شخص ہاتھ میں پستول لیے ایک گھر میں داخل ہوتا ہے اور اپنے حریف (پاکستان) کو بتاتا ہے کہ میں لمبے عرصے سے میں تمہیں ڈھونڈ رہا تھا اور آخر کار مجھے تم مل ہی گئے۔
اسی اثناء میں باتھ ٹب میں لیٹا شخص (پاکستان) بلاخوف و فکر سامنے کھڑے شخص (بھارت) پر گولی چلا دیتا ہے اور کہتا ہے کہ ’جب گولی مارنی ہو تو مار دو، بات نہ کرو۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان انڈیا جنگ پہلگام حملہ خواجہ آصفذریعہ: WE News
کلیدی لفظ: پاکستان انڈیا جنگ پہلگام حملہ خواجہ ا صف خواجہ ا صف نے ہے اور
پڑھیں:
انسٹاگرام کا نیا فیچر ’انسٹاگرام میپ‘، اسنیپ چیٹ کو ٹکر دینے کی کوشش
میٹا کے زیر ملکیت سوشل میڈیا پلیٹ فارم انسٹاگرام نے اپنا نیا فیچر ’انسٹاگرام میپ‘ متعارف کرا دیا ہے، جس کا مقصد لوکیشن شیئرنگ کے میدان میں اسنیپ چیٹ کے مقبول فیچر ’اسنیپ میپ‘ کا مقابلہ کرنا ہے۔
یہ نیا فیچر صارفین کو اپنی موجودہ لوکیشن شیئر کرنے، دوستوں کی لوکیشن دیکھنے اور مقام سے منسلک مواد جیسے ریسٹورنٹس یا میوزک فیسٹیولز دریافت کرنے کی سہولت فراہم کرتا ہے۔ تاہم یہ فیچر ڈفالٹ طور پر بند ہوگا اور صرف اُس وقت اپڈیٹ ہوگا جب ایپ کھولی جائے گی، یعنی اسے ریئل ٹائم میں استعمال نہیں کیا جاسکے گا۔
یہ بھی پڑھیں: کیا انسٹاگرام اور واٹس ایپ مارک زکربرگ کی ملکیت نہیں رہیں گے؟ فیصلہ عدالت کرے گی
اس فیچر کے تحت صارفین ڈائریکٹ میسج کے ذریعے اپنی موجودہ لوکیشن صرف ایک گھنٹے کے لیے شیئر کرسکتے ہیں۔ مزید یہ کہ، صارفین مخصوص مقامات پر پوسٹس اور مختصر ’نوٹس‘ بھی شیئر کرسکتے ہیں، جس سے میپ پر موجود مواد اور بھی دلچسپ بن جائے گا۔
انسٹاگرام کا یہ اقدام 2023 میں بند ہونے والے ایپ Zenly کے متبادل کے طور پر بھی دیکھا جارہا ہے، جو نوجوانوں میں مقبول لوکیشن شیئرنگ ایپ تھی۔
میٹا کی ملکیت والے اس پلیٹ فارم نے ایک اور نمایاں فیچر ری پوسٹس بھی لانچ کیا ہے، جو ٹک ٹاک کے شیئر اور ٹوئٹر کے ری ٹویٹ جیسی خصوصیات رکھتا ہے۔ یہ ری پوسٹس صارفین کے پروفائلز میں ایک علیحدہ ٹیب میں ظاہر ہوں گے اور دوستوں کی فیڈ میں بھی نظر آئیں گے، جس سے مواد تخلیق کرنے والوں کو فالوورز بڑھانے اور وسیع سامعین تک رسائی حاصل ہو سکے گی۔
یہ بھی پڑھیں: انسٹاگرام کے نئے کیروسل فیچر میں خاص کیا ہے؟
اس کے علاوہ، انسٹاگرام نے اپنی ریلز کے ’فرینڈز ٹیب‘ کو بھی دنیا بھر میں وسعت دے دی ہے، جہاں صارفین یہ دیکھ سکتے ہیں کہ ان کے دوست کن ریلز پر تبصرے، لائکس یا ری پوسٹس کررہے ہیں۔ ساتھ ہی صارفین کو شیئر کردہ سرگرمیوں پر مزید کنٹرول کے اختیارات بھی دیے گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسنیپ چیٹ انسٹاگرام ری پوسٹس میپ میٹا
چین اور سوئٹزرلینڈ نے باہمی جیت پر مبنی تعاون کے جذبے کو پروان چڑھایا ہے، چینی عہد یدار