چینی قونصل خانے پر حملے کے مقدمے میں گواہ کو پیش کرنے کا حکم
اشاعت کی تاریخ: 16th, May 2025 GMT
کراچی:
انسداد دہشت گردی کی خصوصی عدالت نے چینی قونصل خانے پر حملے کے مقدمے میں کیس پراپرٹی اور گواہوں کو پیش کرنے کا حکم دیدیا۔
دورانِ سماعت عدالت نے کیس پراپرٹی پیش نہ کرنے پر شدید برہمی کا اظہار کیا۔ عدالت نے تفتیشی افسر سے استفسار کیا کہ کیس پراپرٹی اور گواہوں کو پیش کیوں نہیں کررہے۔ بعد ازاں عدالت نے آئندہ سماعت پر کیس پراپرٹی اور گواہوں کوپیش کرنے کا حکم دیدیا۔
عدالت نے کیس کی سماعت 31 مئی تک ملتوی کردی۔
پولیس کے مطابق مقدمے میں کالعدم بی ایل اے کے کارندے علی حسنین، عبداللطیف سمیت 4 ملزم گرفتار ہیں۔ مقدمے میں کالعدم بی ایل اے کے سربراہ حربیار مری سمیت 16 ملزم اشتہاری ہیں۔
یاد رہے کہ چائنیز قونصلیٹ پر نومبر 2018 میں حملہ ہوا تھا، جس میں 3 دہشتگردوں سمیت 7 افراد مارےگئے تھے۔دہشتگردوں کیخلاف سول لائن پولیس نے مقدمہ درج کیا گیا تھا۔
.ذریعہ: Express News
کلیدی لفظ: کیس پراپرٹی عدالت نے
پڑھیں:
فرانسیسی سفارتخانے کے وفد کی اڈیالہ جیل میں قیدی سے ملاقات
اڈیالہ جیل—فائل فوٹوفرانس کے سفارت خانے کا وفد راولپنڈی کی اڈیالہ جیل پہنچا۔ جیل ذرائع کے مطابق وفد میں مس ویلری ماری اور ایڈووکیٹ وسیم قریشی شامل تھے۔
جیل ذرائع نے بتایا ہے کہ فرانسیسی سفارت خانے کے وفد کو اڈیالہ میں قید فرانسیسی قیدی تک قونصلر رسائی دی گئی۔
جیل ذرائع کا کہنا ہے کہ ملزمہ کے خلاف تھانا اے این ایف اسلام آباد میں منشیات ایکٹ کے تحت مقدمہ درج ہے۔
ذرائع کا کہنا ہے کہ فرانسیسی قیدی بنجمن سیبستین اینٹی نارکوٹکس کے مقدمہ نمبر 234 میں قید ہیں۔
جیل ذرائع کے مطابق فرانسیسی حکام کی قیدی سے ایڈیشنل سپرنٹنڈنٹ جیل کے کمرے میں ملاقات کرائی گئی۔
جیل ذرائع کا یہ بھی کہنا ہے کہ سفارت خانے کا وفد فرانسیسی قیدی سے ملاقات کے بعد اڈیالہ جیل سے روانہ ہو گیا۔
ہر چیز کا علاج بے نظیر انکم سپورٹ پروگرام نہیں، اپنے مشورے اپنے پاس رکھیں، مریم نواز