آزادکشمیر ،دو بڑی حکومتی اتحادی جماعتیں آمنے سامنے :پیپلزپارٹی ، ن لیگ اورچیف سیکرٹری آزادکشمیر پربرس پڑی
اشاعت کی تاریخ: 17th, May 2025 GMT
اسلام آباد (رضوان عباسی سے)ن لیگ کے وفاقی وزراء کے حالیہ دورۂ آزاد کشمیر نے سیاسی منظرنامے میں نئی ہلچل پیدا کر دی ہے۔ پیپلز پارٹی آزاد کشمیر نے اس دورے کو “سیاسی مداخلت” قرار دیتے ہوئے وفاقی حکومت اور چیف سیکرٹری آزاد کشمیر پر سنگین الزامات عائد کیے ہیں۔وزراء فیصل ممتاز راٹھور، میاں وحید اور سردار جاوید ایوب نے ہنگامی پریس کانفرنس کرتے ہوئے کہا کہ وفاقی وزیر امور کشمیر انجنئیر میر مقام کا موجودہ حالات میں دورہ سیاسی ایڈونچر کے مترادف ہے، جسے کسی صورت کامیاب نہیں ہونے دیا جائے گا۔پیپلز پارٹی کے پارلیمانی رہنماؤں کا کہنا تھا کہ شہداء کے گھروں کے دورے کی آڑ میں ن لیگی وزراء نے سیاسی بیانات دیے اور چیک تقسیم کیے، جس سے قومی یکجہتی کو دھندلا دیا گیا۔ وزیر بلدیات و سیکرٹری جنرل پیپلز پارٹی آزاد کشمیر فیصل ممتاز راٹھور نے کہا کہ پاک فوج سے اظہارِ یکجہتی کے موقع پر سیاست کرنا ناقابلِ برداشت ہے۔ “ہم کسی کو کفن کی آڑ میں سیاست کی اجازت نہیں دیں گے،” انہوں نے دوٹوک مؤقف اختیار کرتے ہوئے کہا۔پیپلز پارٹی نے الزام عائد کیا کہ چیف سیکرٹری آزاد کشمیر نے حکومت کو اعتماد میں لیے بغیر متاثرین میں رقوم کی تقسیم شروع کی، جو ریاستی نظم و نسق کی خلاف ورزی ہے۔ مشیر امور کشمیر رانا ثناء اللہ کی متاثرین میں چیک تقسیم میں شمولیت کو بھی پارٹی نے سیاسی مداخلت قرار دیا۔پارٹی کی جانب سے وزیر اعظم پاکستان میاں شہباز شریف سے مطالبہ کیا گیا ہے کہ چیف سیکرٹری کے کردار اور رقوم کی تقسیم کے معاملے کی فوری تحقیقات کی جائیں۔ اطلاعات کے وزیر سردار جاوید ایوب نے خبردار کیا کہ “بارود کی بو ابھی ختم نہیں ہوئی، بھارت ایک مکار دشمن ہے، ایسے میں سیاسی مہم جوئی ناقابلِ قبول ہے۔رہنماؤں نے ن لیگ پر الزام لگایا کہ وہ شہداء کی قربانیوں کو سیاسی مفادات کے لیے استعمال کر رہی ہے، جو ناقابلِ معافی ہے۔ ان کا کہنا تھا کہ ن لیگ اور چیف سیکرٹری کے اقدامات آزاد کشمیر میں سیاسی امن کو سبوتاژ کرنے کے مترادف ہیں۔فیصل ممتاز راٹھور نے کہا کہ عوام نے سیاست سے بالاتر ہو کر قومی یکجہتی کا مظاہرہ کیا، اس قیمتی جذبے کو ضائع نہ ہونے دیا جائے۔ پیپلز پارٹی نے عزم ظاہر کیا کہ وہ ریاست میں آئین، قانون، اور جمہوریت کے دفاع کے لیے اپنی جدوجہد جاری رکھے گی.
ذریعہ: Daily Ausaf
کلیدی لفظ: پیپلز پارٹی چیف سیکرٹری
پڑھیں:
کراچی کی بگڑتی صورتحال کی ذمہ دار پیپلز پارٹی اور ایم کیو ایم ہے، علامہ مبشر حسن
اپنے بیان میں رہنما ایم ڈبلیو ایم نے کہا کہ پیپلز پارٹی صوبائی سطح پر اور ایم کیو ایم شہری حکومتوں میں ہونے کے باوجود کارکردگی دکھانے میں مکمل ناکام رہیں، جس کا خمیازہ آج کراچی کے شہری بھگت رہے ہیں، شہر کی حالت کو بہتر بنانے کیلئے شفاف حکمتِ عملی اور مشترکہ اقدامات کی ضرورت ہے۔ اسلام ٹائمز۔ مجلس وحدت مسلمین کے رہنما علامہ مبشر حسن کا کہنا تھا کہ شہرِ قائد کی بگڑتی ہوئی صورتحال صفائی، ٹریفک کے مسائل، پانی کی کمی اور بدانتظامی کی ذمہ داری پیپلز پارٹی اور ایم کیو ایم پر عائد ہوتی ہے، دونوں جماعتوں نے دہائیوں تک اقتدار اور اختیارات رکھنے کے باوجود کراچی کو تباہی کے دہانے پر دھکیل دیا اور یہ جماعتیں شہری مسائل کے حل میں یکسر ناکام ہیں اور سیاسی اسٹیبلشمنٹ کا کردار ادا کر رہیں ہیں۔ انہوں نے کہا کہ کراچی ملکی معیشت میں ریڑھ کی ہڈی کی حیثیت رکھتا ہے مگر اس کے باوجود شہری بنیادی سہولیات سے محروم ہیں، جس کے سبب عوام میں شدید مایوسی پائی جاتی ہے۔ انہوں نے کہا کہ شہر میں ٹوٹی سڑکیں، کچرے کے ڈھیر، پانی و سیوریج کا شدید بحران، ٹرانسپورٹ کی تباہ حالی اور انتظامی ناکامی اس بات کا ثبوت ہیں۔
انہوں نے مزید کہا کہ دونوں جماعتوں نے کراچی کو صرف ووٹ بینک کے طور پر استعمال کیا مگر عوامی مسائل پر کوئی سنجیدہ اقدام نہیں کیا، شہر کے گورنر و وزیراعلیٰ روبن ہُڈ بننے کی کوشش کر رہے ہیں تو دوسری جانب عوام کو جعلی میئر کے رحم و کرم پر چھوڑ دیا ہے جن کی کارکردگی علاقائی کونسلر کے برابر نہیں۔ انہوں نے مزید کہا کہ پیپلز پارٹی صوبائی سطح پر اور ایم کیو ایم شہری حکومتوں میں ہونے کے باوجود کارکردگی دکھانے میں مکمل ناکام رہیں، جس کا خمیازہ آج کراچی کے شہری بھگت رہے ہیں، شہر کی حالت کو بہتر بنانے کیلئے شفاف حکمتِ عملی اور مشترکہ اقدامات کی ضرورت ہے، اگر یہی طرزِ حکمرانی جاری رہا تو شہر کے حالات مزید سنگین ہوجائیں گے۔
کراچی، گاڑی کی ٹکر سے ایک اور موٹرسائیکل سوار خاتون پل سے گر کر جاں بحق