یشما گل اور ہانیہ عامر کی ایک دوسرے کو انگوٹھیاں پہنانے کی ویڈیو وائرل
اشاعت کی تاریخ: 23rd, May 2025 GMT
کراچی(شوبز ڈیسک)اداکارہ یشما گل اور ان کی بہترین دوست ہانیہ عامر کی جانب سے ایک دوسرے کو انگوٹھیاں پہنانے کی ویڈیو وائرل ہونے کے بعد دونوں کو تنقید کا سامنا ہے۔
سوشل میڈیا پر وائرل ہونے والی مختصر ویڈیو میں دونوں کو کسی جیولری شاپ پر دیکھا جا سکتا ہے، جہاں دونوں نے ایک دوسرے کو انگوٹھیاں پہنائیں۔
ویڈیو میں دیکھا جا سکتا ہے کہ پہلے ہانیہ عامر نے اپنی سہیلی کو یشما گل کو انگوٹھی پہنائی، جس کے بعد انہیں بھی دوست نے انگوٹھی پہنائی۔
اندازہ ہوتا ہے کہ ممکنہ طور پر مذکورہ ویڈیو کسی پروموشنل ایونٹ کی ہوگی اور اسے تشہیری مہم کے حوالے سے وائرل کیا گیا ہوگا، تاہم اس حوالے سے کچھ بھی کہنا قبل از وقت ہے۔
بعض افراد کا خیال تھا کہ دونوں نے ایک دوسرے کو ہیروں کی انگوٹھیوں کا تحفہ دیا، دونوں کے درمیان بہترین دوستی اور پیار ہے۔
تاہم کچھ سوشل میڈیا صارفین نے دونوں کو آڑے ہاتھوں لیتے ہوئے ان پر نئی نسل میں بے راہ روی پھیلانے کا الزام بھی عائد کیا۔
زیادہ تر خواتین نے دونوں کو سخت تنقید کا نشانہ بنایا اور لکھا کہ دونوں کی حرکتوں کی وجہ سے دوسرے لوگ شرمسار ہوکر مرنے جیسے ہوجاتے ہیں لیکن انہیں کوئی فرق نہیں پڑتا۔
View this post on Instagram
A post shared by DIVA Magazine Pakistan (@divamagazinepakistan)
بعض صارفین نے دونوں کے لیے انتہائی سخت اور نامناسب الفاظ کا استعما کرتے ہوئے لکھا کہ دونوں ہر جگہ ہر وقت شروع ہوجاتی ہیں، کسی چیز کا لحاظ نہیں کرتیں۔
کچھ افراد نے لکھا کہ ایسی حرکتوں سے وہ اچھی نہیں بلکہ انتہائی بری لگ رہی ہیں جب کہ بعض افراد نے سوال اٹھایا کہ یہ کس طرح کا ٹرینڈ چل پڑا ہے؟
View this post on Instagram
A post shared by Galaxy Lollywood (@galaxylollywood)
بعض خواتین صارفین نے دونوں کی جانب سے تاحال شادی نہ کرنے کو بھی ایسی حرکتوں کا سبب قرار دیا اور لکھا کہ والدین کو اپنی بچیوں کی جلد شادیاں کروادینی چاہیے۔
مزیدپڑھیں:مانسہرہ: محکمہ سوئی گیس نے بل پر میٹر کی بجائے کتے کی تصویر بھیج دی
ذریعہ
ذریعہ: Daily Ausaf
کلیدی لفظ: ایک دوسرے کو دونوں کو لکھا کہ
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ