ایشین ایتھلیٹکس: پاکستان نے نصف صدی بعد گولڈ میڈل جیت لیا
اشاعت کی تاریخ: 31st, May 2025 GMT
اسلام آباد (اُردو پوائنٹ ۔ DW اردو۔ 31 مئی 2025ء) پاکستانی ایتھلیٹ ارشد ندیم نے نیزہ بازی کے میدان میں اپنی شاندار کار کردگی برقرار رکھتے ہوئے جنوبی کوریا میں جاری ایشین ایتھلیٹکس چیمپیئن شپ میں 86.40 میٹر کی تھرو کے ساتھ طلائی تمغہ جیت لیا۔ یہ پاکستان کی جانب سے اس چیمپیئن شپ میں گزشتہ 50 برسوں میں پہلا گولڈ میڈل ہے۔
ارشد ندیم نے مقابلے کی ابتدا قدرے سست انداز میں کی، ان کی پہلی دو تھروز بالترتیب 75.
(جاری ہے)
ارشد ندیم ایشین چیمپیئن شپ کا 86.72 میٹر کا ریکارڈ تو نہ توڑ سکے لیکن ان کی کارکردگی نےمداحوں کو خوب متاثر کیا۔
یاد رہے کہ ارشد ندیم پیرس 2024 اولمپکس میں 92.97 میٹر کی تھرو کے ساتھ اولمپک ریکارڈ بنا چکے ہیں۔ اس مقابلے کے بعد پاکستانی میڈیا گروپ ڈان کے ساتھ ے گفتگو کرتے ہوئے ارشد ندیم کے کوچ سلمان بٹ نے کہا، ''یہ ایک اچھی کارکردگی تھی، خاص طور پر اس لیے کہ یہ سیزن کا ان کا پہلا مقابلہ تھا۔‘‘میدان میں ارشد ندیم کی پہلی تھرو کے وقت شائقین کی نظریں ان پر مرکوز تھیں اور پاکستانی پرچم لہرا رہے تھے۔
اس دوران اسٹیڈیم میں 'دل دل پاکستان‘ کی گونج بھی سنائی دی۔ واضح رہے کہ یہ ارشد ندیم کا گزشتہ سال کی پیرس اولمپکس کے بعد پہلا بین الاقوامی مقابلہ تھا۔ دیگر نمایاں کھلاڑیوں میں بھارت کے یش ویر سنگھ نے 82.57 میٹر کے ذاتی بہترین تھرو کے ساتھ پانچویں، چین کے ہو ہاوران نے 80.93 میٹر کی سیزن کی بہترین تھرو کے ساتھ چھٹی، سری لنکا کے سمیڈھا جگتھ رانا سنگھے نے 79.81 میٹر کے ساتھ ساتویں جبکہ پاکستان کے محمد یاسر نے 75.39 میٹر کی تھرو کے ساتھ آٹھویں پوزیشن حاصل کی۔ ارشد ندیم کی فتح، قومی پرچم کی شان میں اضافہ قرارایشین ایتھلیٹکس چیمپیئن شپ میں سونے کا تمغہ جیتنے پر قوم کے ہیرو ارشد ندیم کو صدر مملکت آصف علی زرداری اور وزیر اعظم شہباز شریف نے خراج تحسین پیش کیا ہے۔ وزیراعظم شہباز شریف نے ایکس پر اپنے پیغام میں کہا کہ ارشد ندیم کی ''محنت، لگن اور شاندار کامیابی نوجوان کھلاڑیوں کے لیے قابلِ تقلید مثال ہے‘‘۔
انہوں نے مزید کہا کہ ''ارشد کی غیر معمولی کارکردگی کے بعد ہلالی پرچم کی شان میں مزید اضافہ ہوا ہے‘‘۔
صدر آصف علی زرداری نے بھی ارشد ندیم کو مبارکباد دیتے ہوئے کہا کہ ''ارشد ندیم نے ایک بار پھر پاکستان کا نام روشن کیا ہے‘‘۔ پاکستان پیپلز پارٹی کی جانب سے ایکس پر جاری بیان کے مطابق صدر زرداری نے کہا، ''چیمپیئن شپ کے دوران، خصوصاً فائنل میں، ارشد کی کارکردگی شاندار رہی‘‘۔
انہوں نے کہا: ''میں پوری قوم کو اس جیت پر مبارکباد دیتا ہوں اور ارشد ندیم کی مستقبل میں مزید کامیابیوں کے لیے دعاگو ہوں۔‘‘
گولڈ میڈل جیتنے کے بعد ارشد ندیم نے حسب روایت سجدہ ریز ہو کر شکر ادا کیا — 28 سالہ ایتھلیٹ کی یہی عاجزی ان کے مداحوں کے دلوں کو جیت لیتی ہے، اور اب وہ ایک اور اعزاز اپنے نام کر چکے ہیں۔
شکور رحیم
ادارت: عرفان آفتاب
ذریعہ: UrduPoint
کلیدی لفظ: تلاش کیجئے ارشد ندیم کی تھرو کے ساتھ چیمپیئن شپ گولڈ میڈل انہوں نے میٹر کی کے بعد
پڑھیں:
وزیراعلیٰ مریم نواز کی میٹرک میں نمایاں کارکردگی دکھانے والے طلباء کو مبارکباد
راو دلشاد:وزیراعلیٰ پنجاب مریم نواز نے میٹرک کے سالانہ امتحانات میں نمایاں کارکردگی دکھانے والے طلباء و طالبات کو مبارکباد دی.
مریم نواز نے حرم فاطمہ ،ہارون حامدکو میٹرک میں پہلی پوزیشن حاصل کرنے پرمبارکباد دی،فیصل آباد کے معیز قمر ،ساہیوال کے فیضان فرید اسرار کو دوسری پوزیشن لینے پرمبارکباد دی،راولپنڈی کے عثمان، ننکانہ کے حاجی ابوذر کو تیسری پوزیشن لینے پر مبارکباد دی، نورالہدیٰ اور ملتان کی حسینہ فاطمہ کو تیسری پوزیشن حاصل کرنے پر مبارکباد دی۔
میٹرک امتحان میں فیل ہونے پر طالبعلم نے بڑا قدم اٹھالیا
وزیراعلیٰ پنجاب مریم نواز نےطالبات کی پوزیشن حاصل کرنے پر مسرت کا اظہار کیا۔
مریم نواز کا کہنا تھا کہ خوشی ہے کہ بیٹیوں نےمیٹرک کے امتحانات میں نمایاں پوزیشنیں لی ہیں۔
ریکارڈ ترسیلات زر‘ مالی سال 2025ء میں 38.3 ارب ڈالر پاکستان منتقل