بنوں میں امن کیلئے آواز اٹھانے کی پاداش میں سولہ پولیس اہلکاروں کو برطرف کیا گیا، پروفیسر ابراہیم
اشاعت کی تاریخ: 1st, June 2025 GMT
جماعت اسلامی کے صوبائی امیر کا کہنا تھا کہ اتحاد و اتفاق سے حکومت اور سیکورٹی فورسز پر امن کی بحالی کے لیے دباؤ ڈالیں گے، ہماری جدوجہد پُرامن ہے اور اس پُر امن جدوجہد کو منطقی انجام تک پہنچائیں گے۔ اسلام ٹائمز۔ بنوں امن پاسون کمیٹی کے وفد نے ڈومیل میں احمد زئی قوم کے مشران اور عمائدین سے ملاقات کی۔ وفد میں جماعت اسلامی خیبر پختونخوا جنوبی کے امیر پروفیسر محمد ابراہیم خان، عوامی نیشنل پارٹی کے رہنماء باز محمد خان اور میریان قوم کے رہنماء ڈاکٹر پیر صاحب زمان شامل تھے۔ کمیٹی نے احمد زئی قوم کے مشران کے سامنے اپنا مدعا پیش کیا اور ان سے تعاون کی درخواست کی۔ احمد زئی قوم نے مشاورت کے بعد عید کے پہلے ہفتے میں جرگہ منعقد کرکے اپنے جواب سے آگاہ کرنے کا اعلان کیا۔ اس موقع پر عمائدین سے خطاب کرتے ہوئے جماعت اسلامی خیبر پختونخوا جنوبی کے امیر پروفیسر محمد ابراہیم خان نے احمد زئی قوم کا شکریہ ادا کیا اور کہا کہ بنوں امن پاسون صرف مغوی سرکاری استاد فرمان علی شاہ کی بازیابی کے لیے نہیں، بلکہ ضلع میں ہمہ گیر امن کے لیے ہے۔ ہم امن کے لیے کوشاں ہیں اور امن کے حصول تک جدوجہد جاری رکھیں گے۔ ہم ناامید نہیں ہوئے، ان شاء اللہ بنوں، خیبر پختونخوا ور پورا ملک امن کا گہوارہ بنے گا۔
انہوں نے کہا کہ بنوں میں امن کے لیے آواز اٹھانے کی پاداش میں سولہ پولیس اہلکاروں کو برطرف کیا گیا جن میں سے ایک گزشتہ دنوں بحالی کی آس میں دنیا سے رخصت ہوگیا۔ کچھ لوگوں کو شیڈول فور کی صورت میں عذاب کا سامنا ہے۔ سڑکیں بند ہیں، بنوں چھاؤنی میں عوامی دفاتر ہیں لیکن ان تک جانے کے لیے فوجی چیک پوسٹ پر سے گزرنا پڑتا ہے جہاں عوام کی تذلیل کی جاتی ہے۔ یہ صورتحال پچھلے بیس سالوں سے جاری ہے۔ انہوں نے کہا کہ وزیراعلیٰ، چیف سیکرٹری اور کورکمانڈر سمیت دیگر اہم شخصیات نے ملاقاتوں میں تسلیاں دیں، وعدے وعید کیے لیکن مسئلہ جوں کا توں ہے۔ مسئلے کے حل کے لیے حکومت کی جانب سے سنجیدگی کی ضرورت ہے۔ انہوں نے کہا کہ ہم بنوں کی تمام تحصیلوں کا دورہ کر رہے ہیں، عمائدین سے ملاقات کر رہے ہیں، انہیں متحد کرنے کی کوشش کر رہے ہیں۔ اتحاد و اتفاق سے حکومت اور سیکورٹی فورسز پر امن کی بحالی کے لیے دباؤ ڈالیں گے، ہماری جدوجہد پُرامن ہے اور اس پُر امن جدوجہد کو منطقی انجام تک پہنچائیں گے۔
ذریعہ
ذریعہ: Islam Times
کلیدی لفظ: کے لیے کہا کہ امن کے
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار