صارفین کو نئے گیس کنکشن دینے کا منصوبہ تیار
اشاعت کی تاریخ: 12th, June 2025 GMT
اسلام آباد : صارفین کو نئے گیس کنکشن دینے کا منصوبہ تیار کرلیا گیا. آئندہ مالی سال ایک لاکھ سے زائد کنکشنز دیے جائیں گے۔
تفصیلات کے مطابق ملک میں گیس کی قلت کے باوجود 1 لاکھ 16 ہزار سے زائد نئے گیس کنکشن دینے کا منصوبہ تیار کرلیا گیا۔دستاویز میں کہا گیا کہ آئندہ مالی سال ایک لاکھ 15 ہزار 530 نئے گھریلو گیس کنکشنز دیے جائیں گے۔نئے مالی سال میں 550نئے کمرشل اور 350 صنعتی صارفین کوگیس کنکشن دینے کا ہدف مقرر کیا گیا ہے۔بجٹ دستاویز میں کہنا تھا کہ سندھ اور بلوچستان میں آئندہ مالی سال 85 ہزار 740 جبکہ پنجاب ،اسلام آباد اور خیبر پختونخوا میں 30 ہزار 530 نئے گیس کنکشنز دیئے جائیں گے۔دستاویز کے مطابق آئندہ مالی سال سوئی ناردرن کے ایریا میں 30 ہزار 530 نئے گیس کنکشنز دیے جائیں گے۔بجٹ دستاویز میں بتایا گیا کہ سوئی سدرن کےسسٹم پر 85 ہزار 740 نئے گیس کنکشن دینے کا ہدف ہے.
ذریعہ: Nawaiwaqt
کلیدی لفظ: نئے گیس کنکشن دینے کا آئندہ مالی سال گیس کنکشنز جائیں گے
پڑھیں:
رواں سال ایم ڈی کیٹ کا امتحان دینے کے خواہشمند طلبا کے لئے بڑی خبر
اسلام آباد (نیوز ڈیسک) رواں سال ایم ڈی کیٹ کا امتحان دینے کے خواہشمند طلبا کے لئے نصاب کے حوالے سے بڑی خبر آگئی۔
تفصیلات کے مطابق پاکستان میڈیکل وڈینٹل کونسل نے ایم ڈی کیٹ 2025 کا نیا نصاب جاری کردیا ، نیا نصاب پی ایم ڈی سی کی ویب سائٹ پر اپلوڈ کیا گیا ہے۔
ایم ڈی کیٹ امتحان ستمبر کے آخری یا اکتوبر کے پہلے اتوار کو متوقع ہے، صدر پی ایم ڈی سی پروفیسر رضوان تاج نے بتایا کہ نئے نصاب میں 5 مضامین شامل کئے ہیں، حیاتیات، کیمیا، طبیعیات، انگریزی، منطقی استدلال شامل ہیں۔
پروفیسر رضوان تاج کا کہنا تھا کہ ایم ڈی کیٹ پرچے میں 180کثیر الجوابی سوالات شامل ہوں گے ، پرچے کا دورانیہ تین گھنٹے پر محیط ہوگا، سوالات کی تقسیم 15 فیصد آسان، 70فیصد درمیانی اور 15 فیصد مشکل پر مشتمل ہوگی۔
امتحان میں منفی مارکنگ نہیں ہوگی ، امتحان مکمل کثیر الجوابی سوالات پر مبنی ہوگا، میڈیکل میں داخلے کیلئے 55 فیصد، ڈینٹل کیلئے 50فیصد نمبرز لازمی ہیں۔
پی ایم اینڈ ڈی سی نے سوالاتی بینک تیار کرنے کا عمل شروع کر دیا، نیا نصاب تعلیمی ماہرین، بورڈز اور جامعات کی مشاورت سے تیار کیا ہے۔
مزید پڑھیں : صارفین کو نئے گیس کنکشن دینے کا منصوبہ تیار
حج میں ہیٹ سٹریس کے واقعات میں 90 فیصد کمی