پاکستان میں بیماریاں آلودہ پانی کے باعث پھیل رہی ہیں‘ وفاقی وزیر صحت
اشاعت کی تاریخ: 14th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (انٹرنیشنل ویب ڈیسک) پاکستان میں متعدد بیماریاں آلودہ پانی اور خون کی اسکریننگ غیر معیاری ہونے کی وجہ سے پھیل رہی ہیں۔
میڈیا کی رپورٹ کے مطابق انڈس اسپتال کی جانب سے خون کے عطیہ کرنے کی ملک گیر مہم کی افتتاحی تقریب کا انعقاد کیا گیا۔ تقریب میں وفاقی وزیر صحت ڈاکٹر مصطفیٰ کمال، انڈس اسپتال کے صدر ڈاکٹر عبدالباری خان اور انڈس زندگی پروجیکٹ کی سربراہ ڈاکٹر صبا جمال بھی موجود تھیں۔
اس موقع پر وفاقی وزیر صحت کا کہنا ہے کہ پاکستان میں68 فیصد بیماریاں آلودہ پانی کے باعث جبکہ 80 فیصد بیماریاں خون کی اسکریننگ غیرموثر ہونے سے پھیل رہی ہیں۔ اس حوالے سے ان کا کہنا تھا کہ صحت کے نظام کی بہتری کے لیے صاف و شفاف پانی اور خون جیسے بنیادی مسائل کو جلد سے جلد حل کرنا ہوگا۔ انہوں نے ملک کے صحت کے نظام پر کڑی نکتہ چینی کرتے ہوئے کہا کہ وفاق کے پاس موثر اسپتالوں کا نظام ہی موجود نہیں، صرف ادویات کی حد تک ریگیولیٹری باڈیز ہیں۔
انہوں نے ایک اہم بات کا انکشاف کرتے ہوئے کہا کہ اسلام آباد میں صرف ایک اسپتال فعال ہے جبکہ دوسرا کووڈ کے زمانے سے ہی بند پڑا ہے جبکہ کراچی جیسے ملکی حب میں سیوریج اور واٹر ٹریٹمنٹ کا مو¿ثر نظام نہ ہونے سے روزانہ کی بنیاد پر450 ملین گیلن آلودہ پانی سمندر برد کیا جاتاہے۔ مذکورہ حوالے سے وفاقی وزیر صحت کا مزید کہنا تھا کہ ہمیں بیماریوں کا علاج کرنے کے ساتھ ساتھ ان سے بچاو¿ کے اقدامات کرنے ہوں گے۔
انہوں نے اعلان کیا کہ وفاقی حکومت اب صحت فنڈز احتیاطی تدابیر پر خرچ کرے گی تاکہ عوام کو ہر طرح کی بیماریوں سے تحفظ دے سکے۔
تقریب سے خطاب کرتے ہوئے ڈاکٹر صبا جمال کا کہنا تھا کہ ملک میں خون کے عطیات کا فقدان ہے، جس سے قیمتی جانیں ضائع ہو جاتی ہیں۔
ان کا کہنا تھا کہ اس ملک گیر مہم کا مقصد عوام میں رضاکارانہ خون کے عطیے کے شعورکو اجاگر کرنا ہے۔
تقریب سے خطاب کرتے ہوئے ڈاکٹر عبدالباری خان کا کہنا ہے کہ انڈس زندگی پروجیکٹ کا مقصد قوم کو محفوظ اور معیاری خون کی رضاکارانہ بنیاد پر فراہمی کو ممکن بنانا ہے تاکہ کسی بھی مریض کی جان خون کی عدم دستیابی کے باعث ضائع نہ ہو۔
ذریعہ: Jasarat News
کلیدی لفظ: وفاقی وزیر صحت کہنا تھا کہ آلودہ پانی کرتے ہوئے کا کہنا خون کی
پڑھیں:
وزیر اعلیٰ خیبر پختونخوا کے بیانات ملکی سلامتی کے منافی ہیں: خواجہ آصف
( ویب ڈیسک ) وزیر دفاع خواجہ آصف کا کہنا ہے وزیر اعلیٰ خیبر پختونخوا کے بیانات ملکی سلامتی کے منافی ہیں، وہ کہتے ہیں نیازی لا نہیں ہوگا تو پاکستان نہیں چلے گا، یہ پاکستان دشمنی ہے۔
وزیر دفاع خواجہ آصف کا کہنا تھا یہ نہیں ہو سکتا کہ ہر چیز پر نیازی لا لاگو کیا جائے، نیازی لا اب نہیں چلے گا۔
ان کا کہنا ہے کہ ملکی سلامتی کے معاملات پر وزیراعلیٰ کے بیانات آنا مایوس کن ہیں، وزیراعلیٰ خیبر پختونخوا کے بیانات ملکی کی سلامتی کے منافی ہیں، یہ ملاقات کرنا چاہتے ہیں کہ اندر بیٹھا ایک شخص ہدایات جاری کرے، نیازی لا جس کے تحت خیبر پختونخوا کی حکومت چل رہی ہے یہ نہیں چلے گا۔
فضائی آلودگی کا وبال، لاہور دنیا کے آلودہ شہروں میں پھر سرفہرست
خواجہ آصف نے کہا کہ پاکستان کسی کی ذات کی جنگ نہیں بلکہ اپنی بقا کی جنگ لڑ رہا ہے، اگر وزیراعلیٰ کہے کہ نیازی لا نہیں ہو گا تو پاکستان نہیں چلے گا یہ حب الوطنی نہیں، میں سمجھتا ہوں یہ پاکستان دشمنی ہے۔
وفاقی وزیر کا کہنا تھا وزیر اعلیٰ کے پی وفاق کے حصے دار ہیں انہیں معاملات میں حصہ لینا چاہیے، اگر وزیراعلیٰ نیازی لا کے تحت چلنا چاہتے ہیں تو پاکستان کسی فرد واحد کی ملکیت نہیں، انسان آتے جاتے رہتے ہیں، پاکستان 25 کروڑ عوام کی ملکیت ہے۔
حافظ آباد: بچوں کی لڑائی میں بڑے کود پڑے، مرد و خواتین گتھم گتھا
انہوں نے مزید کہا کہ ان لوگوں کی سوچ نیازی لا کے تابع نہیں وسیع ہونی چاہیے، یہ ایک شخص کے ارد گرد پاکستان کی بقاء کو داؤ پر لگا رہے ہیں، یہ بالواسطہ دہشت گردی کی ایک طرح سے معاونت کر رہے ہیں، وہ مذاکرات کی کامیابی کے امکانات میں پاکستان کے بجائے افغانستان کی پوزیشن مضبوط کر رہے ہیں۔
جسٹس طارق جہانگیری ڈگری کیس: اسلام آباد ہائیکورٹ کا بینچ ٹوٹ گیا