پاکستان کے مختلف علاقوں میں آندھی، جھکڑ اور گرج چمک کے ساتھ بارش کا امکان
اشاعت کی تاریخ: 16th, June 2025 GMT
پاکستان کے محکمہ موسمیات نے آج بروز پیر کشمیر،گلگت بلتستان، مشرقی پنجاب، خطہ پوٹھوہار، خیبرپختونخوا، سندھ اور شمالی بلوچستان میں مطلع جزوی ابر آلود رہنے کے علاوہ چند مقامات پر آندھی، جھکڑ چلنے اور گرج چمک کے ساتھ بارش کا امکان ظاہر کیا ہے۔ اس دوران بعض مقامات پر ژالہ باری ہو سکتی ہے۔ جبکہ ملک کے دیگر علاقوں میں موسم گرم اور خشک جبکہ میدانی علاقوں میں شدید گرم رہنے کی توقع ہے۔
گزشتہ 24 گھنٹے کے دوران ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا۔ تاہم وسطی وجنوبی پنجاب، با لائی خیبرپختونخوا، گلگت بلتستان اور شہید بینظیر آباد میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش پنجاب کے علاقوں بہاولنگر میں 08 ملی میٹر، اوکاڑہ میں 04 ملی میٹر، ساہیوال میں03 ملی میٹر، ٹوبہ ٹیک سنگھ میں 02 ملی میٹر ہوئی جبکہ خیبرپختونخوا کے علاقوں لوئر دیر میں 07 ملی میٹر، سیدو شریف میں 03 ملی میٹر، کاکول، مردان، دروش میں 01 ملی میٹر اور گلگت بلتستان کے علاقے گوپس میں 03 ملی میٹر، سندھ کے شہر شہید بینظیر آباد میں03 ملی میٹر بارش ریکارڈ کی گئی ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش پاکستان کا موسم محکمہ موسمیات.ذریعہ: WE News
کلیدی لفظ: پاکستان کا موسم محکمہ موسمیات علاقوں میں ملی میٹر
پڑھیں:
کراچی کے شہریوں کے لیے خوشی کی خبر
کراچی:شہر قائد کے باسی ایک جانب شدید گرمی کی وجہ سے پریشان ہیں تو دوسری جانب ان کے لیے ایک اچھی خبر سامنے آئی ہے۔
محکمہ موسمیات کے ارلی وارننگ سینٹر نے پیشگوئی کی ہے کہ پیر کے روز کراچی میں گرج چمک کے ساتھ ہلکی تا درمیانی شدت کی بارش کا امکان ہے۔
موسمیاتی ماہرین کے مطابق ایک مغربی ہواؤں کا سسٹم ملک کے بالائی علاقوں کی جانب بڑھ رہا ہے، جس کے زیر اثر سندھ کے مشرقی حصوں میں بھی نم ہوائیں داخل ہو رہی ہیں۔
آج تھرپارکر اور عمرکوٹ اضلاع میں بھی چند مقامات پر گرج چمک کے ساتھ بارش متوقع ہے۔ اسی طرح گھوٹکی، سکھر، جیکب آباد اور قمبر شہداد کوٹ میں بھی موسم جزوی طور پر ابر آلود رہنے کے ساتھ کہیں کہیں بارش کا امکان ظاہر کیا گیا ہے۔
ماہرین نے شہریوں کو مشورہ دیا ہے کہ وہ شدید گرمی میں بھی غیر ضروری طور پر باہر نکلنے سے گریز کریں اور اسی طرح بارش کے پیش نظر بھی احتیاطی تدابیر اختیار کریں۔ موسمی تبدیلی کے باعث درجہ حرارت میں کمی اور موسم خوشگوار ہونے کا امکان ظاہر کیا گیا ہے۔
اسرائیل نے غزہ تک امداد لیجانے کی کوشش کرنی والی گریٹا تھنبرگ کو ملک بدر کردیا