ایئر انڈیا کی پرواز تکنیکی مسئلے کے شبہ پر بحفاظت ہانگ کانگ ایئرپورٹ لوٹ آئی
اشاعت کی تاریخ: 16th, June 2025 GMT
ہانگ کانگ سے نئی دہلی جانے والی ایئر انڈیا کا بوئنگ 787-8 ڈریم لائنر طیارہ پیر کے روز پرواز کے دوران تکنیکی مسئلے کے شبہ پر احتیاطی تدبیر کے طور پر ہانگ کانگ واپس لوٹ آیا، اس بات کی تصدیق برطانوی خبر رساں ادارے نے اپنے قابل اعتماد اور واقع سے براہِ راست واقف ذریعے کے توسط سے کی ہے۔
مذکورہ واقعہ ایسے وقت پیش آیا ہے جب چند روز قبل ایئر انڈیا کی ایک اور بوئنگ ڈریم لائنر پرواز، جو لندن جا رہی تھی، بھارتی شہر احمد آباد میں پرواز کے فوراً بعد گر کر تباہ ہو گئی تھی، جس میں 242 میں سے 241 افراد ہلاک ہو گئے تھے۔
یہ بھی پڑھیں: احمد آباد میں ایئر انڈیا کا طیارہ کریش، امریکی اسٹاک مارکیٹ میں بوئنگ کمپنی کے شیئرز گر گئے
ذرائع کے مطابق پیر کے روز ہانگ کانگ سے اڑان بھرنے والی پرواز اے آئی 315 اس وقت واپس لوٹ آئی جب پائلٹ کو فضا میں کسی ممکنہ تکنیکی خرابی کا شک ہوا، طیارے کو ہانگ کانگ انٹرنیشنل ایئرپورٹ پر دوپہر 1 بجے کے قریب ہنگامی لینڈنگ کے لیے تیار کیا گیا، جہاں طیارہ 1:15 بجے بحفاظت لینڈ کر گیا۔
ایئرپورٹ اتھارٹی ہانگ کانگ کے ترجمان کے مطابق ایئرپورٹ کی سرگرمیاں اس واقعے سے متاثر نہیں ہوئیں، پرواز نے دوپہر 12:20 بجے ہانگ کانگ سے اڑان بھری اور تقریباً ایک گھنٹے بعد واپس لینڈ کیا، فلائٹ ٹریکنگ ویب سائٹ ایئرنیو ریڈار کے مطابق طیارہ 22 ہزار فٹ کی بلندی تک پہنچا تھا، جس کے بعد اس نے نیچے آنا شروع کر دیا۔
مزید پڑھیں: بم کی اطلاع پر ایئر انڈیا پرواز کی تھائی لینڈ کے سیاحتی جزیرے پرہنگامی لینڈنگ
حادثے کا شکار ہونے والی گزشتہ پرواز کے بعد ایئر انڈیا اور بوئنگ دونوں کے لیے یہ ایک نیا چیلنج بن کر سامنے آیا ہے، خاص طور پر ایسے وقت میں جب ایئر انڈیا اپنے بیڑے کو جدید بنانے اور بوئنگ اپنی ساکھ بحال کرنے کی کوششوں میں مصروف ہیں۔
بوئنگ اور ایئر انڈیا دونوں کی جانب سے اس تازہ واقعے پر تاحال کوئی باضابطہ بیان جاری نہیں کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمدآباد ایئر انڈیا ایئرنیو ریڈار بوئنگ پائلٹ تکنیکی مسئلے ڈریم لائنر فلائٹ ٹریکنگ لندن ہانگ کانگ ہنگامی لینڈنگ.ذریعہ: WE News
کلیدی لفظ: ایئر انڈیا ایئرنیو ریڈار پائلٹ تکنیکی مسئلے ڈریم لائنر فلائٹ ٹریکنگ ہانگ کانگ ہنگامی لینڈنگ ایئر انڈیا ہانگ کانگ
پڑھیں:
فیٹف میں انڈیا کو ایکسپوز کروں گا، علی امین گنڈاپور
وزیراعلیٰ علی امین گنڈاپور نے کہا ہے کہ بھارتی حکومت نے فنانشل ایکشن ٹاسک فورس (فیٹف) کو میرے بیان کو سیاق و سباق سے ہٹ کر پیش کیا ہے، میں انڈیا کو ایکسپوز کروں گا۔
علی امین گنڈاپور کا اپنے بیان میں کہنا ہے کہ انڈیا ہمیشہ پاکستان اور خطے کے اندر ہونے والی دہشت گردی میں ملوث ہے۔
انہوں نے کہا کہ میں کشمیر اور گلگت بلتستان کا وزیر رہا ہوں، فیٹف کو خط لکھ رہا ہوں اور وہاں خود جاکر ان کو بتاؤں گا کہ انڈیا نے کشمیر اور گلگت بلتستان میں کیا کیا کیا۔
وزیراعلیٰ نے کہا کہ پورے پاکستان میں جو دہشتگردی ہو رہی ہے اور افغانستان میں ابھی جو امریکہ اور افغانستان کی جنگ تھی انڈیا نے سو سے زیادہ سفارتخانہ کھولے ہوئے تھے، ان سفارتخانوں میں نہ تجارت نہ سفارتی کاری اور نہ ہی سرمایہ کاری ہو رہی تھی۔
انہوں نے کہا کہ انڈیا ان سفارتخانوں کے ذریعے پاکستان میں دہشت گردی پھیلانے کے لیے کام کر رہا تھا، میں انڈیا کو ایکسپوز کروں گا جو اسکا پورے پاکستان اور بالخصوص بلوچستان اور خیبرپختونخوا میں دہشت گردی کرانے میں کردار ہے۔
واضح رہے کہ جمعرات کو بھارتی حکومت نے فیٹف میں وزیراعلیٰ خیبر پختونخوا علی امین گنڈاپور کا بیان پاکستان کے خلاف بطور ثبوت جمع کروایا۔
فیٹف حکام کے مطابق بھارت کی جانب سے وزیراعلیٰ کے پی کا بیان جمع کروایا گیا ہے۔
وزیراعلیٰ خیبر پختونخوا علی امین گنڈاپور نے الزام لگایا تھا کہ ہم طالبان کو گرفتار کرتے ہیں لیکن ادارے انہیں رہا کر دیتے ہیں۔
بھارتی حکومت نے فیٹف میں علی امین گنڈا پور کے اس بیان کو اپنے مؤقف کی تائید قرار دیتے ہوئے پاکستان کو گرے لسٹ میں ڈالنے کی درخواست کی ہے۔
خیال رہےکہ اکتوبر 2022 میں فیٹف نے پاکستان کو گرے لسٹ سے نکال دیا تھا، پاکستان 2018 سے فیٹف کی گرے لسٹ میں تھا۔
شاہینوں کا پلٹ کا وار، بنگلہ دیش کو 74 رنز سے شکست دیدی