بلوم برگ:ایران نے اسرائیلی سیکیورٹی کیمروں تک رسائی حاصل کر لی
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
امریکی جریدے بلوم برگ نے اپنی ایک تازہ رپورٹ میں انکشاف کیا ہے کہ ایران نے اسرائیل کے اندر سائبر جاسوسی کی ایک غیر معمولی کارروائی میں درجنوں گھروں اور عمارتوں میں نصب سیکیورٹی کیمروں تک رسائی حاصل کر لی۔ رپورٹ کے مطابق ایرانی ہیکرز نے ان کیمروں کے ذریعے اسرائیلی شہریوں کی روزمرہ زندگی، حساس مقامات اور اہم تنصیبات پر ہونے والی سرگرمیوں کی نگرانی کی۔
بلومبرگ نے بتایا کہ یہ کارروائی صرف نگرانی تک محدود نہیں رہی بلکہ اس کا مقصد اسرائیلی سیکیورٹی نظام میں موجود کمزوریوں کو جانچنا اور آئندہ کسی ممکنہ فوجی یا انٹیلیجنس آپریشن کے لیے اہم معلومات اکٹھی کرنا تھا۔ رپورٹ میں کہا گیا کہ ایرانی ہیکرز نے نہایت مہارت سے اسرائیلی شہریوں کے گھریلو سیکیورٹی سسٹمز کو نشانہ بنایا اور ان نیٹ ورکس میں داخل ہو کر قیمتی معلومات حاصل کیں۔
ذرائع کے مطابق یہ سائبر حملہ ایران اور اسرائیل کے درمیان جاری خفیہ جنگ کا ایک اور باب ہے، جو اب روایتی میدان سے نکل کر سائبر دنیا میں شدت اختیار کر چکا ہے۔ اسرائیلی حکام اس حملے کو اپنی قومی سلامتی کے لیے سنگین خطرہ قرار دے رہے ہیں اور اس کے سدباب کے لیے فوری اقدامات کیے جا رہے ہیں۔
رپورٹ میں مزید بتایا گیا کہ اسرائیلی حکومت نے شہریوں کو اپنے گھروں کے سیکیورٹی کیمروں کے پاس ورڈز تبدیل کرنے، سافٹ ویئر اپ ڈیٹ رکھنے اور انٹرنیٹ سے جڑے تمام سیکیورٹی آلات کی سخت نگرانی کی ہدایات جاری کی ہیں تاکہ مستقبل میں ایسے کسی حملے کو روکا جا سکے۔
سائبر سیکیورٹی ماہرین نے اس واقعے کو خطے میں بڑھتی ہوئی سائبر جنگ کی علامت قرار دیا ہے اور کہا ہے کہ اس طرح کی کارروائیاں دونوں ممالک کے درمیان کشیدگی کو مزید بڑھا سکتی ہیں۔
ذریعہ: Jasarat News
پڑھیں:
کیٹی پیری کے سابق منگیتر کا سابق کینیڈین وزیراعظم کیساتھ تعلقات پر ردعمل
ہالی ووڈ اداکار اورلینڈو بلوم نے سابق منگیتر کیٹی پیری اور سابق کینیڈین وزیرِاعظم جسٹن ٹروڈو کے درمیان مبینہ ڈیٹنگ کی خبروں پر دلچسپ ردِ عمل دیا ہے۔
ٖغیر ملکی میڈیا رپورٹ کے مطابق کیٹی پیری اور جسٹن ٹروڈو کے درمیان تعلقات کی افواہوں کا آغاز اس وقت ہوا جب کیٹی پیری کو اورلینڈو بلوم سے علیحدگی کے کچھ ہی ہفتوں بعد کینیڈا میں جسٹن ٹروڈو کے ہمراہ مختلف مواقع پر دیکھا گیا، جن میں مونٹریال میں ایک ڈنر اور کیٹی کے کنسرٹ میں ٹروڈو کی شرکت شامل ہے۔
اسی دوران ایک غیر ملکی ویب سائٹ "دی انیئن" نے ایک فرضی خبر شائع کی جس میں دعویٰ کیا گیا کہ اورلینڈو بلوم اب جرمنی کی سابق چانسلر انجیلا مرکل کو ڈیٹ کر رہے ہیں۔
شائع ہونے والے اس مضمون میں رومانوی شام، سیپیاں، چاکلیٹ کیک اور مرکل کے لطیفوں کا ذکر کیا گیا تھا۔ اس کے ساتھ ایک اے آئی سے تیار کردہ تصویر بھی شامل تھی جس میں دونوں موم بتیوں کی روشنی میں ڈنر کرتے دکھائے گئے۔
بلوم نے اس مذکورہ ویب سائٹ کی اس خبر پر دفاعی ردِ عمل دینے کے بجائے مزاح کا حصہ بنتے ہوئے تبصروں میں صرف تین تالیوں والے ایموجیز پوسٹ کیے۔
واضح رہے کہ بلوم اور پیری نے جولائی میں علیحدگی کی تصدیق کی تھی، جبکہ جسٹن ٹروڈو بھی گزشتہ برس اپنی اہلیہ سے علیحدہ ہو چکے ہیں۔
اسرائیلی وزیر دفاع نے ایران کے سپریم لیڈر کو براہ راست نشانہ بنانے کی دھمکی دے دی