عوام نے ضمنی انتخابات میں بی جے پی اور کانگریس دونوں کو مسترد کردیا ہے، کیجریوال
اشاعت کی تاریخ: 24th, June 2025 GMT
عام آدمی پارٹی کے قومی کنوینر نے ٹوئٹ کیا کہ گجرات کے لوگ اب بی جے پی سے تنگ آچکے ہیں اور وہ عام آدمی پارٹی میں امید دیکھ رہے ہیں۔ اسلام ٹائمز۔ عام آدمی پارٹی کے قومی کنوینر اروند کیجریوال نے کہا کہ لوگ گجرات میں بی جے پی سے تنگ آچکے ہیں اور اس بات پر زور دیا کہ لوگوں نے ضمنی انتخابات میں کانگریس اور بی جے پی دونوں کو مسترد کردیا تھا۔ گجرات میں دو حلقوں پر منعقد ضمنی انتخابات کے لئے کل ووٹوں کی گنتی کی گئی۔ عہدیداروں کے مطابق عام آدمی پارٹی کے لیڈر گوپال اٹالیہ نے ویساوادر سیٹ جیت لی، جبکہ بی جے پی کے راجیندر چاوڈا نے کڈی سیٹ پر فتح حاصل کی۔ عام آدمی پارٹی کے امیدوار سنجیو اروڑہ پنجاب کی لدھیانہ ویسٹ اسمبلی سیٹ جیت گئے۔
انہوں نے اپنے قریبی حریف اور کانگریس کے امیدوار بھارت بھوشن آشو کے خلاف شاندار جیت درج کی۔ اس دوران اروند کیجریوال نے کہا کہ لدھیانہ ویسٹ کے نتائج ظاہر کرتے ہیں کہ پنجاب کے لوگ حکومت کے کام سے بہت خوش ہیں اور انہوں نے 2022ء کے مقابلے میں زیادہ ووٹ دیا ہے۔ کیجریوال نے ٹوئٹ کیا کہ گجرات کے لوگ اب بی جے پی سے تنگ آچکے ہیں اور وہ عام آدمی پارٹی میں امید دیکھ رہے ہیں۔ انہوں نے ایکس پر ہندی میں پوسٹ کرکے پنجاب اور گجرات کے لوگوں کا شکریہ ادا کیا اور کہا کہ لوگوں نے ان ضمنی انتخابات میں بی جے پی اور کانگریس دونوں کو مسترد کر دیا ہے۔
اروند کیجریوال نے پوسٹ میں مزید کہا کہ گجرات کی ویساوادر سیٹ اور پنجاب کی لدھیانہ ویسٹ سیٹ پر عام آدمی پارٹی کی شاندار جیت پر آپ سب کو بہت بہت مبارک ہو۔ گجرات اور پنجاب کے لوگوں کو بہت بہت مبارکباد اور بہت شکریہ۔ انہوں نے کہا کہ دونوں مقامات پر جیت کا مارجن پچھلے الیکشن کے مقابلے تقریباً دوگنا ہوگیا ہے۔ انہوں نے دعویٰ کیا کہ دونوں پارٹیوں، کانگریس اور بی جے پی نے دونوں جگہوں پر ایک ساتھ الیکشن لڑا تھا، دونوں کا ایک ہی مقصد عام آدمی پارٹی کو ہرانا تھا لیکن لوگوں نے دونوں جگہوں پر ان دونوں پارٹیوں کو مسترد کر دیا۔
ذریعہ: Islam Times
کلیدی لفظ: عام ا دمی پارٹی کے ضمنی انتخابات کیجریوال نے کو مسترد انہوں نے بی جے پی ہیں اور کہا کہ کے لوگ
پڑھیں:
گجرات ،دیوار گرنے سے 3بچے جاں بحق ،3زخمی
data-id="863a0a8" data-element_type="widget" data-widget_type="theme-post-content.default">
گجرات (صباح نیوز)پنجاب کے شہر گجرات ماڈل ٹان میں گھر کی دیوار گرنے سے 3 بچے جاں بحق اور 3 شدید زخمی ہوگئے۔ گجرات گندرہ موڑ پر محنت کشوں پر قیامت ٹوٹ پڑی، جہاں رہائشی بچے گھر کے دروازے کے ساتھ کھیل رہے تھے کہ اچانک دروازہ دیوار سمیت زمین پر آگرا، جس کے نتیجے میں6 سالہ بچی رانی، 8 سالہ کامران اور 7 سالہ ساجد دیوار کے ملبے تلے دب کر جاں بحق جبکہ 8 سالہ دلاور،7 سالہ سعید اور7 سالہ عارف خان شدید زخمی ہوگئے۔ واقعے کی اطلاع پر ریسکیو 1122 اور پولیس چوکی ماڈل ٹان کی نفری نے موقع پر پہنچ کر لاشوں اور زخمی بچوں کو ملبے سے نکال کر تشویشناک حالت میں عزیز بھٹی اسپتال منتقل کر دیا۔ ضروری کارروائی کے بعد جاں بحق بچوں کی لاشیں ورثا کے حوالے کر دی گئیں جبکہ زخمی بچوں کا علاج معالجہ جاری ہے۔ افسوسناک واقعہ پر پورا علاقہ سوگ میں ڈوب گیا، متاثرہ خاندان بہاولپور کے رہائشی ہیں جو گجرات میں محنت مزدوری کی غرض سے رہائش پذیر ہیں۔
فتنہ الہندوستان کے مٹھی بھر دہشت گرد بلوچستان کو نقصان نہیں پہنچا سکتے، ڈی جی آئی ایس پی آر