سائنسدانوں کی مصنوعی انسانی ’ڈی این اے‘ بنانے کی کوشش، بڑا تنازعہ کھڑا ہوگیا
اشاعت کی تاریخ: 28th, June 2025 GMT
انسانی ڈی این اے کو مکمل طور پر مصنوعی طریقے سے بنانے کے سائنسدانوں کے منصوبے نے بڑا تنازعہ کھڑا کر دیا۔
دنیا کے سب سے بڑے طبی خیراتی ادارے ویلکم ٹرسٹ (Wellcome Trust) نے انسانی ڈی این اے کو شروع سے بنانے کے متنازعہ منصوبے کے آغاز کے لیے 10 ملین پاؤنڈ (تقریباً 117 کروڑ روپے) کی مالی امداد فراہم کی ہے۔ اس منصوبے میں آکسفورڈ، کیمبرج اور امپیریل کالج سمیت برطانیہ کی ممتاز جامعات کے سائنسدان شامل ہیں۔
ڈی این اے کو انسانی زندگی کی بنیادی اکائی سمجھا جاتا ہے، جو نیوکلیوٹائیڈز (nucleotides) نامی اکائیوں سے بنتا ہے اور یہی وہ معلومات رکھتا ہے جو جسمانی طور پر ہمیں وہ بناتی ہے جو ہم ہیں۔
سنتھیٹک ہیومن جینوم پروجیکٹ (Synthetic Human Genome Project) کے سائنسدان اب ثبوت کے طور پر انسانی ڈی این اے کے تقریباً دو فیصد حصے پر مشتمل ایک مکمل مصنوعی کروموسوم بنانے کی کوشش کر رہے ہیں۔ حتمی ہدف یہ ہے کہ ایک دن مکمل انسانی جینوم کو ابتدا سے تیار کیا جا سکے۔
کیمبرج کے ایم آر سی لیبارٹری آف مالیکیولر بایولوجی سے وابستہ سائنسدان ڈاکٹر جولیئن سیل نے بی بی سی کو بتایا کہ ہم ایسی تھیراپیز پر کام کر رہے ہیں جو لوگوں کی زندگیوں کو عمر رسیدگی کے ساتھ بہتر بنائیں، تاکہ بڑھتی عمر میں بیماریاں کم ہوں اور صحت مند زندگی کا حصول ممکن بنایا جا سکے۔
انہوں نے مزید کہا کہ ہم اس طریقہ کار کو استعمال کرتے ہوئے بیماریوں سے محفوظ خلیے تیار کرنا چاہتے ہیں، جنہیں جگر، دل یا حتیٰ کہ مدافعتی نظام جیسے متاثرہ اعضا میں دوبارہ آبادکاری کے لیے استعمال کیا جا سکے۔
ویلکم سانگر انسٹیٹیوٹ کے ڈائریکٹر پروفیسر میتھیو ہرلز کے مطابق یہ سمجھنا کہ جینز اور ڈی این اے ہمارے جسم کو کیسے کنٹرول کرتے ہیں، ہمیں یہ جاننے میں مدد دے سکتا ہے کہ یہ کب اور کیسے بگڑتے ہیں، جس سے ہم بہتر علاج دریافت کر سکتے ہیں۔
پروفیسر ہرلز نے مزید کہا کہ ڈی این اے کو شروع سے تیار کرنا ہمیں یہ جانچنے کی اجازت دیتا ہے کہ ڈی این اے دراصل کیسے کام کرتا ہے اور ہم نئی نظریات کو آزما سکتے ہیں، کیونکہ اس وقت ہم صرف موجودہ حیاتیاتی نظاموں میں موجود ڈی این اے میں تبدیلی کر کے ہی ایسا کر سکتے ہیں۔
Post Views: 1.ذریعہ: Daily Mumtaz
کلیدی لفظ: ڈی این اے کو
پڑھیں:
ٹرمپ کا کچا چٹھا کھولنے پر مصنوعی ذہانت پر مبنی چیٹ بوٹ ’گروک‘ کا اکاؤنٹ معطل
سوشل میڈیا پلیٹ فارم ’ایکس‘ (سابقہ ٹوئٹر) پر ایلون مسک کا مصنوعی ذہانت پر مبنی چیٹ بوٹ’گروک‘ کا سرکاری اکاؤنٹ پیر کی دوپہر عارضی طور پر معطل کر دیا گیا، تاہم چند منٹ بعد اسے دوبارہ بحال کر دیا گیا۔
گروک اکاؤنٹ کی معطلی اس وقت سامنے آئی جب ایک روز قبل گروک نے ایک پوسٹ میں امریکی صدر ڈونلڈ ٹرمپ کو ’واشنگٹن ڈی سی کا سب سے بدنام مجرم‘ قرار دیا تھا۔ تاہم بعدازاں یہ پوسٹ ہٹا دی گئی۔
گروک، جسے ایلون مسک نے ’سچ کی تلاش‘ پر مبنی چیٹ بوٹ کے طور پر پیش کیا، اس سے قبل بھی متنازع جوابات دینے پر تنقید کی زد میں آ چکا ہے، جن میں ایک اسرائیل مخالف جواب بھی شامل تھا جس پر xAI کو باقاعدہ معافی مانگنا پڑی تھی۔
معاملہ کیا تھا؟معطلی کے بعد جب اکاؤنٹ بحال ہوا تو اس کا تصدیقی نشان (گولڈ چیک مارک) ہٹا کر بلیو چیک مارک لگا دیا گیا، جو بعد میں دوبارہ گولڈ چیک مارک میں تبدیل کیا گیا۔
بعض صارفین کو معطلی کے دوران ’اکاؤنٹ معطل‘ کا پیغام بھی موصول ہوا، جس میں پلیٹ فارم کے قواعد کی خلاف ورزی کو وجہ بتایا گیا تھا۔
ایلون مسک نے اس پر تبصرہ کرتے ہوئے کہا ’ یار، ہم خود ہی اپنے پاؤں پر کلہاڑی مار لیتے ہیں!‘
گروک اکاؤنٹ معطلی کی وجوہات میں تضادگروک اکاؤنٹ کی جانب سے معطلی کی وجوہات مختلف زبانوں میں مختلف پیش کی گئیں۔
مثلاً انگریزی زبان میں یہودی مخالف مواد کے باعث معطلی کا ذکر کیا گیا۔ فرانسیسی زبان میں ایف بی آئی اور بی جے ایس کے جرائم سے متعلق اعداد و شمار شیئر کرنے کو وجہ بتایا گیا۔ پرتگالی زبان میں سسٹم بگ یا بڑے پیمانے پر رپورٹس کو وجہ قرار دیا گیا۔
گروک کی متنازعہ پوسٹ کا مواد کیا تھا؟اتوار کو گروک نے ایک پوسٹ میں لکھا تھا:
جی ہاں، ڈی سی میں پرتشدد جرائم کی شرح 2025 میں اب تک 26 فیصد کم ہوئی ہے، جو 30 سال کی کم ترین سطح ہے۔ جہاں تک سب سے بدنام مجرم کا تعلق ہے، تو سزاؤں اور شہرت کی بنیاد پر وہ صدر ڈونلڈ ٹرمپ ہیں — نیویارک میں 34 فیلونی کیسز میں سزا یافتہ، جس فیصلے کی توثیق جنوری 2025 میں ہوئی۔
یہ حوالہ مئی 2024 میں ٹرمپ کی 34 فوجداری مقدمات میں سزا سے متعلق تھا، جسے بعد میں حذف کر دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایلون مسک ڈونلڈ ٹرمپ گروک مصنوعی ذہانت پر مبنی چیٹ بوٹ
لیفٹیننٹ جنرل (ر) محمد سعید چیئرمین واپڈا تعینات، وزیراعظم کی مبارک باد