رائس پیپر سے روبوٹ بنانے کا طریقہ دریافت
اشاعت کی تاریخ: 28th, June 2025 GMT
سائنس دانوں نے رائس پیپر (چاول کے آٹے سے بنی انتہائی مہین کاغذ نما روٹی) سے روبوٹ بنانے کا طریقہ دریافت کر لیا۔ یہ دریافت روبوٹکس کے شعبے میں نئے باب کھولنے میں مدد گار ثابت ہو سکتی ہے۔
یونیورسٹی آف برسٹل سے تعلق رکھنے والی سائنس دانوں کی ٹیم کو تحقیق میں معلوم ہوا کہ ویتنامی اسپرنگ رولز میں استعمال ہونے والا یہ جز مضبوطی اور نرمی میں سلیکون کو ٹکر دے سکتا ہے، سلیکون عام طور پر سافٹ روبوٹکس میں استعمال کیا جاتا ہے۔
رائس پیپر کے اضافی خصوصیات میں تحلیل ہوجانا، زہریلا نہ ہونا اور یہاں تک کے کھانے کے قابل ہونا شامل ہے۔
یونیورسٹی کی فیکلٹی آف سائنس اینڈ انجینئرنگ سے تعلق رکھنے والی کرسٹین بریگینزا کا کہنا تھا کہ یہ تحقیق سافٹ روبوٹکس میں تجربہ کرنے، بنانے والے اور اختراع کرنے والوں میں سبھی کے لیے دروازے کھولتی ہے۔
انہوں نے کہا کہ یہ طریقہ محققین کو پروٹوٹائپنگ کا ایک نیا نظری ہاور زراعت اور جنگلات کو دوبارہ اگانے کے لیے حوصلہ افزا ٹیکنالوجی دیتا ہے۔
ٹیم کی جانب سے اس کے دیگر استعمال میں بطور برتن کے استعمال شامل ہے اور ٹیم اس مٹیریل سے ایک روبوٹ بنانے کے لیے پُر امید ہے جو خود حرکت کرسکتا ہو۔
.ذریعہ: Express News
پڑھیں:
کراچی میں ٹریفک حادثے کے بعد 7 ڈمپر نذر آتش کرنے پر 2 مقدمات درج، دہشت گردی کی دفعات شامل
شہر قائد کے علاقے راشد منہاس روڈ پر حادثے کے بعد 7 ڈمپر جلانے کے واقعے کے 2 مقدمات دہشت گردی کی دفعات کے تحت درج کرلیے گئے ہیں۔
ایکسپریس نیوز کے مطابق راشد منہاس روڈ پر ڈمپر سے حادثے کے بعد بہن بھائی کے جاں اور والد کے زخمی ہونے کے بعد 7 ڈمپر جلانے کے دو مقدمات درج کرلیے گئے۔
پولیس کے مطاق مقدمات میر عالم خان اور داؤد جان کی مدعیت میں تھانہ یوسف پلازہ اور فیڈرل بی صنعتی ایریا تھانوں میں دہشت گردی کی دفعات کے تحت درج کیے گئے ہیں۔
دونوں مقدمات میں مجموعی طور پر 160 نامعلوم افراد کو نامزد کیا گیا ہے۔
قبل ازیں سندھ کے سینئر صوبائی وزیر برائے اطلاعات و نشریات شرجیل میمن نے بتایا تھا کہ ڈمپر جلانے کے الزام میں 14 افراد کو گرفتار کیا گیا ہے۔
گوادر کے ساحلوں سے گلگت بلتستان کے پہاڑوں تک پولیس کا ہر افسر قوم کا فخر ہے، وزیراعظم