ڈکیتی مزاحمت پر قتل ہونے والے نوجوان کے قاتل تاحال آزاد
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
میرپورخاص(نمائندہ جسارت) ڈکیتی کے دوران مزاحمت پر ڈاکوؤں کے ہاتھوں قتل ہونے والے نوجوان کے قتل کا ملزمان گرفتار نہ ہوسکے، ورثاء کا پولیس پر غفلت کا الزام تفصیلات کے مطابق مہران تھانے کی حدود جمناداس کالونی میں 3 روز قبل ڈکیتی کے دوران مزاحمت پر ڈاکوؤں کے ہاتھوں قتل ہونے والے نوجوان بلال بھرگڑی کو قتل کرنے والے تین نامعلوم ملزمان تاحال گرفتار نہیں ہو سکے اس حوالے سے مقتول کے والد شکیل احمد نے بتایا کہ ان کا بیٹا اپنے بچوں کے لئے دوائی لینے گیا تھا کہ راستے میں ملزمان نے اسے گولی مار دی اور ڈکیتی کے دوران اس کے پیسے بھی لے گئے جس کے بعد اسے زخمی حالت میں حیدرآباد لے جایا گیا جہاں وہ دم توڑ گیا انہوں نے کہا کہ واقعہ کا مقدمہ درج کرانے کے باوجود پولیس تاحال ملزمان کو گرفتار نہیں کر سکی ان کا کہنا تھا کہ واقعے کو 4 دن گزر چکے ہیں ایس ایچ او نے پہلے دن ہی رابطہ کیا اس کے بعد کسی نے رابطہ نہیں کیا مقتول کے بھائی محمد زمان نے بتایا کہ ہم بھائی سبزی منڈی میں کام کرتے تھے ظالموں نے بھائی کی جان لے لی اور ان کا گھر تباہ کر دیا اس نے بتایا کہ اس کے بھائی کی دو چھوٹی بیٹیاں ہیں جو نابینا ہیں انہوں نے کہا کہ ملزمان سی سی ٹی وی کیمروں میں بھی نظر آ رہے ہیں لیکن پولیس نے ابھی تک ان کے خلاف کوئی کارروائی نہیں کی انہوں نے کہا کہ پولیس ایسے مجرموں سے پوری طرح باخبر ہے شہر بھر میں ون فائیو کیمرے نصب ہیں پولیس ایک دن میں ان کے بھائی کے قاتلوں کو گرفتار کر سکتی ہے لیکن ابھی تک ایسا نہیں ہوسکا ہے انہوں نے وزیراعلیٰ سندھ سید مراد علی، آئی جی سندھ، ڈی آئی جی میرپورخاص اور ایس ایس پی میرپورخاص سے مطالبہ کیا ہے کہ مقتول بلال بھرگڑی کے قاتلوں کو گرفتار کر کے سخت سے سخت سزا دی جائے۔
.
ذریعہ
ذریعہ: Jasarat News
کلیدی لفظ: انہوں نے
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا