اسلامی نقطہ نظر سے محرم قمری سال کا پہلا مہینہ ہے یعنی ماہ محرم سے اسلامی سال کا آغاز ہوتا ہے۔ قمری ماہ وسال اور سنہ و صدی سے اسلام کے اہم احکام اور واقعات بلکہ اسلامی تاریخ کا اہم حصہ وابستہ ہے، اس لیے قمری تاریخوں کے نظام اور قمری حساب کو اسلامی تقویم کہا جاتا ہے ۔
تاریخی نظام کی قسمیں: دنیا میں کئی قسم کے تاریخی تقویمی نظام چلتے ہیں جن کا دارومدار بنیادی طور پر تین چیزوں پر ہے : اول سورج ،دوئم چاند،سوئم ستارے۔یوں بنیادی تاریخی نظام تین ہیں: اول شمسی یعنی سورج والا ،دوئم قمری یعنی چاند والا ،سوئم اور نجومی یعنی ستارے والا۔
ماہ محرم الحرام کے فضائل:
لغت کے اعتبار سے محرم کے معنی معظم، محترم اور معزز کے ہیں کیونکہ یہ اعزاز، احترام اور عظمت و فضیلت والا مہینہ ہے، اس لیے اس مہینے کا نام محرم ہے۔ قران مجید میں ارشاد ہے:
’’مہینوں کی گنتی اللہ کے نزدیک بارہ مہینے ہیں، اﷲ کے حکم میں جس دن اس نے پیدا کیے تھے آسمان اور زمین، ان میں چار مہینے ہیں ادب کے، یہی ہے سیدھا دین، سو اس میں ظلم مت کرو اپنے اوپر‘‘.
حضرت ابوبکرؓ روایت کرتے ہیں کہ:’’ نبیؐ نے (حجتہ الوداع کے موقع پر اپنے خطبہ میں) ارشاد فرمایا کہ: (اس وقت) زمانے کی وہی رفتار ہے جس دن اللہ تعالی نے زمین و آسمان کو پیدا کیا تھا، ایک سال بارہ مہینے کا ہوتا ہے، ان میں چار مہینے حرمت و عظمت والے ہیں، جن میں تین مہینے مسلسل ہیں یعنی ذیقعدہ، ذی الحجہ، محرم اور ایک رجب کا مہینہ ہے جو جمادی الآخر اور شعبان کے درمیان آتا ہے۔‘‘
(صحیح بخاری، کتاب التفسیر القرآن)
محرم الحرام کے روزوں کی فضیلت: آپؐ نے فرمایا:’’رمضان کے روزوں کے بعد سب سے بہترین روزے محرم کے روزے ہیں‘‘۔
(صحیح مسلم،کتاب الصیام)
حضرت ابن عباسؓسے روایت ہے کہ: ’’رسول اللہ ؐجب مکہ مکرمہ سے ہجرت فرما کر مدینہ منورہ تشریف لائے تو آپ ؐ نے یہودیوں کوبھی 10محرم کے دن روزہ رکھتے ہوئے دیکھا، آپ نے ان سے پوچھا کہ: اس دن کی کیا خصوصیت ہے کہ تم روزہ رکھتے ہو؟ انھوں نے کہا یہ بڑا عظیم (اور نیک) دن ہے، اسی دن اللہ تعالی نے موسی علیہ السلام اور ان کی قوم کو نجات دی (اور فرعون پر غلبہ عطا فرمایا) اور فرعون اور اس کی قوم کو غرق کیا، چنانچہ موسی علیہ السلام نے بطور شکر (اور بطور تعظیم) اس دن روزہ رکھا تھا، اس لیے ہم بھی روزہ رکھتے ہیں تو آپ صلی اللہ علیہ وسلم نے فرمایا: تمہارے مقابلے میں ہم موسی سے زیادہ قریب ہیں اور (بطور شکر روزہ رکھنے کے) زیادہ حقدار ہیں، چنانچہ آپ صلی اللہ علیہ وسلم نے 10 محرم کے دن خود بھی روزہ رکھا اور دوسروں کو بھی روزہ رکھنے کی تلقین فرمائی." (صحیح مسلم، کتاب الصیام)
دس محرم کا روزہ:
حضرت ابن عباس ؓ فرماتے ہیں کہ: ’’جس وقت رسول اللہ ؐ نے عاشورا کے دن روزہ رکھا اور صحابہ کو بھی اس دن روزہ رکھنے کا حکم دیا تو کچھ صحابہ نے عرض کیا: اے اﷲ کے رسول! یہ ایسا دن ہے کہ یہود و نصاری بھی اس کی بہت تعظیم کرتے ہیں، روزہ رکھ کر ہم اس دن کی تعظیم کرنے میںان کی موافقت کرنے لگتے ہیں جب کہ ہمارے اور ان کے دین میں بڑا فرق ہے، تو آپ صلی اللہ علیہ وسلم نے ارشاد فرمایا کہ: آیندہ سال انشاء اللہ ہم نو تاریخ کو بھی روزہ رکھیں گے۔ حضرت ابن عباسؓ فرماتے ہیں کہ: آیندہ سال محرم سے پہلے ہی (ربیع الاول) میں آپ صلی اللہ علیہ وسلم کا وصال ہو گیا."(صحیح مسلم)
دس محرم کو اہل وعیال پر وسعت کرنا:
ابن عبدالبر اپنی سند کے ساتھ حضرت جابرؓ سے روایت کرتے ہیں کہ میں نے رسولؐ سے سنا،:"جو اپنے آپ پر اور اپنے گھر والوں پر عاشورا کے دن (کھانے پلانے میں) وسعت (کشادگی و فراخی) کرے گا، تو اللہ تعالی اس پر پورے سال وسعت (کشادگی و فراخی) فرمائیں گے۔‘‘ حضرت جابرؓ فرماتے ہیں کہ: ہم نے اس کا تجربہ کیا تو اس کو اپنے تجربے میں اسی طرح پایا‘‘(الاستذکار لجامع لمذاھب فقہاء المصار، کتاب الصیام، باب صیام یوم عاشوراء)
10محرم کے دن کی فضیلت:
صحابہ، تابعین اور ائمہ مجتہدین کے نزدیک عاشورہ سے 10محرم کا دن مراد ہے اور لغت کے اعتبار سے بھی عاشورہ کا لفظ10محرم پر ہی صادق آتا ہے۔ چنانچہ اس دن اللہ تعالی نے موسی ؑ کو فرعون سے نجات عطا فرمائی، یہود و نصاری اور قریش مکہ اس دن کی فضیلت کے قائل تھے۔ آپ ؐ بھی اس دن میں روزہ رکھا کرتے تھے اور دوسروں کو بھی اس دن روزہ رکھنے کی ترغیب دیتے تھے، قبل از اسلام کعبہ کو تعظیم کی وجہ سے غلاف بھی اسی دن پہنایا جاتا تھا، اور رمضان کے روزے فرض ہونے سے پہلے اس دن کا روزہ فرض تھا جو بعد میں منسوخ ہو گیا مگر اب بھی اس دن کے روزے کی فضیلت یہ بیان کی گئی ہے کہ اس سے ایک سال کے صغیرہ گناہ معاف ہو جاتے ہیں، 10محرم کے دن حضرت آدم ؑ کی توبہ قبول ہوئی تھی اور حضرت نوح ؑ کی کشتی کنارے پر آئی تھی، اسی دن حضرت عیسی ؑ کی ولادت ہوئی تھی اور اسی دن آسمان پر اٹھائے گئے، اسی دن حضرت یونس ؑ کو مچھلی کے پیٹ سے نجات ملی اور اسی دن ان کی امت کا قصور معاف ہوا اور اسی دن حضرت یوسف ؑ کنویں سے نکالے گئے اسی دن حضرت ایوب ؑ کو مرض سے صحت عطا ہوئی اسی دن حضرت ابراہیم ؑ کی ولادت ہوئی اور اسی دن حضرت سلیمان ؑ کو ملک عطا ہوا، اورجگر گوشہ رسول حضرت امام حسینؓ اس دن شہادت کے اعلیٰ ترین مرتبے پر فائز کیے گئے۔
اس قسم کے واقعات اور روایت میں اگرچہ محدثین کو کلام ہے مگر ان سے بھی مجموعی طور پر کسی نہ کسی درجے میں اس دن کی فضیلت و عظمت خاص طور پر اس دن توبہ و استغفار کی فضیلت ظاہر ہوتی ہے۔
ذریعہ
ذریعہ: Express News
کلیدی لفظ: ا پ صلی اللہ علیہ وسلم روزہ رکھنے اللہ تعالی اور اسی دن محرم کے دن روزہ رکھا بھی اس دن بھی روزہ کی فضیلت اس دن کی اور اس ہیں کہ کو بھی
پڑھیں:
امریکا کی 250 ویں سالگرہ 5 روزہ نمائش، آزادی کے تصور پر پاکستانی آرٹسٹس کے فن پارے توجہ کا مرکز
امریکی سفارت خانے نے امریکا کی آزادی کے 250 سال مکمل ہونے کی تقریبات کے سلسلے میں جمعرات کو اسلام آباد میں ’لیٹ فریڈم رنگ‘ کے عنوان سے ’لبرٹی بیل‘ نمائش کا افتتاح کر دیا۔
نمائش میں ملک بھر سے تعلق رکھنے والے 16 پاکستانی فنکاروں کے تیار کردہ منفرد فن پارے پیش کیے گئے ہیں، جن میں ہر فنکار نے اپنے انداز میں ‘آزادی’ کے تصور کو اجاگر کیا ہے۔
یہ بھی پڑھیں:گورنر خیبرپختونخوا سے امریکی ناظم الامور کی ملاقات، سرمایہ کاری اور ترقیاتی تعاون بڑھانے پر اتفاق
نمائش کا افتتاح لوک ورثہ میوزیم میں منعقدہ تقریب میں امریکی ناظم الامور اینڈی ہیلس اور وفاقی وزیر برائے قومی ورثہ و ثقافت اورنگزیب خان کچھی نے مشترکہ طور پر کیا۔
پاکستانی فنکاروں نے ‘آزادی’ کی نئی تعبیر پیش کیامریکی سفارت خانے کے مطابق یہ منصوبہ پاکستان میں امریکی مشن کے پبلک ڈپلومیسی سیکشن نے اپنے ‘لنکن کارنرز’ نیٹ ورک کے ذریعے ترتیب دیا، جس میں ملک کے مختلف حصوں سے تعلق رکھنے والے 16 فنکاروں کو شریک کیا گیا۔
Federal Minister for NH&C Aurangzeb Khan Khichi and U.S. Chargé d’Affaires Andy Halus on Thursday jointly inaugurated the “Let Freedom Ring” American Liberty Bell display at Lok Virsa Heritage Museum, celebrating the enduring cultural partnership between Pakistan & United States pic.twitter.com/3uqKCelXK9
— National Heritage and Culture Division (@DivisionCulture) July 23, 2026
ہر فنکار سے ایک ہی سوال پوچھا گیا کہ ’میرے لیے آزادی کیا معنی رکھتی ہے؟ ’اس سوال کے جواب میں فنکاروں نے ’لبرٹی بیل‘ کے منفرد ڈیزائن تخلیق کیے، جو پاکستانی نقطۂ نظر سے آزادی کے تصور کی عکاسی کرتے ہیں۔
نمائش 5 روز تک جاری رہے گی‘لیٹ فریڈم رنگ’ نمائش 23 سے 27 جولائی تک اسلام آباد کے 2 نمایاں ثقافتی مراکز، لوک ورثہ میوزیم اور پاکستان مونومنٹ میوزیم میں جاری رہے گی۔
امریکی سفارت خانے نے شہریوں کو دعوت دی ہے کہ وہ اس 5 روزہ نمائش کے دوران دونوں مقامات کا دورہ کریں اور فن پاروں کا مشاہدہ کریں۔
امریکا اور پاکستان کے مشترکہ اقدار پر زورتقریب سے خطاب کرتے ہوئے امریکی ناظم الامور اینڈی ہیلس نے کہا کہ ‘لبرٹی بیل’ آزادی، اظہارِ رائے اور بہتر مستقبل کی امید کی علامت ہے۔
أعلنت السفارة الأمريكية في إسلام آباد عن افتتاح معرض ليت فريدوم رينغ في متحف لوك ورثه ومتحف النصب التذكاري الباكستاني، وذلك ضمن الاحتفالات العالمية بمرور ٢٥٠ عامًا على إعلان الاستقلال الأمريكي.
شارك في الافتتاح القائم بالأعمال الأمريكي آندي هيلز ووزير التراث الوطني والثقافة… pic.twitter.com/EcPOSXchyu
— WE News | بالعربية (@WENewsArabic) July 23, 2026
ان کا کہنا تھا کہ پاکستان اور امریکا دونوں معاشروں میں فن، تخلیقی اظہار اور بہتر دنیا کے تصور کو اہمیت دی جاتی ہے۔
لوک ورثہ کئی دہائیوں سے پاکستان کی ثقافتی شناخت کو محفوظ رکھنے میں اہم کردار ادا کر رہا ہے۔ انہوں نے کہا کہ آج اس تاریخی مقام پر امریکا کی آزادی کی داستان کو بھی پیش کرنا باعثِ فخر ہے۔
ثقافتی تبادلوں سے تعلقات مضبوط بنانے پر زوروفاقی وزیر برائے قومی ورثہ و ثقافت اورنگزیب خان کچھی نے اس اقدام کا خیرمقدم کرتے ہوئے کہا کہ پاکستان اور امریکا کے درمیان ثقافتی تبادلے دونوں ممالک کے تعلقات کو مزید مستحکم بنانے میں اہم کردار ادا کرتے ہیں۔
مزید پڑھیں:نائب وزیراعظم اسحاق ڈار سے قائم مقام امریکی ناظم الامور کی ملاقات، خطے کی صورتحال پر تبادلہ خیال
انہوں نے اس نمائش کو دونوں ممالک کے درمیان دیرینہ تعلقات اور باہمی تعاون کی ایک مثبت مثال قرار دیا۔
امریکا 2026 میں اپنے اعلانِ آزادی کی 250 ویں سالگرہ منا رہا ہے۔ اسی مناسبت سے دنیا بھر میں امریکی سفارت خانے اور سفارتی مشنز کے زیرِ اہتمام ‘فریڈم 250’ کے عنوان سے مختلف تقریبات، نمائشوں اور ثقافتی پروگراموں کا انعقاد کیا جا رہا ہے۔
اسلام آباد میں منعقد کی جانے والی ‘لیٹ فریڈم رنگ’ مہم بھی اسی عالمی پروگرام کا حصہ ہے، جس کا مقصد آزادی، اختراع، تخلیقی اظہار اور ثقافتی روابط کو فروغ دینا ہے۔
اس نمائش کے ذریعے پاکستانی فنکاروں کو اپنے فن کے ذریعے آزادی کے تصور کو پیش کرنے کا موقع فراہم کیا گیا، جسے پاکستان اور امریکا کے درمیان ثقافتی تعاون کی ایک اہم پیش رفت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزادی افتتاح لوک ورثہ میوزیم امریکا امریکی سفارتخانہ امریکی ناظم الامور اینڈی ہیلس پاکستان ثقافتی تبادلہ فنکاروں لبرٹی بیل لیٹ فریڈم رنگ مونومنٹ میوزم
تحریکِ تحفظِ آئینِ پاکستان کا پارلیمنٹ ہائوس سے دھرنا ختم