ایشیا کپ ، پاکستانی ہاکی ٹیم کی شرکت کا فیصلہ اگلے ہفتے متوقع
اشاعت کی تاریخ: 4th, July 2025 GMT
ایشیا کپ میں پاکستانی ہاکی ٹیم کی شرکت کے این او سی کا فیصلہ اگلےہفتے متوقع ہے۔
پاکستان ہاکی فیدریشن نے ایشین ہاکی فیڈریشن پر واضح کر دیا ہے کہ بھارت جاکرکھیلنے کے لیے حکومت پاکستان کی ہدایات کے منتظر ہیں۔
نجی ٹی وی کے مطابق پی ایچ ایف نے این او سی کے لیےپاکستان اسپورٹس بورڈ اور متعلقہ وزارتوں سے رابطہ کررکھاہے۔
بھارتی میڈیا نے رپورٹ کیا تھا کہ بھارتی حکومت نے ایشیا ہاکی کپ کے حوالے سے کلیئرنس دےدی ہےکہ پاکستان ٹیم کے انڈیا میں آکر کھیلنےپر انہیں کوئی اعتراض نہیں۔
ایشین ہاکی فیڈریشن کے زیر اہتمام ایشیاہاکی کپ 27 اگست سے راجگیر میں کھیلا جاناہے،جس میں پاکستان نے بھی حصہ لیناہے۔
ذریعہ: Daily Mumtaz
پڑھیں:
ایشیا کپ کا ممکنہ شیڈول سامنے آگیا، پاک بھارت ٹیمیں کتنی بار مدمقابل ہوں گی؟
کرکٹ شائقین کے لیے خوشخبری ہے کہ ایشیا کپ 2025 کا ممکنہ شیڈول سامنے آ گیا ہے، جس کے مطابق پاکستان اور بھارت کی ٹیمیں کم از کم ایک بار آمنے سامنے آئیں گی، جبکہ 2 مرتبہ ٹاکرے کا امکان بھی موجود ہے۔
بھارتی میڈیا رپورٹس کے مطابق ایشیا کپ ٹی20 فارمیٹ میں 4 یا 5 ستمبر سے متحدہ عرب امارات میں شروع ہوگا اور 21 ستمبر کو اختتام پذیر ہوگا۔ پاکستان اور بھارت کے درمیان گروپ مرحلے کا میچ 7 ستمبر کو دبئی میں کھیلے جانے کا امکان ہے۔
مزید پڑھیں: پاک بھارت کشیدگی: ایشین کرکٹ کونسل تحلیل اور ایشیا کپ میں پاکستان کی شرکت منسوخ ہوسکتی ہے، سنیل گواسکر
ایشیا کپ کے 17ویں ایڈیشن میں بھارت، پاکستان، سری لنکا، بنگلہ دیش، افغانستان اور متحدہ عرب امارات کی ٹیموں کی شرکت متوقع ہے۔ روایتی فارمیٹ کے مطابق ایونٹ میں گروپ مرحلے کے بعد سپر فور مرحلہ ہوگا، جس میں پاکستان اور بھارت کے درمیان ایک اور مقابلہ بھی ممکن ہے۔
اگر دونوں ٹیمیں سپر فور میں پہنچ جاتی ہیں تو شائقین کو ایک اور سنسنی خیز ٹاکرے کی امید ہو سکتی ہے، جبکہ فائنل میں آمنا سامنا تیسری بار بھی ممکن ہے۔
اگرچہ ایشین کرکٹ کونسل (اے سی سی) کی جانب سے باضابطہ شیڈول جاری نہیں کیا گیا، تاہم توقع ہے کہ اس کا اعلان جولائی کے دوسرے ہفتے میں کر دیا جائے گا۔ بھارت میں اس حوالے سے پرومویشنل مواد پہلے ہی ٹی وی اور سوشل میڈیا پر آ چکا ہے۔
مزید پڑھیں: ایشیا کپ 2025 کا شیڈول سامنے آ گیا، لیکن کیا پاکستان کھیل پائے گا؟
سیاسی کشیدگی کے باعث بھارت کی ممکنہ عدم شرکت کی افواہوں کو بھارتی کرکٹ بورڈ (بی سی سی آئی) نے مسترد کر دیا ہے اور تصدیق کی ہے کہ بھارت ایشیا کپ سمیت تمام اے سی سی اور آئی سی سی ایونٹس میں شرکت جاری رکھے گا۔
واضح رہے کہ بھارت ایشیا کپ کا دفاعی چیمپیئن ہے، جس نے گزشتہ ٹورنامنٹ کے فائنل میں سری لنکا کو 10 وکٹوں سے شکست دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان ایشیا کپ 2025 بنگلہ دیش، بھارت پاکستان سری لنکا، کرکٹ متحدہ عرب امارات
پاکستان اور بھارت کے درمیان غیر رسمی تجارت عروج پر