کیٹل کالونی میں ترقیاتی کام ایک ہفتے میں شروع کرنے کی ہدایت
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
شکارپور (نمائندہ جسارت)کیٹل کالونی کے حوالے سے اہم اجلاس ڈپٹی کمشنر آفس میں پیپلز پارٹی کے رہنما، سابق صوبائی وزیر اور رکن سندھ اسمبلی امتیاز احمد شیخ کی زیر صدارت منعقد ہوا۔ تفصیلات کے مطابق کیٹل کالونی کے حوالے سے اہم اجلاس آج ڈپٹی کمشنر آفس میں پیپلز پارٹی کے رہنما، سابق صوبائی وزیر اور رکن سندھ اسمبلی امتیاز احمد شیخ کی زیر صدارت منعقد ہوا۔ اجلاس میں ڈپٹی کمشنر شکیل احمد ابڑو، ایڈیشنل ڈپٹی کمشنر ون ظفر عباس عباسی، اسسٹنٹ کمشنر شکارپور محمد فیضان چیمہ، چیف میونسپل آفیسر عابد لطیف راجپوت، ڈی آئی بی انچارج شاہجہان شاہ، پراونشل بلڈنگ ڈویڑن سکھر ڈانو مل، ای اے این، پراونشل بلڈنگ سب ڈویڑن شکارپور آفتاب علی انصاری، ڈپٹی ڈائریکٹر لائیو سٹاک شکارپور ڈاکٹر ذوالفقار علی مہر اور ٹھیکیدار معصوم شاہ نے بھی شرکت کی۔ اس موقع پر پیپلز پارٹی کے رہنما امتیاز احمد شیخ نے اجلاس میں کہا کہ کیٹل کالونی کا کام ایک ہفتے کے دوران شروع کر دیا جائے گا اس سلسلے میں ضلعی انتظامیہ نے تیاریاں مکمل کر لی ہیں چونکہ شہر میں بھینسوں کے باڑے ہیں اسکول کے بچے، خواتین اور شہری شدید متاثر ہیں اب شہری اس مصیبت سے بچ جائیں گے میرا مشن تھا کہ بھینسوں کے باڑوں کو باہر شفٹ کریں جو اب پورا ہو رہا ہے۔
.ذریعہ: Jasarat News
کلیدی لفظ: ڈپٹی کمشنر
پڑھیں:
وزیر خزانہ نے پنکھا تبدیلی پروگرام کا آغاز اسی ماہ کرنے کی ہدایت کر دی
اسلام آباد (نمائندہ خصوصی + نوائے وقت رپورٹ) حکومت نے ملک بھر میں بجلی سے چلنے والے پنکھوں کی تبدیلی کا پروگرام شروع کرنے کا فیصلہ کیا ہے جس کے مطابق موجودہ پنکھوں کو کم بجلی سے چلنے والوں پنکھوں سے تبدیل کیا جائیگا۔ وفاقی وزارت خزانہ کی جانب سے جاری اعلامیے کے مطابق وزیر خزانہ کی زیر صدارت وزیراعظم کے پنکھوں کی تبدیلی کے پروگرام پر اجلاس میں وفاقی وزیر توانائی اویس احمد لغاری اور گورنر سٹیٹ بنک نے شرکت کی۔ اجلاس کا مقصد پنکھا تبدیلی پروگرام کی تیاری اور جلد آغاز کے حوالے سے پیشرفت کا جائزہ لینا تھا۔ اجلاس میں سٹیک ہولڈرز نے پروگرام کی عملی تیاری اور متوقع شیڈول سے متعلق بریفنگ دی، پیشگی شرائط کی تکمیل اور بنکنگ سسٹمز کے انضمام پر بھی بریفنگ دی گئی۔ سینیٹر محمد اورنگ زیب نے کہا کہ یہ پروگرام توانائی بچت اور اقتصادی استحکام میں اہم کردار ادا کرے گا اور صارفین کے طرز عمل میں مثبت تبدیلی لائے گا، پروگرام بجلی کے استعمال میں کمی اور وسیع اقتصادی فوائد کا ذریعہ بھی بنے گا۔ وزیر خزانہ نے اس سلسلے میں تمام ضروری اقدامات آئندہ دو سے تین ہفتوں میں مکمل کرنے کی ہدایت کی تاکہ رواں ماہ کے آخر تک پروگرام کے پہلے مرحلے کا آغاز ممکن بنایا جائے۔ نیشنل ٹیرف پالیسی پر عملدرآمد سے متعلق سٹینڈنگ کمیٹی کے اجلاس میں وزیر خزانہ نے کہا کہ نیشنل ٹیرف پالیسی پاکستان کی تجارتی پالیسی کا بنیادی ستون ہے۔ پالیسی آئندہ 5 برسوں میں تجارت کو آزاد بنانے کیلئے روڈ میپ فراہم کرتی ہے۔
ملک بھر میں مون سون بارشوں کی پیشگوئی؛ کئی علاقوں میں سیلاب و لینڈسلائیڈنگ کا خدشہ