وفاقی وزیرِ صحت مصطفیٰ کمال کی زیر صدارت نیشنل انٹر ایجنسی کوآرڈینیشن کمیٹی کا اجلاس ، ملک گیر خسرہ و روبیلا ویکسی نیشن مہم کی تیاریوں کا جائزہ
اشاعت کی تاریخ: 10th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 10 اکتوبر2025ء) وفاقی وزیرِ صحت مصطفیٰ کمال کی زیر صدارت نیشنل انٹر ایجنسی کوآرڈینیشن کمیٹی کا اجلاس منعقد ہوا۔ اجلاس میں فیڈرل سیکرٹری ہیلتھ، ڈی جی ایف ڈی آئی سمیت مختلف وفاقی و صوبائی محکموں اور بین الاقوامی شراکت دار اداروں کے نمائندگان نے شرکت کی۔اجلاس میں 17 سے 29 نومبر 2025 تک جاری رہنے والی ملک گیر خسرہ و روبیلا (ایم آر) ویکسی نیشن مہم کی تیاریوں اور انتظامات کا تفصیلی جائزہ لیا گیا۔
وفاقی وزیر صحت مصطفیٰ کمال نے اجلاس سے خطاب کرتے ہوئے کہا کہ خسرہ اور روبیلا اب بھی پاکستان میں اہم عوامی صحت کے چیلنجز میں شامل ہیں۔ ان بیماریوں سے بچاؤ کے لیے بروقت ویکسی نیشن اور مؤثر آگاہی مہم ناگزیر ہے۔انہوں نے مزید کہا کہ وفاق تمام صوبوں کے ساتھ قریبی رابطہ اور مؤثر کوآرڈینیشن کے ذریعے مہم کو کامیاب بنانے کے لیے پُرعزم ہے۔(جاری ہے)
وزیر صحت نے ہدایت دی کہ عوامی آگاہی مہم کے لیے پیغام رسانی کو مزید مؤثر، مربوط اور جامع بنایا جائے تاکہ بچوں کی ویکسی نیشن یقینی ہو سکے ۔سینیٹر مصطفیٰ کمال نے اس بات پر زور دیا کہ عوام کو وباؤں اور بیماریوں سے بچانا ہی حقیقی معنوں میں ہیلتھ کیئر ہے۔ ہم اس مقصد کے لیے تمام ممکنہ اقدامات کو یقینی بنا رہے ہیں۔انہوں نے کہا کہ آئندہ ایم آ ر ویکسی نیشن مہم میں 5 سال تک کی عمر کے ہر بچے کی ویکسی نیشن کو یقینی بنایا جائے اور زیادہ سے زیادہ کوریج حاصل کرنے کے لیے تمام ادارے متحرک کردار ادا کریں۔.ذریعہ: UrduPoint
کلیدی لفظ: تلاش کیجئے ویکسی نیشن کے لیے
پڑھیں:
تمام مذہبی برادریوں کے حقوق آئین کے تحت محفوظ ہیں: اعظم نذیر تارڑ
اسلام آباد(آئی این پی )وفاقی وزیر برائے انسانی حقوق سینیٹر اعظم نذیر تارڑ نے کہا ہے کہ ملک میں تمام مذہبی برادریوں کے حقوق آئینِ پاکستان کے تحت محفوظ ہیں۔وفاقی وزیر قانون سے نیدرلینڈز کے سفیر ہائی ایکسی لینسی رابرٹ یان سیگرٹ نے ملاقات کی۔ ملاقات میں انسانی حقوق کے فروغ اور تحفظ سے متعلق جاری اقدامات پر تبادلہ خیال اور دوطرفہ تعاون کو مزید مضبوط بنانے پر گفتگو کی گئی۔وزارت انسانی حقوق سے جاری اعلامیہ کے مطابق وفاقی وزیر نے سفیر کا خیرمقدم کیا اور پاکستان کی انسانی حقوق کے شعبے میں ترجیحات کی تکمیل کیلئے نیدرلینڈز کی مستقل معاونت اور دلچسپی کو سراہا۔ دونوں فریقین نے مساوات، شمولیت اور تمام شہریوں کی فلاح و بہبود کے فروغ کے مشترکہ عزم کا اعادہ کیا۔سفیر نے انسانی حقوق کے ایجنڈے پر عملدرآمد کے حوالے سے پاکستان کی کاوشوں کو سراہا اور آئینی ضمانتوں، خصوصا مذہبی آزادی اور عقائد کی آزادی کے فروغ کیلئے حکومتی عزم کی تعریف کی۔ اس موقع پر وفاقی وزیر نے پاکستان کے متنوع اور شمولیتی سماج کا حوالہ دیتے ہوئے بتایا کہ ملک میں تمام مذہبی برادریوں کے حقوق آئینِ پاکستان کے تحت محفوظ ہیں۔وفاقی وزیر نے نیشنل ایکشن پلان برائے انسانی حقوق پر پیش رفت سے بھی آگاہ کیا، جو پالیسی اصلاحات، انصاف تک رسائی میں بہتری، بین الاقوامی معاہدوں پر عملدرآمد اور انسانی حقوق کے اداروں کے تقویت جیسے اقدامات کا احاطہ کرتا ہے۔
ڈرون کے ذریعے اسلحے کی مجاہدین کو سپلائی، صہیونی فوج کے لئے لاعلاج درد سر