ٹی20 کرکٹ میں نیا ریکارڈ، 5 گیندوں پر 5 وکٹیں
اشاعت کی تاریخ: 11th, July 2025 GMT
DUBLIN:
آئرلینڈ کی کرکٹ ٹیم کے اسٹار آل راؤنڈر کرٹس کیمفر نے انٹرپرووینشل ٹی20 ٹرافی میں منسٹر ریڈز کی نمائندگی کرتے ہوئے نارتھ ویسٹ ویریئرز کے خلاف 5 گیندوں پر 5 وکٹیں حاصل کر کے پروفیشنل کرکٹ میں نیا ریکارڈ قائم کردیا۔
آئرلینڈ کے انٹرپرووینشل ٹی20 ٹرافی کے اہم میچ میں منسٹر ریڈز کے کپتان کرٹس کیمفر نے نارتھ ویسٹ ویریئرز کے خلاف 2.
کرٹس کیمفر نے اپنے کوٹے کے دوسرے اور تیسرے اوور میں مسلسل 5 گیندوں پر 5 وکٹیں حاصل کرکے ریکارڈ بنایا، جس کے باعث ویریئرز کی ٹیم نے جہاں ایک موقع پر 5 وکٹوں کے نقصان پر 87 رنز بنایا تھا لیکن 189 کے ہدف کے تعاقب میں 88 پر پوری ٹیم آؤٹ ہوگئی۔
منسٹر ریڈز کے کپتان نے 12 ویں اوور کی آخری دو گیندوں پر مسلسل وکٹیں حاصل کرکے ہیٹ ٹرک کی پوزیشن پر آگئے، جس کے بعد اپنے تیسرے اوور کی پہلی گیند پر اپنی ہیٹ ٹرک مکمل کی اور وکٹیں لینے کا سلسلہ جاری رکھتے ہوئے اگلی دو گیندوں پر بھی نئے آنے والے بیٹرز کی اننگز کا خاتمہ کردیا۔
کرٹس کیمفر کو اس کارکردگی پر میچ کا بہترین کھلاڑی قرار دیا گیا، اپنی کارکردگی کے حوالے سے انہوں نے کہا کہ اوور تبدیل ہونے کی وجہ سے میں تذبذب کا شکار تھا کیا ہو رہا ہے لیکن میں نے تحمل سے معمول کے مطابق بولنگ کی اور خوش قسمتی سے یہ کام آگیا۔
ریکارڈ کے حوالے سے ان سے سوال کیا گیا کہ کیا ایک اور بیٹر ہوتا 6 گیندوں پر 6 آؤٹ کرنے کا ریکارڈ بنا لیتے تو انہوں نے کہا کہ نہیں میں میرا نہیں خیال کہ ایسا ہوتا لیکن میں اس کارکردگی پر خوش ہوں۔
رپورٹ کے مطابق کرٹس کیمفر اس سے قبل انجری کے باعث ویسٹ انڈیز کے خلاف ون ڈے اور ٹی20 سیریز میں جگہ نہیں بناپائے تھے تاہم واپسی کے بعد یہ ان کا دوسرا میچ تھا، پہلے میچ میں 35 گیندوں پر 57 رنز بنائے تھے اور بولنگ کا موقع نہیں ملا تھا۔
ذریعہ: Express News
کلیدی لفظ: کرٹس کیمفر گیندوں پر 5 وکٹیں حاصل
پڑھیں:
موٹرسائیکل فلائی اوور سے نیچے گر گئی،سوارموقع پر جاں بحق
فاران یامین : لاہور میں موٹر بائیک فلائی اوور سے نیچے گر گئی جس کے نتیجے میں موٹر سائیکل سوارموقع پر دم توڑگیا۔
ریسکیوذرائع کے مطابق واقعہ صدیق سنٹر فلائی اوور پر پیش آیا،بائیک سوار موقع پر ہی دم توڑ گیا ۔
ریسکیوکے مطابق مذکورہ لاش کی شناخت اکبر ولد حبیب عمر 46 سال معلوم ہوئی ہے۔
اسٹیٹ بینک کا مسلسل چوتھی بار شرح سود 11 فیصد پر برقرار رکھنے کا فیصلہ