اوپن اے آئی نے جی پی ٹی 5 پیش کردیا، سب سے جدید اے آئی ماڈل مفت دستیاب
اشاعت کی تاریخ: 8th, August 2025 GMT
اوپن اے آئی نے اپنے مصنوعی ذہانت کے نئے اور سب سے جدید ورژن چیٹ جی پی ٹی 5 کے اجرا کا اعلان کیا ہے، جو تمام صارفین کے لیے مفت دستیاب ہوگا۔
کمپنی کے مطابق، اس پروگرام کو 5,000 گھنٹے کے سخت جانچ عمل سے گزارا گیا ہے، یہ پچھلے ماڈل جی پی ٹی 4 کے مقابلے میں زیادہ ذہین، تیز اور کارآمد ہے، خاص طور پر تحریر نویسی، کوڈنگ اور صحت کے شعبے میں مؤثر نتائج فراہم کرے گا۔
اوپن اے آئی کے سی ای او سیم آلٹمین نے گزشتہ روز صحافیوں کو بتایا کہ انہوں نے جی پی ٹی 4 پر واپس جانے کی کوشش کی اور یہ تجربہ کافی مایوس کن تھا۔
یہ بھی پڑھیں: چیٹ جی پی ٹی کی مقبولیت میں تاریخی اضافہ، کاروباری صارفین 5 کروڑ تک پہنچ گئے
کمپنی کا کہنا ہے کہ اس ہفتے چیٹ جی پی ٹی کے ہفتہ وار صارفین کی تعداد 70 کروڑ تک پہنچنے کی توقع ہے، اس کے علاوہ، سرمایہ کاروں سے بات چیت جاری ہے، اور میڈیا رپورٹس کے مطابق کمپنی کی ممکنہ قدر 500 ارب ڈالر تک جا سکتی ہے۔
جہاں جی پی ٹی 4 بعض ’ممکنہ طور پر خطرناک‘ سوالات کے جواب دینے سے انکار کر دیتا تھا، وہیں جی پی ٹی 5 کو اس طرح ڈیزائن کیا گیا ہے کہ یہ مخصوص حفاظتی اصولوں کے اندر رہتے ہوئے اعلیٰ معیار کے جوابات فراہم کرے اور کسی کو نقصان پہنچانے کے لیے استعمال نہ ہو سکے۔
مزید پڑھیں: خاتون نے چیٹ جی پی ٹی کی مدد سے 11 ہزار ڈالرز سے زائد کا قرض کیسے اتارا؟
اوپن اے آئی کی ٹرینر مشیل پوکراس کے مطابق جی پی ٹی 5 اس بات کو پہچاننے کی صلاحیت رکھتا ہے کہ کب کوئی کام مکمل نہیں ہو سکتا۔ ’یہ قیاس آرائی سے گریز کرتا ہے، اور اپنی حدود کو زیادہ وضاحت سے بیان کرتا ہے، اس طرح، پچھلے ماڈلز کے مقابلے میں غیر مصدقہ دعوے کم ہو گئے ہیں۔‘
جی پی ٹی 5 پہلی بار صارفین کو ’ریزننگ فیچر‘ فراہم کرتا ہے، جو سافٹ ویئر کو جواب دینے سے پہلے اندرونی طور پر سوچنے یا ’چین آف تھاٹس‘ پر عمل کرنے کی اجازت دیتا ہے، مفت صارفین کے لیے استعمال کی ایک حد مقرر کی گئی ہے، جس کے خاتمے پر انہیں جی پی ٹی 5 منی دستیاب ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن اے آئی جی پی ٹی 5 جی پی ٹی 5 منی چیٹ جی پی ٹی رنزننگ فیچر ریزننگ فیچر سافٹ ویئر سام آلٹمین.
ذریعہ
ذریعہ: WE News
کلیدی لفظ: اوپن اے آئی جی پی ٹی 5 جی پی ٹی 5 منی چیٹ جی پی ٹی رنزننگ فیچر ریزننگ فیچر سافٹ ویئر سام ا لٹمین چیٹ جی پی ٹی اوپن اے آئی جی پی ٹی 5 کے لیے
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا