وزیراعلیٰ سندھ کی خصوصی بچوں کے ساتھ ’معرکہ حق‘ تقریبات میں شرکت، اتحاد و شمولیت کا پیغام
اشاعت کی تاریخ: 8th, August 2025 GMT
وزیراعلیٰ سندھ سید مراد علی شاہ نے 78ویں یومِ آزادی کے موقع پر خصوصی بچوں کے ساتھ 2 اہم تقریبات میں شرکت کی، جو “معرکہ حق” کے عنوان سے قائداعظم ہاؤس میوزیم اور مزارِ قائد پر منعقد ہوئیں۔ ان تقریبات کا مقصد شمولیت، قومی وحدت اور آزادی کی قدر کو اجاگر کرنا تھا۔
تقریب کا آغاز قائداعظم میوزیم میں ہوا جہاں مختلف اداروں سے تعلق رکھنے والے خصوصی بچوں نے ملی نغمے پیش کیے، پرچم کشائی کی اور چاروں صوبوں کی ثقافت کو اجاگر کرنے والے رنگا رنگ پروگراموں میں حصہ لیا۔ وزیراعلیٰ نے بچوں کے ساتھ اسٹیج پر نغمے گائے، کیک کاٹا اور انہیں بھرپور داد دی۔
وزیراعلیٰ نے کہا کہ “یہ خصوصی بچے ہماری تقریبات کی جان ہیں، ان کی خوشی، امید اور توانائی پورے معاشرے کو روشنی فراہم کرتی ہے۔” انہوں نے حکومت کے عزم کا اعادہ کیا کہ خصوصی تعلیم اور بحالی کے مراکز کو ہر ضلع میں وسعت دی جائے گی، اور ان بچوں کے لیے فنی تربیتی پروگرام مزید بہتر بنائے جائیں گے۔
مزید پڑھیں: پیپلز پارٹی ہمیشہ حکومت اور مسلح افواج کے شانہ بشانہ کھڑی رہی ہے، مراد علی شاہ
بعد ازاں، وزیراعلیٰ سندھ اپنی کابینہ کے اراکین اور خصوصی بچوں کے ساتھ مزارِ قائد پر پہنچے جہاں انہوں نے پھولوں کی چادر چڑھائی، ملی نغمے سنے اور ملک کی سلامتی کے لیے دعا کی۔ ایک جذباتی لمحے میں، وزیراعلیٰ نے ایک بچی کو اپنے ساتھ اسٹیج پر کھڑا کر کے یکجہتی کا پیغام دیا۔
انہوں نے تقریب سے خطاب کرتے ہوئے کہا کہ ہم نے مئی میں بھارتی جارحیت کا بھرپور جواب دیا اور پاکستان نے شاندار کامیابی حاصل کی۔ قوم کو افواج پاکستان پر فخر ہے۔
وزیراعلیٰ نے اعلان کیا کہ 13 اگست کی رات نیشنل اسٹیڈیم کراچی میں یومِ آزادی کی خصوصی تقریب ہوگی جس میں خصوصی افراد کے لیے سہولتیں اور خوشگوار ماحول فراہم کیا جائے گا۔
صوبائی وزیر ثقافت سید ذوالفقار علی شاہ نے بچوں کی کارکردگی کی تعریف کرتے ہوئے کہا کہ یہ بچے ملک سے محبت کا سچا عکس ہیں، ان کی شرکت ہماری تقریبات کو بامعنی بناتی ہے۔ تقریبات کا اختتام ملی نغموں، تالیوں اور جوش و خروش کے نعروں کے ساتھ ہوا، جو ایک زیادہ شمولیتی، ہم آہنگ اور متحد پاکستان کے عزم کی عکاسی کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سید مراد علی شاہ قائداعظم ہاؤس میوزیم مزار قائد معرکہ حق وزیراعلیٰ سندھ.
ذریعہ
ذریعہ: WE News
کلیدی لفظ: سید مراد علی شاہ قائداعظم ہاؤس میوزیم معرکہ حق وزیراعلی سندھ بچوں کے ساتھ خصوصی بچوں علی شاہ کے لیے
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم