قوم یوم آزادی جوش و خروش سے منائے، چوہدری شجاعت حسین کی اپیل
اشاعت کی تاریخ: 8th, August 2025 GMT
پاکستان مسلم لیگ کے صدر چوہدری شجاعت حسین نے قوم سے اپیل کی ہے کہ یوم آزادی بھرپور قومی جذبے اور جوش و خروش سے منایا جائے۔ ان کا کہنا تھا کہ ہر شہری کو چاہیے کہ وہ پرچم کشائی، چراغاں اور دیگر قومی تقریبات میں بڑھ چڑھ کر حصہ لے کر یہ ثابت کرے کہ ہم ایک زندہ، باوقار اور متحد قوم ہیں۔
انہوں نے کہا کہ “معرکہ حق بنیان المرصوص میں پاکستان کی تاریخی فتح نے عالمی سطح پر ملک کا بہترین تشخص اجاگر کیا ہے۔ یہ فتح ہمارے قومی عزم، بہادری اور قربانیوں کی روشن علامت ہے۔” ان کا مزید کہنا تھا کہ مسلح افواج نے تحفظ آزادی کی تاریخ میں ایک سنہری باب کا اضافہ کیا ہے۔
مزید پڑھیں: معرکہ حق میں بھارت کو شکست کے بعد 14 اگست کی اہمیت میں اضافہ ہوگیا، عظمیٰ بخاری
چوہدری شجاعت حسین کی ہدایت پر پاکستان مسلم لیگ نے یوم آزادی کی تقریبات کے انعقاد کے لیے رکن قومی اسمبلی مسز فرخ خان کی سربراہی میں ایک مرکزی کمیٹی قائم کر دی ہے، جس کا اعلان مرکزی ترجمان مصطفیٰ ملک نے کیا۔
ترجمان کے مطابق، کمیٹی چاروں صوبوں میں جشن آزادی کی مناسبت سے تقریبات منعقد کرے گی۔ 13 اگست کو اسلام آباد میں چراغاں اور آتش بازی کا مظاہرہ کیا جائے گا، جبکہ ملک بھر کی سیاسی اور سماجی تنظیموں کو ان تقریبات میں شرکت کی دعوت دی جائے گی۔
14 اگست کو مزار قائد کراچی پر مسلم لیگ سندھ کی جانب سے خصوصی تقریب کا انعقاد کیا جائے گا۔ اس کے علاوہ لاہور، پشاور، کوئٹہ، گلگت اور دیگر بڑے شہروں میں بھی جشن آزادی کی مناسبت سے تقریبات منعقد کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان مسلم لیگ چوہدری شجاعت حسین معرکہ حق بنیان المرصوص یومِ آزادی.ذریعہ: WE News
کلیدی لفظ: پاکستان مسلم لیگ چوہدری شجاعت حسین معرکہ حق بنیان المرصوص یوم آزادی چوہدری شجاعت حسین مسلم لیگ آزادی کی
پڑھیں:
بابا گرو نانک کے 556ویں جنم دن کی تقریبات، بھارتی سکھ یاتری پاکستان روانہ
فائل فوٹوسکھوں کے روحانی پیشوا بابا گرو نانک کے 556ویں جنم دن کی تقریبات کے موقع پر بھارتی پنجاب سے بڑی تعداد میں سکھ یاتری پاکستان روانہ ہوگئے۔
سکھ یاتری خصوصی ٹرینوں کے ذریعے پاکستان پہنچیں گے، جہاں وہ ننکانہ صاحب، حسن ابدال اور کرتارپور سمیت دیگر مقدس مقامات پر مذہبی رسومات ادا کریں گے۔
یہ بابا گرو نانک کے جنم دن کی مناسبت سے منائی جانے والی سالانہ مذہبی تقریبات ہیں، جس میں دنیا بھر سے سکھ برادری کے افراد شرکت کرتے ہیں۔
خبرایجنسی کے مطابق مئی میں پاک بھارت جھڑپوں کے بعد سکھ یاتریوں کی پاکستان آمد کا یہ پہلا موقع ہے۔
پاکستان میں سکھ برادری اور متروکہ وقف املاک بورڈ کی جانب سے یاتریوں کے لیے سخت سیکیورٹی اور خصوصی انتظامات کیے گئے ہیں، جس میں رہائش، خوراک اور سفری سہولیات شامل ہیں۔
بابا گرو نانک دیو جی کی سالگرہ کی تقریبات 17 نومبر تک جاری رہیں گی۔
پنجاب میں 8ویں جماعت کے بورڈ امتحانات کا سلسلہ دوبارہ شروع، حکومتی فیصلہ