لیڈی ڈیانا لُک اپنانے پر عائزہ خان تنقید کی زد میں کیوں؟
اشاعت کی تاریخ: 16th, August 2025 GMT
معروف اداکارہ عائزہ خان، جن کے سوشل میڈیا پر 14.6 ملین فالوورز ہیں، حال ہی میں لیڈی ڈیانا کے مشہور انداز کو اپنانے پر تنقید کی زد میں آ گئی ہیں۔
عائزہ خان کی حالیہ ڈرامہ سیریز “ہمراذ” میں اداکاری اور اسٹائل کو مداح کافی پسند کر رہے ہیں، جبکہ وہ برطانیہ سے اداکاری میں ڈپلومہ بھی کر رہی ہیں۔
مزید پڑھیں: عائزہ خان اور دانش تیمور شوبز انڈسٹری چھوڑ کر کون سے ملک جانے کا سوچ رہے ہیں؟
اس یوم آزادی پر عائزہ خان نے 1991 میں شوکت خانم کینسر اسپتال کے لیے لاہور آمد کے دوران لیڈی ڈیانا کے مشہور سبز رنگ کے لمبے لباس اور سفید دوپٹے کا انداز اپنایا۔ عائزہ نے ہلکے سبز کے بجائے گہرے سبز رنگ کی شرٹ، شلوار اور سفید دوپٹے کے ساتھ یہ لک دوبارہ تخلیق کی۔
سوشل میڈیا صارفین نے عائزہ خان پر اس انداز کی نقل کرنے پر سخت تنقید کی۔ بعض نے کہا کہ وہ لیڈی ڈیانا کی وقار اور شخصیت کی نقل نہیں کر سکتیں۔
مزید پڑھیں: عائزہ خان اور دانش تیمور کی بیٹی کا پہلا روزہ، تصاویر وائرل
کچھ صارفین نے کہا کہ یہ انداز برطانوی راج کی یاد دلاتا ہے، جس سے پاکستان نے آزادی حاصل کی تھی، اور انہیں چاہیے تھا کہ وہ محترمہ فاطمہ جناح جیسے قومی رہنما کی طرز اپناتیں۔
ایک مداح نے لکھا کہ اداکار ہمیشہ غلام رہیں گے، یہ ان سے نقل کر رہی ہیں جن سے ہمیں آزادی ملی، جبکہ ایک اور نے کہا کہ لیڈی ڈیانا حقیقی خوبصورت تھیں اور عائزہ مصنوعی خوبصورتی دکھا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لیڈی ڈیانا معروف اداکارہ عائزہ خان،.
ذریعہ
ذریعہ: WE News
کلیدی لفظ: لیڈی ڈیانا معروف اداکارہ عائزہ خان لیڈی ڈیانا
پڑھیں:
میئر ظہران ممدانی نے نیویارک میں بچوں کا بیڈ ٹائم کیوں معطل کردیا؟
نیویارک شہر کے کم عمر باسکٹ بال شائقین کے لیے ’بیڈ ٹائم‘ سے متعلق ایک دلچسپ خبر سامنے آئی ہے۔
نیویارک کے میئر ظہران ممدانی نے ایک خصوصی انتظامی حکم نامے پر دستخط کرتے ہوئے اعلان کیا ہے کہ این بی اے فائنلز کے دوران بچوں کے سونے کے معمول کے اوقات عارضی طور پر منسوخ تصور کیے جائیں گے تاکہ وہ اپنی پسندیدہ ٹیم نیویارک نکس کے تمام میچز بلا رکاوٹ دیکھ سکیں۔
یہ بھی پڑھیں: نماز عیدالاضحیٰ: نیویارک کے میئر ظہران ممدانی کی منفرد انداز میں شرکت
یکم جون کو جاری کیے گئے اس علامتی حکم نامے میں کہا گیا کہ سونے کے اوقات ’نیویارک کے سب سے پیارے بچوں‘ کو نکس کی حوصلہ افزائی کرنے اور میچ کا ایک ایک لمحہ دیکھنے سے نہیں روک سکتے۔
اس موقع پر میئر ممدانی کے ساتھ نکس کے رنگوں میں ملبوس بچوں کا ایک گروپ بھی موجود تھا، جنہوں نے اپنے ہاتھوں کے نشانات لگا کر علامتی طور پر اس حکم نامے پر دستخط کیے۔
Today, I signed an Executive Order temporarily repealing bedtimes in the City of New York so that kids of all ages can watch our team in the NBA Finals.
As Mayor, you’re forced to make many difficult decisions. This was not one of them.
Go Knicks. pic.twitter.com/DqjNtVh17h
— Mayor Zohran Kwame Mamdani (@NYCMayor) June 1, 2026
میئر ممدانی نے سوشل میڈیا پلیٹ فارم ایکس پر اپنے پیغام میں کہا کہ میئر کی حیثیت سے آپ کو کئی مشکل فیصلے کرنے پڑتے ہیں، لیکن یہ ان میں سے ایک نہیں تھا۔
انہوں نے اپنی پوسٹ کے اختتام پر ’گو نکس‘ کا نعرہ بھی لگایا۔
این بی اے فائنلز میں نیویارک نکس اور سان انتونیو اسپرس کے درمیان تمام میچز رات ساڑھے 8 بجے (مشرقی امریکی وقت) شروع ہوں گے۔
سیریز کے پہلے، تیسرے اور چوتھے میچ تعلیمی دنوں سے قبل رات کو کھیلے جائیں گے، جبکہ اگر ضرورت پڑی تو چھٹا میچ بھی اسکول کی رات میں ہوگا۔
ایسے میں بچوں کے لیے دیر تک جاگ کر میچ دیکھنا ایک اہم مسئلہ بن سکتا تھا۔
مزید پڑھیں: ظہران ممدانی کی نیو یارک میں اسٹیٹ ٹیکس میں بڑی کمی کی تجویز
نیویارک نکس کی این بی اے فائنلز میں رسائی شہر بھر میں غیرمعمولی جوش و خروش کا باعث بنی ہوئی ہے۔
یہ 1999 کے بعد پہلی مرتبہ ہے کہ نکس فائنلز میں پہنچی ہے، آخری بار فائنلز میں انہیں ٹم ڈنکن اور ڈیوڈ رابنسن کی قیادت میں سان انتونیو اسپرس نے شکست دی تھی۔
نکس کی 27 سالہ طویل انتظار کے بعد فائنلز میں واپسی نے باسکٹ بال کے دیوانے نیویارک شہر کو یکجا کر دیا ہے۔
اسپورٹس تجزیہ کاروں کے مطابق نیویارک میں نکس کا فائنلز میں پہنچنا سپر باؤل سے بھی بڑا واقعہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باسکٹ بال سان انتونیو اسپرس ظہران ممدانی میئر نیویارک نیویارک نکس
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ