غزہ: اسرائیل سے امدادی قافلوں کے محافظوں پر حملے روکنے کا مطالبہ
اشاعت کی تاریخ: 16th, August 2025 GMT
اسلام آباد (اُردو پوائنٹ ۔ UN اردو۔ 16 اگست 2025ء) اقوام متحدہ کے دفتر برائے انسانی حقوق (او ایچ سی ایچ آر) نے اسرائیلی فوج سے کہا ہےکہ وہ غزہ میں امدادی قافلوں کو تحفظ مہیا کرنے والے فلسطینیوں پر حملے بند کرے اور بین الاقوامی قانون کی پاسداری کرتے ہوئے انسانی امداد کی فراہمی میں سہولت دے۔
ادارے کا کہنا ہے کہ غزہ میں قحط جیسی صورتحال کا ایک بڑا سبب یہی حملے ہیں۔
رواں ماہ کے آغاز سے اب تک شمالی اور وسطی غزہ میں امدادی قافلوں کی حفاظت کرنے والے فلسطینیوں پر 11 حملے ہو چکے ہیں۔ ان میں کم از کم 46 افراد کی ہلاکت ہوئی جن میں اکثریت سکیورٹی اہلکاروں کی تھی جبکہ امداد کے حصول کی کوشش کرنے والے بعض لوگ بھی ان میں شامل ہیں۔ ایسا تازہ ترین حملہ 13 اگست کو ہوا تھا۔(جاری ہے)
Tweet URLدفتر نے خبردار کیا ہے کہ یہ حملے مسلسل جاری ہیں جس سے ظاہر ہوتا ہے کہ اسرائیلی فوج امداد کی حفاظت کرنے والوں کو جان بوجھ کر نشانہ بنا رہی ہے۔
اس سے قبل غزہ میں نفاذ قانون کے ذمہ دار اہلکاروں کو بھی حملوں کا نشانہ بنایا جاتا رہا ہے۔ابتری اور بھوک میں اضافہ'او ایچ سی ایچ آر' نے بتایا ہے کہ جنگ کے آغاز سے اب تک درجنوں واقعات میں اسرائیلی فوج نے پولیس اہلکاروں کو غیرقانونی طور پر ہلاک کیا جبکہ وہ کسی طرح کی عسکری سرگرمیوں میں ملوث نہیں تھے۔ نتیجتاً علاقے میں امدادی قافلوں کو حاصل تحفظ کا خاتمہ ہونے سے خوراک سمیت دیگر امداد کی لوٹ مار کے واقعات عام ہو گئے ہیں۔
دفتر کا کہنا ہے کہ حالیہ حملوں سے ابتری اور بھوک مزید بڑھ گئی ہے۔ بین الاقوامی قانون کے تحت شہری انتظام قائم رکھنے میں مددگار پولیس اور سکیورٹی اہلکاروں کو عسکری کارروائیوں سے اس وقت تک تحفظ حاصل ہے جب تک کہ وہ براہ راست جنگ میں شرکت نہیں کرتے۔ امدادی قافلوں کی حفاظت کرنا کسی طور عسکری سرگرمی کی ذیل میں نہیں آتا۔
بین الاقوامی قانون کے تحت، قابض طاقت کی حیثیت سے اسرائیل کی زمہ داری ہے کہ وہ مقبوضہ فلسطینی علاقے میں شہری آبادی کا تحفظ اور سلامتی یقینی بنائے۔
شہری پولیس اور سکیورٹی اہلکاروں کے خلاف کسی بھی طرح کے حملے اس ذمہ داری کی خلاف ورزی ہیں۔خوراک کی تلاش میں 1,760 ہلاکتیں'او ایچ سی ایچ آر' نے بتایا ہے کہ غزہ میں امداد حاصل کرنے کی کوشش کرنے والے شہریوں کی ہلاکت کا سلسلہ بھی جاری ہے۔ 27 مئی سے 13 اگست تک ایسی 1,760 ہلاکتیں ہوئی تھیں جن میں 994 افراد غزہ امدادی فاؤنڈیشن کے مراکز پر اور 766 امدادی قافلوں کے راستوں میں ہلاک ہوئے۔
ایسے بیشتر جرائم کا ارتکاب اسرائیل کی فوج نے کیا۔دفتر نے بتایا ہے کہ اگرچہ ان علاقوں میں دیگر مسلح گروہ بھی موجود ہیں لیکن ایسے جرائم میں ان کے کردار سے متعلق کوئی اطلاع سامنے نہیں آئی۔ ان واقعات کی فوری اور غیرجانبدارانہ تحقیقات ہونی چاہئیں اور ذمہ داروں کا محاسبہ یقینی بنایا جائے۔
تفتیش کی پریشان کن ویڈیواقوام متحدہ کے ترجمان سٹیفن ڈوجیرک نے نیویارک میں صحافیوں سے بات کرتے ہوئے اسرائیل میں قید فلسطینی سیاسی رہنما مروان برغوتی سے اسرائیلی حکام کی تفتیش سے متعلق ویڈیو پر تشویش کا اظہار کیا ہے۔
ان کا کہنا ہے کہ قیدیوں سے بین الاقوامی قانون کے مطابق سلوک کیا جانا چاہیے اور ان کا انسانی وقار برقرار رکھنا ضروری ہے۔انہوں نے کہا کہ یہ ویڈیو پریشان ہے اور اقوام متحدہ اس سے آگاہ ہے۔ کسی بھی دوسرے قیدی کی طرح مروان برغوتی کے حقوق کا بھی مکمل احترام ہونا چاہیے اور ان کا تحفظ یقینی بنایا جانا چاہیے۔
تکلیف دہ جسمانی معذوریجسمانی معذور افراد کے حقوق پر اقوام متحدہ کی کمیٹی کا مقبوضہ فلسطینی علاقوں میں جنگ کے باعث معذور ہونے والے افراد کی صورتحال پر اجلاس آج ختم ہو گیا ہے۔
اجلاس میں جسمانی معذور افراد کے حقوق پر کنونشن کی شق 11 کے تناظر میں بات چیت ہوئی جو ان لوگوں کو لاحق خطرات اور ہنگامی انسانی حالات سے متعلق ہے۔کمیٹی میں شامل ماہر اور بات چیت سے متعلق ٹاسک فورس کے رابطہ کار محمد صلاح العزہ نے کہا کہ غزہ میں جنگ سےمعذور ہونے والے افراد کی صورتحال سے متعلق پیش کی گئی شہادتیں انتہائی تکلیف دہ ہیں۔ کمیٹی نے تمام فریقین کو سننے کے لیے غیرمعمولی کوششیں کی ہیں۔ قابض طاقت کی حیثیت سے اسرائیل کو بھی مدعو کیا گیا تھا لیکن اس نے اپنی آمد کے حوالے سے کچھ نہیں بتایا۔
.ذریعہ: UrduPoint
کلیدی لفظ: تلاش کیجئے بین الاقوامی قانون امدادی قافلوں کرنے والے قانون کے
پڑھیں:
ڈونلڈ ٹرمپ کا ایک بار پھر پاک-بھارت جنگ روکنے میں اہم کردار ادا کرنے کا دعویٰ
data-id="863a0a8" data-element_type="widget" data-widget_type="theme-post-content.default">
امریکی صدر ڈونلڈ ٹرمپ نے ایک بار پھر پاک بھارت جنگ رکوانے کا کریڈٹ لے لیا۔
غیر ملکی میڈیا رپورٹس کے مطابق امریکی صدر ڈونلڈ ٹرمپ نے ایک بار پھر عالمی تنازعات ختم کرنے میں اپنے کردار کا دعویٰ کرتے ہوئے کہا ہے کہ انہوں نے دنیا بھر میں متعدد بڑی جنگوں کو روکنے میں مرکزی کردار ادا کیا۔
بین الاقوامی میڈیا کے مطابق سعودی ولی عہد محمد بن سلمان سے ملاقات کے دوران میڈیا سے گفتگو میں صدر ٹرمپ نے کہا کہ انہیں فخر ہے کہ انہوں نے آٹھ جنگیں روک کر دنیا کو بڑے بحرانوں سے بچایا۔
انہوں نے پاکستان اور بھارت کے درمیان جاری کشیدگی کا بھی ذکر کیا اور دعویٰ کیا کہ اس تنازعے کو وہ ایک ممکنہ بڑی جنگ میں بدلنے سے روکنے میں کامیاب ہوئے، اور اب دونوں ممالک مثبت اقدامات کی جانب بڑھ رہے ہیں۔
روسی صدر ولادیمیر پیوٹن اور یوکرین تنازع کے حوالے سے بات کرتے ہوئے صدر ٹرمپ نے کہا کہ روس یوکرین کے ساتھ جنگ ختم کرنے میں اضافی وقت لے رہا ہے، تاہم امید ہے کہ اس محاذ پر بھی جلد پیش رفت ممکن ہوگی۔
یاد رہے کہ امریکی صدر کی دعوت پر سعودی ولی عہد محمد بن سلمان سرکاری دورے پر واشنگٹن پہنچے، جہاں صدر ٹرمپ نے اُن کا پُرتپاک استقبال کیا۔ وائٹ ہاؤس میں ملاقات کے دوران امریکی فضائیہ کے لڑاکا طیاروں نے سعودی ولی عہد کو سلامی دی اور صدر ٹرمپ نے انہیں کابینہ کے اراکین سے بھی متعارف کرایا۔
معروف گلوکار ایکون کو پولیس نے حراست میں لے لیا، 6 گھنٹے بعد رہائی