400 روپے کا ڈیلی الاؤنس مزدور کی دیہاڑی سے بھی کم ہے،قومی ہاکی ٹیم کے کھلاڑیوں کا شکوہ
اشاعت کی تاریخ: 4th, September 2025 GMT
پاکستان ہاکی ٹیم کے کھلاڑیوں نے اپنے ساتھ روا رکھے جانے والے رویے پر شدید احتجاج کرتے ہوئے کہا ہے کہ ہمیں جو ڈیلی الاؤنس دینے کی بات کی جارہی ہے، وہ مزدور کی دیہاڑی سے بھی کم ہے۔
کھلاڑیوں کے مطابق **400 روپے کا ڈیلی الاؤنس** دینا زخموں پر نمک چھڑکنے کے مترادف ہے۔ ایک کھلاڑی نے شکوہ کرتے ہوئے کہا کہ 400 روپے تو مزدور کی یومیہ اجرت بھی نہیں ہے، اور ہمیں قومی کھیل کے نمائندہ ہونے کے باوجود اس پر گزارا کرنے کا کہا جا رہا ہے۔
کھلاڑیوں نے مزید کہا کہ پہلے ہی ڈیلی الاؤنس وقت پر نہیں ملتا، اور اب جب اسے انتہائی کم کر دیا گیا ہے تو یہ ہماری عزت نفس کے خلاف ہے۔ “ہمارے گھروں کے چولہے ٹھنڈے پڑ رہے ہیں، اگر حالات یہی رہے تو ہاکی چھوڑنے پر مجبور ہو جائیں گے۔”
ایک اور کھلاڑی نے کہا کہ اس ملک نے ہمیں بہت کچھ دیا ہے، ہماری پہچان اور عزت پاکستان کی وجہ سے ہے، لیکن موجودہ حالات میں یہ رویہ انتہائی دل شکن ہے۔
دوسری جانب پاکستان ہاکی فیڈریشن کے سیکرٹری رانا مجاہد نے مؤقف اپنایا ہے کہ فیڈریشن کھلاڑیوں کو100 ڈالر ڈیلی الاؤنس دیتی ہے۔ “اگر کھلاڑی 100 ڈالر سے مطمئن نہیں تو 400 روپے پر کیسے کھیلیں گے؟۔
یہ تضاد اس بات کی نشاندہی کرتا ہے کہ یا تو کھلاڑیوں اور فیڈریشن کے درمیان رابطے میں مسئلہ ہے یا پھر مالی معاملات میں شفافیت کی کمی ہے، جس نے ایک بار پھر پاکستان کے قومی کھیل کو متنازعہ صورت حال میں لا کھڑا کیا ہے۔
Post Views: 6.
ذریعہ
ذریعہ: Daily Mumtaz
کلیدی لفظ: ڈیلی الاؤنس
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا