Jasarat News:
2025-11-07@07:27:13 GMT

پاکستان اور سعودی عرب کے اقتصادی تعلقات کے استحکام کا خیر مقدم کرتے ہیں،زبیر طفیل

اشاعت کی تاریخ: 23rd, September 2025 GMT

data-id="863a0a8" data-element_type="widget" data-widget_type="theme-post-content.default">

کراچی( کامرس رپورٹر)یونائیٹڈ بزنس گروپ (یو بی جی) کے صدر اور فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے سابق صدر زبیر طفیل نے وزیراعظم پاکستان کے مملکت سعودی عرب کے کامیاب دورے اور باہمی دفاعی معاہدے کا پُرجوش خیرمقدم کیا ہے۔زبیرطفیل نے کہا کہ یہ دورہ دونوں برادر ممالک کے دیرینہ تعلقات کو مزید مستحکم کرنے میں مددگار ثابت ہوا ہے، اس دورے کے دوران طے پانے والے معاہدے اور یادداشتیں نہ صرف باہمی اعتماد کو فروغ دیں گی بلکہ دو طرفہ تجارت، اقتصادی تعاون، سرمایہ کاری اور مشترکہ منصوبہ جات کو وسعت دینے کی ایک مضبوط بنیاد فراہم کریں گی جبکہ معاہدے کی روشنی میںسعودی عرب پر حملہ پاکستان خود پر حملہ تصور کرے گا۔ تجارتی اور سرمایہ کاری کے اعداد و شمار کا حوالہ دیتے ہوئے زبیر طفیل نے بتایا کہ سعودی عرب کی پاکستان میں خالص براہ راست غیر ملکی سرمایہ کاری (ایف ڈی آئی) 74.

5 ملین امریکی ڈالر ہے، جبکہ پاکستان کی سعودی عرب سے درآمدات 4.5 ارب امریکی ڈالر اور برآمدات 710 ملین امریکی ڈالر تک ہیں۔ انہوں نے دونوں ممالک کی کاروباری برادریوں کے درمیان فیڈریشنز کے ذریعے روابط کو مزید مضبوط کرنے کی ضرورت پر زور دیا اور تجویز دی کہ دونوں ممالک ایک دوسرے کی مارکیٹوں میں سنل کنٹری نمائشیں منعقد کریں۔زبیر طفیل نے مزید کہا کہ اس دورے کے دوران ہونے والے نئے عزم کے ساتھ، آئندہ برسوں میں دو طرفہ تجارت اور سرمایہ کاری میں نمایاں اضافہ ممکن ہے۔ اقتصادی اور تجارتی تعلقات کا استحکام نہ صرف دونوں ممالک کے لیے فائدہ مند ہوگا بلکہ خطے میں استحکام اور خوشحالی میں بھی اہم کردار ادا کرے گا۔انہوں نے کہا کہ پاکستان کی عسکری اور سیاسی قیادت یکجا اور ملک کی ترقی وخوشحالی کیلئے سرگرم ہے جبکہ بزنس کمیونٹی اس مقصد کیلئے بھرپور ساتھ دے رہی ہے۔ زبیرطفیل نے اس بات کا اعادہ کیا کہ یو بی جی اور ایف پی سی سی آئی نجی شعبے کے باہمی روابط کے فروغ اور پاکستان اور سعودی عرب کے درمیان کاروباری تعاون کو مزید گہرا کرنے کے لیے حکومت کے اقدامات کی مکمل حمایت اور معاونت کریں گے۔

کامرس رپورٹر

ذریعہ: Jasarat News

کلیدی لفظ: سرمایہ کاری زبیر طفیل طفیل نے

پڑھیں:

پاکستان برونائی سے دفاعی، عسکری تعلقات مضبوط بنانے کا خواہاں ہے: جنرل ساحر شمشاد

راولپنڈی (نوائے وقت رپورٹ) چیئرمین جوائنٹ چیفس آف سٹاف کمیٹی جنرل ساحر شمشاد نے برونائی کا دورہ کیا، جہاں دونوں ممالک کے مابین دفاعی تعاون بڑھانے پر اتفاق کیا گیا۔پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا نے برونائی دارالسلام کا دورہ کیا، جہاں انہوں نے سلطانِ برونائی سے ملاقات کی، ملاقات میں برونائی دارالسلام کے سلطان نے پاکستان کی مسلح افواج کے پیشہ ورانہ معیار کو سراہا۔اس موقع پر دونوں ممالک کے درمیان باہمی دلچسپی کے امور، علاقائی سلامتی اور دفاعی تعاون کے فروغ پر تبادلہ خیال کیا گیا۔جنرل ساحر شمشاد مرزا نے پاکستان اور برونائی دارالسلام کے درمیان دوستانہ تعلقات کو مزید مضبوط بنانے کے عزم کا اظہار کیا، علاوہ ازیں انہوں نے وزیرِ دفاع اور کمانڈر رائل برونائی آرمڈ فورسز سے بھی علیحدہ علیحدہ ملاقاتیں کیں۔انہوں نے موارا نیول بیس پر موجود دارالامان کا دورہ کیا اور ڈیفنس اکیڈمی رائل برونائی آرمڈ فورسز میں شرکا سے خطاب کیا، جنرل ساحر شمشاد مرزا نے پاکستان کے علاقائی امن و استحکام میں کردار کے موضوع پر خطاب کرتے ہوئے پاکستان کی قربانیوں اور کامیابیوں پر روشنی ڈالی۔انہوں نے اکیڈمی کے کمانڈ اینڈ سٹاف کورس کے طلبہ سے بھی بات چیت کی، جن میں 19 مختلف ممالک کے افسران بھی شامل تھے۔اس دوران ہونے والی ملاقاتوں میں دونوں ممالک کے وفود نے عالمی و علاقائی سکیورٹی کی صورتحال پر تفصیلی تبادلہ خیال کیا، جنرل ساحر شمشاد مرزا نے اس موقع پر کہا کہ پاکستان برونائی کے ساتھ اپنے دفاعی اور عسکری تعلقات کو مزید مضبوط بنانے کا خواہاں ہے۔اس موقع پر برونائی کی سول و عسکری قیادت نے پاکستان کی مسلح افواج کے پیشہ ورانہ معیار اور دہشت گردی کے خلاف قربانیوں کو سراہا اور پاکستان کے کردار کی تعریف کی، دورے کے دوران جنرل ساحر شمشاد مرزا کی برونائی آرمڈ فورسز کے ہیڈکوارٹرز آمد پر انہیں گارڈ آف آنر پیش کیا گیا۔

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر