ایشیا کپ: 1984 سے 2023 تک فائنلز میں کونسے کھلاڑی میچ کے بہترین کھلاڑی قرار پائے؟
اشاعت کی تاریخ: 28th, September 2025 GMT
ایشیا کپ کی تاریخ میں اب تک کے تمام ٹورنامنٹس میں پلیئر آف دی ٹورنامنٹ قرار پانے والے کھلاڑیوں کی فہرست جاری کر دی گئی ہے۔
فہرست کے مطابق 1984 کے پہلے ایشیا کپ میں یہ اعزاز کسی کھلاڑی کو نہیں دیا گیا، تاہم 1986 میں سری لنکا کے ارجنا راناٹنگا نے یہ اعزاز اپنے نام کیا۔
یہ بھی پڑھیں:پاک-بھارت ایشیا کپ فائنل، کن کھلاڑیوں کے درمیان اصل مقابلہ ہوگا؟
اسی طرح 1988 اور 1995 میں بھارت کے نوجوت سنگھ سدھو نمایاں رہے، جب کہ پاکستان کے محمد یوسف نے سال 2000 میں یہ اعزاز حاصل کیا۔
2010 میں شاہد آفریدی نے شاندار کارکردگی دکھاتے ہوئے پلیئر آف دی ٹورنامنٹ کا خطاب جیتا۔
حالیہ برسوں میں بھی یہ ایوارڈ بڑے اسٹارز کے حصے میں آیا ہے۔ 2012 میں بنگلہ دیش کے شکیب الحسن، 2016 میں صابر رحمان، 2018 میں بھارت کے شکھر دھون، 2022 میں سری لنکا کے وانندو ہسارنگا اور 2023 میں بھارت کے کلدیپ یادو نے یہ اعزاز جیتا۔
یہ بھی پڑھیں:ایشیا کپ فائنل: پاک انڈیا ہائی وولٹیج میچ سے قبل دبئی پولیس نے اردو میں کیا ہدایات جاری کردیں؟
اس بار 2025 کے ایڈیشن میں پلیئر آف دی ٹورنامنٹ کا فیصلہ آج پاک بھارت فائنل کے بعد ہوگا۔
شائقین کرکٹ کی نظریں دبئی میں ہونے والے اس بڑے ٹاکرے پر جمی ہوئی ہیں، جہاں دونوں روایتی حریف میدان میں ایک دوسرے کا مقابلہ کریں گے۔
کرکٹ ماہرین کے مطابق دونوں ٹیموں کے متعدد کھلاڑی اس اعزاز کے مضبوط امیدوار ہیں۔ پاکستان کی جانب سے نوجوان بیٹسمین اور فاسٹ بولرز جبکہ بھارت کی طرف سے اسپنرز اور اوپنرز کی کارکردگی پر سب کی نظریں مرکوز ہیں۔
یہ دیکھنا دلچسپ ہوگا کہ ایشیا کپ 2025 کا سب سے بڑا انفرادی اعزاز کس کھلاڑی کے حصے میں آتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ ایشیا کپ 2025 پلیئر آف دی ٹورنامنٹ دبئی شاہین آفریدی کرکٹ.
ذریعہ
ذریعہ: WE News
کلیدی لفظ: ایشیا کپ ایشیا کپ 2025 پلیئر ا ف دی ٹورنامنٹ شاہین ا فریدی کرکٹ دی ٹورنامنٹ ایشیا کپ یہ اعزاز
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ