زاہد اقبال چودھری کی صدر اسلام آباد چیمبرسے ملاقات ، کامیابی پر مبارکباد
اشاعت کی تاریخ: 29th, September 2025 GMT
زاہد اقبال چودھری کی صدر اسلام آباد چیمبرسے ملاقات ، کامیابی پر مبارکباد WhatsAppFacebookTwitter 0 29 September, 2025 سب نیوز
اسلام آباد(آئی پی ایس )تاجر رہنما و سابق نائب صدر وفاق ایوان ہائے صنعت و تجارت پاکستان زاہد اقبال چوہدری نے نومنتخب صدر اسلام آبادچیمبر آف کامرس اینڈ انڈسٹری سردار طاہر محمود و دیگر عہدیداران کو کامیابی پر مبارکباد دیتے ہوئے اس امید کا اظہار کیا ہے کہ تاجر قیادت کاروباری برادری کی توقعات پر پورا اترتے ہوئے پہلے سے بھی زیادہ جذبہ سے خدمت کا سفر جاری رکھے گی۔
زاہد چودھری نے معروف کاروباری شخصیات بابر چوہدری، راجہ خالد عباسی، شاہد عمران اور چوہدری وسیم بہادر کے ہمراہ صدر اسلام آباد چیمبر سردار طاہر محمود، سینئر نائب صدر طاہر ایوب اور نائب صدر چوہدری عرفان سے ملاقات کی اور کامیابی پر پھولوں کا گلدستہ پیش کیا۔ اس موقع پر گفتگو کرتے ہوئے زاہد اقبال چودھری کا کہنا تھا کہ فاونڈر گروپ نے ہمیشہ کی طرح اس بار بھی اپنی روایت کو برقرار رکھتے ہوئے ایسے نمائندوں کا انتخاب کیا ہے جو نہ صرف کاروباری برادری کی بہترین ترجمانی کرتے ہیں بلکہ خدمت اور جہد مسلسل کے جذبے سے بھی مالا مال ہیں۔ انہوں نے فاونڈر گروپ کے چیئرمین اور کونسل ممبران کی کاروباری برادری کے مفادات کے تحفظ اور چیمبر کی ترقی کے لیے کی جانے والی کاوشوں کو شاندار الفاظ میں خراج تحسین پیش کیا۔
زاہد اقبال چوہدری نے کہا کہ انہیں یقین ہے کہ نومنتخب قیادت اسلام آباد چیمبر کے عزت و وقار کو نئی بلندیوں تک لے جائے گی۔ تاجر قیادت ممبران چیمبر کے درمیان باہمی رابطوں کو مزید مضبوط کرنے، کاروباری سرگرمیوں کو فروغ دینے اور ملک کی معاشی ترقی میں کلیدی کردار ادا کرے گی۔ انہوں نے کاروباری برادری کے مسائل کو حکومتی سطح پر اٹھانے اور ان کے حل کے لیے موثر اقدامات کرنے کی ضرورت پر زور دیا۔ نومنتخب عہدیداروں نے زاہد چودھری اور تاجر وفد کا شکریہ ادا کیا اور متحد ہو کر ملکی معیشت کی بہتری کے لیے کاوشیں جاری رکھنے کے عزم کا اظہار کیا۔ زاھد رفیق ، ذوالقرنین عباسی اور وقار کنڈی بھی ملاقات کے موقع پرموجودتھے-
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپشاور جلسے پر عمران خان کو تحفظات ہیں،سلمان اکرم راجہ کی تصدیق پشاور جلسے پر عمران خان کو تحفظات ہیں،سلمان اکرم راجہ کی تصدیق عمران خان پی ٹی آئی کے 27 ستمبر جلسے سے ناخوش، پارٹی کو پیغام بھجوا دیا پی ایم ڈی سی نے پوسٹ گریجویٹ پروگرامز میں 20 کروڑ روپے کی مالی بے ضابطگی بے نقاب کردی امریکا اور اسرائیل، ٹرمپ کے غزہ جنگ ختم کرنے کے منصوبے پر معاہدے کے قریب جوہری معاہدے کی خلاف ورزی کا الزام، یورپی یونین نے ایران پر دوبارہ پابندیاں لگادیں میرا پانی میرا پیسا، کسی کو کیا تکلیف ہے: مریم نوازCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: صدر اسلام آباد زاہد اقبال کامیابی پر
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ