وینیٹی وینز یا شاہی محلات؟ شاہ رخ خان اور رنویر سنگھ کی کروڑوں کی وینیٹی وین میں کیا خاص ہے؟
اشاعت کی تاریخ: 1st, October 2025 GMT
اب بالی ووڈ کے سپر اسٹارز کے لیے کسی بھی فلم کی شوٹنگ ان کی وینیٹی وین کے بغیر ممکن نہیں رہی۔ چاہے شوٹنگ کسی جنگل میں ہو یا دور دراز صحرائی علاقے میں، یہ موبائل یونٹس نہ صرف ان کا ڈریسنگ روم ہوتے ہیں بلکہ آرام گاہ، میک اپ روم، اور ذاتی خلوت کے طور پر بھی استعمال کیے جاتے ہیں۔
وینیٹی وینز کا ابتدائی مقصد دورانِ شوٹنگ فنکاروں کو بنیادی سہولیات کی فراہمی تھا، تاہم وقت کے ساتھ یہ سادہ گاڑیاں مکمل طور پر جدید، پُرتعیش اور ذاتی ضروریات سے ہم آہنگ موبائل اسپیس میں تبدیل ہو چکی ہیں۔
یہ بھی پڑھیں: ہیرامنڈی میں سوناکشی کے ساتھ بولڈ سین، جیسن شاہ کو کیا کچھ جھیلنا پڑا؟
اب یہ وینز محض سہولت نہیں بلکہ سپر اسٹار اسٹیٹس کی علامت بن چکی ہیں۔ ہر بڑا اداکار اپنی وینیٹی وین کو اپنے ذوق اور طرزِ زندگی کے مطابق تیار کرواتا ہے، جس میں لگژری انٹیریئر، جدید ٹیکنالوجی، جِم، پینٹری، اور بعض اوقات نجی شیف کے لیے علیحدہ وینز بھی شامل ہوتی ہیں۔
فلمی سیٹ پر وینیٹی وین کی موجودگی اب ضروریات میں شمار ہوتی ہے، اور اسے فلم پروڈکشن کا ایک اہم پہلو مانا جاتا ہے۔ ایک حالیہ رپورٹ میں کئی دلچسپ انکشافات کیے گئے ہیں جس کے مطابق شاہ رخ خان کی وینیٹی وین اتنی بڑی اور پُرتعیش ہے کہ تنگ جگہوں پر نہیں جا سکتی، جبکہ رنویر سنگھ کے پاس اپنے نجی شیف کے لیے الگ وین موجود ہے۔
یہ بھی پڑھیں: رنویر سنگھ کی پاکستان مخالف فلم میں بینظیر بھٹو کی تصویر نمایاں کیے جانے پر شدید تنقید
رپورٹ کے مطابق رنویر سنگھ شوٹنگ کے دوران تین وینیٹی وینز کا استعمال کرتے ہیں، ایک ذاتی استعمال کے لیے، ایک جِم کے لیے، اور ایک ان کے نجی شیف کے لیے۔
وینیٹی وین فروش کیتن راول نے رپورٹ میں بتایا کہ یہ وینز ابتدا میں ایک ضرورت کے طور پر متعارف ہوئیں، تاکہ اداکار دور دراز علاقوں میں شوٹنگ کے دوران کپڑے بدلنے اور بنیادی سہولیات حاصل کرنے کے لیے ایک جگہ حاصل کر سکیں۔ تاہم وقت کے ساتھ ساتھ یہ ایک اسٹیٹس سمبل بن گئی ہیں۔
کیتن نے انکشاف کیا کہ شاہ رخ خان کی وین اتنی بڑی اور شاندار ہے کہ اکثر وہ اسے دور دراز یا تنگ جگہوں پر لے کر نہیں جا سکتے۔ ایسے میں میں اپنی وین بھیجتا ہوں تاکہ شوٹنگ میں آسانی ہو۔
یہ بھی پڑھیں: شاہ رخ خان اور سلمان خان کے ساتھ فلم کرنے کے لیے عامر خان نے شرط رکھ دی
کیتن نے مزید بتایا کہ ستارے اکثر مخصوص تقاضے کرتے ہیں، جیسے کہ کالا ٹوائلٹ۔ جان ابراہم کی وین کے بارے میں بات کرتے ہوئے ان کا کہنا تھا کہ جان چاہتے تھے کہ وین میں فلور ٹو سیلنگ ونڈو ہو تاکہ وہ باہر دیکھ سکیں اور قدرتی روشنی اندر آئے۔ مگر ان کی شرط یہ تھی کہ وین کا سارا اندرونی حصہ کالا ہو، فرش، دیواریں، سنک، حتیٰ کہ ٹوائلٹ بھی۔ تو صرف روشنی وہی آئے گی جو ایک مکمل سیاہ خانے سے گزرے۔
ایک اور ڈیزائنرپراتیک مالےور، جو اپنی ساتھی اپوروا دیشمکھ کے ساتھ وینز تیار کرتے ہیں، نے بتایا کہ کنگنا رناوت کی وین میں شیشم کی لکڑی کا استعمال کیا گیا ہے، جو اسے روایتی اور پُرتعیش انداز دیتا ہے۔
یہ بھی پڑھیں: شاہ رخ خان یا شکیب خان؟ ہانیہ عامر کی پسند نے مداحوں کو چونکا دیا
حالیہ رپورٹ کے مطابق، ان وینز کی قیمتیں اور دیکھ بھال کے اخراجات عام تصور سے کہیں زیادہ ہیں۔ ذرائع کے مطابق، ایک وینیٹی وین کی اوسط سالانہ دیکھ بھال پر 10 سے 15 لاکھ بھارتی روپے خرچ آتا ہے۔ وین کی نوعیت اور سہولیات کے لحاظ سے ان کی قیمت میں نمایاں فرق پایا جاتا ہے۔
سپر وینز جن میں علیحدہ کمرے، ایکسٹینڈیبل رہائشی جگہ اور دیگر اعلیٰ درجے کی سہولیات شامل ہوتی ہیں، ان کی قیمت 2 کروڑ سے 3 کروڑ کے درمیان ہوتی ہے۔ ہائی اینڈ کسٹم وینز جن میں اطالوی ماربل، لگژری ری کلائنر نشستیں اور جِم جیسی سہولیات فراہم کی جاتی ہیں، ان کی قیمت 75 لاکھ سے 1 کروڑ تک ہو سکتی ہے۔
یہ بھی پڑھیں: رنویر سنگھ سے دوستی کیسے ہوئی؟ علی ظفر نے بتا دیا
ڈ رینج وینز جن میں آرام دہ صوفے، چھوٹا سا پینٹری، واش روم اور ٹی وی شامل ہوتے ہیں، کی قیمت 35 لاکھ سے 50 لاکھ کے درمیان بتائی گئی ہے۔ جبکہ بیسک یا بنیادی وینز جو صرف ڈریسنگ ایریا اور ایئر کنڈیشننگ جیسی بنیادی سہولیات فراہم کرتی ہیں، ان کی لاگت 15 لاکھ سے 20 لاکھ تک ہوتی ہے۔
یہ وینیٹی وینز فلمی ستاروں کی شوٹنگ کے دوران آرام، سہولت اور پرائیویسی کو یقینی بنانے کے لیے استعمال کی جاتی ہیں، تاہم وقت کے ساتھ یہ اب ان کے اسٹیٹس کی نمائندگی کا ذریعہ بھی بن گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ جان ابراہم رنویر سنگھ شاہ رخ خان کنگنا رناوت وینیٹی وینز.
ذریعہ
ذریعہ: WE News
کلیدی لفظ: بالی ووڈ جان ابراہم رنویر سنگھ شاہ رخ خان کنگنا رناوت وینیٹی وینز یہ بھی پڑھیں وینیٹی وینز وینیٹی وین رنویر سنگھ شاہ رخ خان کے مطابق کی قیمت کے ساتھ کے لیے کی وین
پڑھیں:
بٹ کوائن کی تاریخی گراوٹ، سرمایہ کاروں کے کروڑوں ڈالر ڈوب گئے
دنیا کی سب سے بڑی اور مقبول ترین کرپٹو کرنسی ’بٹ کوائن‘ کی قیمت میں اچانک تاریخی گراوٹ دیکھی گئی ہے، جس کے بعد یہ 70 ہزار ڈالر کی نفسیاتی سطح سے بھی نیچے گر گیا ہے۔
مارکیٹ رپورٹ کے مطابق اس اچانک کمی کے نتیجے میں گزشتہ 24 گھنٹوں کے دوران کرپٹو مارکیٹ سے تقریباً 80 کروڑ (800 ملین) ڈالر مالیت کی لیوریجڈ ٹریڈنگ پوزیشنز یکدم ختم (لیکویڈیٹ) ہو گئی ہیں، جس سے سرمایہ کاروں کو شدید ترین نقصان کا سامنا کرنا پڑا ہے۔
قیمتوں میں گراوٹ اور مارکیٹ کیپٹلائزیشن میں کمیمارکیٹ کے تازہ ترین ڈیٹا کے مطابق منگل کو ’بٹ کوائن‘ کی قیمت گر کر تقریباً 69,400 ڈالر کی کم ترین سطح پرآگئی، جو گزشتہ 24 گھنٹوں کے دوران 4.4 فیصد کی نمایاں ترین کمی کو ظاہر کرتی ہے۔
یہ بھی پڑھیں:ایران امریکا مذاکرات کا دوسرا دور، بٹ کوائن کی قیمت پر کیا اثرات مرتب ہورہے ہیں؟
مارکیٹ کیپٹلائزیشن کے لحاظ سے دنیا کی سرفہرست 10 کرپٹو کرنسیوں میں یہ سب سے بڑی گراوٹ ریکارڈ کی گئی ہے۔ بٹ کوائن کے اس زوال کے اثرات پوری کرپٹو مارکیٹ پر مرتب ہوئے، جس کے باعث مجموعی ڈیجیٹل مارکیٹ ویلیو 3 فیصد سے زیادہ کمی کے بعد تقریباً 2.47 ٹریلین ڈالر تک نیچے آگئی ہے۔
ٹریڈرزکے کروڑوں ڈالر ڈوب گئےکرپٹو مارکیٹ کے اعداد و شمار فراہم کرنے والے معتبر عالمی ادارے ’کوائن گلاس‘ کے مطابق حالیہ فروخت کے شدید دباؤ کی وجہ سے 24 گھنٹوں میں 800 ملین ڈالر کی پوزیشنز مارکیٹ سے آؤٹ ہوئیں۔
ڈیٹا کے مطابق لانگ پوزیشنزمیں تقریباً 700 ملین ڈالر (قیمت بڑھنے کی امید پر لگائے گئے سودے) جبکہ شارٹ پوزیشنز میں تقریباً 100 ملین ڈالر (قیمت گرنے کی امید پر لگائے گئے سودے) شامل ہیں۔
سب سے زیادہ نقصان بٹ کوائن سے منسلک ٹریڈرز کو برداشت کرنا پڑا، جن کی تقریباً 500 ملین ڈالر مالیت کی پوزیشنز ڈوب گئیں، جو کہ مجموعی مارکیٹ لیکویڈیشنز کا سب سے بڑا حصہ ہے۔
’ای ٹی ایف‘ آؤٹ فلو دباؤ میں اضافہکرپٹو کرنسی سے وابستہ مبصرین اور تجزیہ کاروں کے مطابق اس بڑی فروخت کی سب سے بڑی وجہ اسپاٹ بٹ کوائن ایکسچینج ٹریڈ فنڈ (ای ٹی ایف) سے سرمایہ کاروں کا مسلسل پیسہ نکالنا ہے۔
مزید پڑھیں:مشرق وسطیٰ میں کشیدگی کے دوران بٹ کوائن مضبوط، قیمت 80 ہزار ڈالر تک پہنچنے کا امکان
اسپاٹ بٹ کوائن ای ٹی ایف سے مسلسل 11 تجارتی سیشنز سے سرمایہ کا اخراج (نیٹ آؤٹ فلو) ریکارڈ کیا جا رہا ہے، جبکہ اسپاٹ ’ایتھیریم ای ٹی ایف‘ سے بھی مسلسل 15 سیشنز سے سرمایہ نکالا جا رہا ہے۔
کرپٹو تجزیہ کار ’ایمبر سی این‘ کا اس حوالے سے کہنا ہے کہ جب سے اسپاٹ ای ٹی ایف مصنوعات کا آغاز ہوا ہے، بٹ کوائن اور ایتھیریم کی قیمتیں ای ٹی ایف فنڈز کے بہاؤ سے بہت زیادہ منسلک ہو چکی ہیں، یہی وجہ ہے کہ فنڈز کے اخراج کا براہِ راست اور فوری اثر قیمتوں پر پڑ رہا ہے۔
ایتھیریم مارکیٹ میں نسبتاً مستحکمدلچسپ بات یہ ہے کہ اس شدید مندی کے دوران دوسری بڑی کرپٹو کرنسی ’ایتھیریم‘ نے مارکیٹ میں نسبتاً بہتر اور مستحکم کارکردگی دکھائی۔ ایتھیریم کی قیمت تقریباً 1,970 ڈالر کے قریب برقرار رہی اور اس میں بٹ کوائن کے مقابلے میں کم اتار چڑھاؤ دیکھا گیا۔
ماہرینِ معیشت کا کہنا ہے کہ اگر ای ٹی ایف سے سرمایہ کے اخراج کا یہ سلسلہ نہ رکا تو کرپٹو مارکیٹ پر دباؤ برقرار رہ سکتا ہے، یہی وجہ ہے کہ عالمی سرمایہ کار آنے والے چند دنوں میں مارکیٹ کے رجحان پر گہری نظر رکھے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اخراج ای ٹی ایف بٹ کوائن ڈالر سرمایہ کاروں عالمی سرمایہ کرپٹو مارکیٹ گراوٹ ماہرین معیشت ملین ڈالر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ