پشاور میں صمود فلوٹیلا پر اسرائیلی کارروائی کیخلاف احتجاجی جلوس
اشاعت کی تاریخ: 3rd, October 2025 GMT
گلوبل صمود فلوٹیلا کے خلاف اسرائیلی کارروائی اور وہاں گرفتار کیے گئے بین الاقوامی کارکنان کے معاملے پر پشاور میں 2 الگ الگ مگر ہم ذہن احتجاجی مظاہرے ہوئے۔
یہ بھی پڑھیں:گلوبل صمود فلوٹیلا: بلاول بھٹو زرداری کا گرفتار افراد کی فوری رہائی کا مطالبہ
جماعتِ اسلامی نے امریکی قونصل خانے کے سامنے اور پاکستان مرکزِ مسلم لیگ نے فوارہ چوک سے پریس کلب تک ریلی نکالی، جن میں سینکڑوں افراد نے شرکت کی اور اسرائیل کے خلاف زوردار نعرے لگائے۔
جماعتِ اسلامی کا احتجاج اور مشتاق احمد کی حمایتجماعتِ اسلامی کے جلوس میں جنرل سیکرٹری پی وی سطحی صابر حسین اعوان نے مظاہرین سے خطاب کرتے ہوئے کہا کہ اسرائیلی افواج نے عالمی قوانین کی خلاف ورزی کرتے ہوئے پرامن فلوٹیلا پر حملہ کیا۔
انہوں نے بتایا کہ جماعتِ اسلامی کی نمائندگی کرنے والے سینٹر مشتاق احمد کو مبینہ طور پر سمندری حدود سے گرفتار کیا گیا، اور ان کی گرفتاری کو ہمت اور استقامت کی علامت قرار دیا گیا۔
صابر حسین نے 2 ریاستی حل کی مخالفت کرتے ہوئے کہا کہ یہ بانیِ پاکستان کے اصولوں کے منافی ہے اور انہوں نے حکومت پر زور دیا کہ اسرائیل کو تسلیم کرنے کی کسی بھی کوشش کو رد کیا جائے ورنہ ملک گیر احتجاجی لہر اٹھ کھڑی ہوگی۔
صابر حسین نے کہا کہ گلوبل صمود فلوٹیلا انسانیت کا کاروان تھا، طاقت کے ذریعے اسے دبانے کی کوشش قبول نہیں۔
یہ بھی پڑھیں:’گلوبل صمود فلوٹیلا‘ میں شامل آخری کشتی پر بھی اسرائیل کا قبضہ
انہوں نے مشتاق احمد کو 25 کروڑ پاکستانی عوام کا نمائندہ قرار دیا۔ انہوں نے عالمی طاقتوں کی خاموشی پر سخت تحفظات کا اظہار کیا اور کہا کہ امن نوبل انعام کے خواہشمند بھی اگر مسلمانوں کے خون پر کھڑے ہوں تو ان کا یہ معیار سوالیہ نشان بن جاتا ہے۔
پاکستان مرکزِ مسلم لیگ کی ریلی اور عالمی برادری سے اپیلدوسری جانب پاکستان مرکزِ مسلم لیگ کے کارکنوں نے فوارہ چوک سے پریس کلب تک ریلی نکالی جس میں شرکا نے فلسطین کے حق میں اور اسرائیل کے خلاف بین الاقوامی برادری سے فوری مداخلت کا مطالبہ کیا۔
مظاہرین نے غزہ میں بچوں کی ہلاکتوں اور انسانی بحران پر تشویش کا اظہار کیا اور دنیا سے کہا کہ وہ فلسطینیوں پر جارحیت رکوانے کے لیے واضح رویہ اختیار کرے۔
مظاہروں کا ماحول اور نکاتدونوں احتجاجی جلوس پرامن انداز میں ہوئے، تاہم شرکاء نے حکومت، عالمی اداروں اور خاص طور پر امریکا سے سوال اٹھایا کہ وہ اسرائیلی کارروائی کے خلاف سخت موقف کیوں نہیں اپناتے۔
مظاہروں کے دوران متعدد مقررین نے مطالبہ کیا کہ حکومت ریاستِ اسرائیل کو تسلیم نہ کرے اور بین الاقوامی فورمز پر فلسطینی حقوق کے تحفظ کے لیے مضبوط آواز اٹھائی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور جماعت اسلامی گلوبل فلوٹیلا مسلم لیگ مشتاق خان.
ذریعہ
ذریعہ: WE News
کلیدی لفظ: پشاور جماعت اسلامی گلوبل فلوٹیلا مسلم لیگ مشتاق خان گلوبل صمود فلوٹیلا مسلم لیگ انہوں نے کے خلاف کہا کہ
پڑھیں:
گل فیروزہ، سدرہ امین اور نشرہ سندھو کی شاندار کارکردگی، پاکستان نے سری لنکا کیخلاف پہلا پہلے ون ڈے جیت لیا
گل فیروزہ، سدرہ امین اور نشرہ سندھو کی عمدہ کارکردگی کی بدولت پاکستان ویمنز کرکٹ ٹیم نے سری لنکا کو پہلے ایک روزہ میچ میں 5 وکٹوں سے شکست دے کر 3 میچوں کی سیریز میں 1-0 کی برتری حاصل کر لی۔
یہ بھی پڑھیں: پاکستان ویمنز ٹیم کا سری لنکا ٹور: ٹی20 سیریز نئے مقام پر منتقل، کس کا پلڑا بھاری؟
آئی سی سی ویمنز چیمپیئن شپ 2025-29 کے تحت کھیلے گئے میچ میں سری لنکا نے ٹاس جیت کر پہلے بیٹنگ کا فیصلہ کیا تاہم پاکستانی بولرز کی نپی تلی بولنگ کے باعث مقررہ 50 اوورز میں 9 وکٹوں کے نقصان پر 210 رنز ہی بنا سکی۔
سری لنکا کی جانب سے اوپنرز وشمی گوناتنے اور کپتان چماری اتھاپتھو نے ٹیم کو اچھا آغاز فراہم کیا اور ابتدائی 5 اوورز میں بغیر کسی نقصان کے 31 رنز بنائے۔ دونوں نے پہلی وکٹ کے لیے نصف سینچری شراکت بھی قائم کی جو سری لنکا کی جانب سے ون ڈے کرکٹ میں کسی بھی اوپننگ جوڑی کی 5ویں ففٹی پارٹنرشپ تھی۔
پاکستانی اسپنرز کے اٹیک پر آنے کے بعد سری لنکن بیٹنگ کی رفتار سست پڑ گئی۔ نشرہ سندھو نے پہلے وشمی گوناتنے کو آؤٹ کیا جبکہ بعد ازاں کپتان چماری اتھاپتھو کو بھی بولڈ کر دیا۔
اتھاپتھو اور حسینی پریرا نے دوسری وکٹ کے لیے 53 رنز جوڑے تاہم اس کے بعد پاکستانی بولرز نے میچ پر گرفت مضبوط کر لی۔ نیلکشیکا سلوا اور کویشا دلہاری کے درمیان 5ویں وکٹ کے لیے 42 رنز کی شراکت کے علاوہ کوئی بڑی پارٹنرشپ نہ بن سکی جبکہ آخری 7 اوورز میں سری لنکا نے 32 رنز کے عوض 5 وکٹیں گنوا دیں۔
مزید پڑھیے: فاطمہ ثنا نے تاریخ رقم کر دی، ویمنز دی ہنڈرڈ کھیلنے والی پہلی پاکستانی کرکٹر بن گئیں
پاکستان کی جانب سے نشرہ سندھو نے شاندار بولنگ کرتے ہوئے 42 رنز دے کر 3 وکٹیں حاصل کیں۔
گل فیروزہ کی مسلسل چوتھی نصف سینچری211 رنز کے ہدف کے تعاقب میں پاکستان نے پراعتماد آغاز کیا۔ اوپنر گل فیروزہ نے ایک مرتبہ پھر عمدہ بیٹنگ کا مظاہرہ کرتے ہوئے مسلسل چوتھی ون ڈے نصف سینچری اسکور کی۔
انہوں نے ابتدائی پاور پلے میں جارحانہ انداز اپنایا اور صدف شمس کے ساتھ پہلی وکٹ کے لیے 58 رنز کی شراکت قائم کی۔
Pakistan women beat Sri Lanka women by 5 wickets in the first One-Day International of the three-match series in Hambantota today.@TheRealPCBMedia @TheRealPCB #News #RadioPakistan https://t.co/5cesGghrAK
— Radio Pakistan (@RadioPakistan) July 23, 2026
بعد ازاں گل فیروزہ اور سدرہ امین نے دوسری وکٹ کے لیے 90 رنز کا اہم اضافہ کیا جس نے پاکستان کی فتح کی بنیاد رکھ دی۔
مزید پڑھیں: ویمنز ورلڈکپ فوٹو شوٹ میں فاطمہ ثنا اور جے شاہ کا مصافحہ توجہ کا مرکز بن گیا
گل فیروزہ نے 77 گیندوں پر 78 رنز کی شاندار اننگز کھیلی جبکہ صدف امین نے ذمہ دارانہ بیٹنگ کرتے ہوئے 94 گیندوں پر 57 رنز بنائے۔
پاکستان نے مطلوبہ ہدف 45 اوورز میں 5 وکٹوں کے نقصان پر حاصل کر لیا اور یوں سیریز کا آغاز کامیابی سے کیا۔
آئی سی سی ویمنز چیمپئن شپ میں دوسری پوزیشنیہ پاکستان ویمنز ٹیم کی مسلسل 5ویں ون ڈے فتح ہے جس کے بعد قومی ٹیم آئی سی سی ویمنز چیمپیئن شپ کے پوائنٹس ٹیبل پر دوسرے نمبر پر پہنچ گئی۔
یہ بھی پڑھیے: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
پاکستان اور سری لنکا کے درمیان سیریز کا دوسرا ایک روزہ میچ 25 جولائی کو ہمبنٹوٹا میں ہی کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ سری لنکا پاکستان ویمنز ٹیم کی فتح سدرہ امین صدف شمس فاطمہ ثنا گل فیروزہ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار