غیر قانونی دیورار کی تعمیر پر سائٹ ایسوسی ایشن کا حکام کو خط
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
251006-2-16
حیدرآباد (اسٹاف رپورٹر) سینئر وائس چیئرمین حیدرآباد سائٹ ایسوسی ایشن آف ٹریڈ اینڈ انڈسٹری عامر شہاب نے کہا ہے کہ نارا جیل کے باہر سائٹ کی مرکزی سڑک پر غیر قانونی دیوار کی تعمیر اور تجاوزات کے معاملے پر ایسوسی ایشن نے فوری ایکشن لیتے ہوئے ایک تفصیلی خط انسپکٹر جنرل جیل خانہ جات سندھ کو ارسال کیا، جس کی کاپیاں متعلقہ وزراء، سائٹ لمیٹڈ کے افسران و دیگر حکام اور اداروں کو بھی بھیجی گئیں۔خط میں واضح طور پر نشاندہی کی گئی تھی کہ جیل انتظامیہ سائٹ کی مرکزی سڑک پر دیوار تعمیر کر رہی ہے جو کہ نہ صرف منظور شدہ نقشوں کے خلاف ہے بلکہ سندھ حکومت کے ریونیو نوٹیفکیشنز (1952 اور 1953) کے مطابق الاٹ شدہ سائٹ زمین پر غیر قانونی قبضہ بھی ہے۔ مزید یہ کہ 2002 کے سروے ڈیپارٹمنٹ اور 2017 کے سندھ ہائی کورٹ حیدرآباد سرکٹ کے احکامات کے تحت کیے گئے سروے بھی اس بات کی تصدیق کر چکے ہیں کہ زمین سائٹ لمیٹڈ کی ملکیت ہے نارا جیل کی نہیں۔انہوں نے کہا کہ خدشہ ہے کہ اس غیر قانونی دیوار اور نالی (drain) کی تعمیر سے بھاری گاڑیوں کے لیے راستہ تنگ ہو جائے گا جس سے انڈسٹریل ایریا میں سامان اور خام مال کی ترسیل بری طرح متاثر ہوگی۔ انہوں نے کہا کہ اس خط اور ایسوسی ایشن کی بروقت کاوشوں کے نتیجے میں متعلقہ اداروں نے فوری ایکشن لیتے ہوئے نا صرف غیر قانونی تعمیر کو روک دیا گیا ہے بلکہ نئے سرے سے حد بندی بھی کی جارہی ہے۔سینئر وائس چیئرمین عامر شہاب نے کہا کہ یہ اقدام صنعتکار برادری کے لیے اطمینان بخش ہے اور اس سے بزنس کمیونٹی کا اعتماد بحال ہوا ہے۔ انہوں نے خاص طور پر انسپکٹر جنرل جیل خانہ جات سندھ، وزیر برائے انڈسٹریز، صدر حیدرآبادچیمبر آف اسمال ٹریڈرز اینڈ اسمال انڈسٹری، سیکریٹری صنعت و تجارت، ایم ڈی سائٹ، سیکریٹری سائٹ، ڈپٹی کمشنر حیدرآباد، اسٹیٹ انجینئر سائٹ سمیت تمام متعلقہ اداروں کا شکریہ ادا کیا جنہوں نے بروقت ایکشن لے کر سائٹ کے قانونی اختیارات کا احترام کیا۔
ذریعہ
ذریعہ: Jasarat News
کلیدی لفظ: ایسوسی ایشن نے کہا
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی