صنم جاوید کو مبینہ طور پر پشاور سے اغوا
اشاعت کی تاریخ: 7th, October 2025 GMT
پاکستان تحریک انصاف کی رہنما صنم جاوید کو مبینہ طور پر پشاور سے اغوا کرلیا گیا، وزیراعلیٰ خیبرپختونخوا علی امین گنڈاپور کی ہدایت پر صنم جاوید کے اغوا کی ایف آئی آر درج کرلی گئی ہے۔ وزیراعلیٰ خیبرپختونخوا علی امین گنڈاپور کی ہدایت پر درج کی گئی صنم جاوید کے اغوا کی ایف آئی آر میں موقف اپنایا گیا ہے کہ رات ساڑھے 10 بجے کیفے میں کھانا کھاکر کینٹ کی جانب جارہے تھے، 2 گاڑیوں میں سوار 5 نامعلوم افراد نے زبردستی روکا اور صنم جاوید کو زبردستی ساتھ لے گئے۔ صوبائی حکومت کے مطابق وزیراعلیٰ کی سخت ہدایات پر اغوا کاروں کیخلاف ایف آئی آر درج کر کے فوری کارروائی کا آغاز کر دیا گیا ہے۔ حکام کا کہنا ہے کہ ایف آئی آر پر مکمل انکوائری کی جائے گی، نامعلوم افراد کی شناخت کرکے ملوث عناصر کو قانون کے مطابق سزا دی جائے گی۔ یاد رہے کہ انسداد دہشت گردی عدالت لاہور نے صنم جاوید کو 9 مئی 2023 کو تھانہ شادمان جلانے کے کیس میں 5 سال قید کی سزا سنائی تھی۔ قبل ازیں، صنم جاوید کو 27 اپریل کو ریاستی اداروں کے سربراہان کیخلاف سوشل میڈیا پر پروپیگنڈا پوسٹس کرنے پر گرفتار کیا گیا تھا، اس سے قبل وہ گزشتہ سال بھی گرفتار ہوچکی ہیں۔ واضح رہے کہ صنم جاوید کی بہن فلک جاوید کو بھی گزشتہ ماہ نیشنل سائبر کرائم انویسٹی گیشن ایجنسی (این سی سی آئی اے) نے وزیر اطلاعات پنجاب عظمیٰ بخاری کی فیک ویڈیوز کے کیس میں گرفتار کیا تھا۔
.ذریعہ: Nawaiwaqt
کلیدی لفظ: صنم جاوید کو ایف آئی آر
پڑھیں:
تاجروں کے اتحاد سے مسائل حل ہوسکتے ہیں ،جاوید میمن
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت ) سکھر اسمال ٹریڈ ر ز کے صدر حاجی محمد جاوید میمن نے کہا ہے کہ تاجروں کے اتحاد، اتفاق اور یکجہتی کو قائم رکھ کر ہی تاجروں کے مسائل حل کیے جاسکتے ہیں،الحمد اللہ سکھر اسمال ٹریڈرز روز اول سے چھوٹے تاجروں کو ایک پلیٹ فارم پر یکجا کرنے اور انکے مسائل کے حل کیلئے مخلصانہ اقدامات اٹھا رہی ہے، آج سکھر اسمال ٹریڈرز میں شہر کی اہم تجارتی یونینز نیو آئرن مارکیٹ گولیمار سکھر اور انجمن تاجران نیم کی چاڑھی کی شمولیت اس بات کا ثبوت ہے کہ ہم نے اپنے ذاتی مفادات کے بجائے تاجروں کے اجتماعی مفادات کیلئے کام کیا ہے یہی وجہ ہے کہ آج شہر بھر کی تجارتی تنظیمات سکھر اسمال ٹریڈرز کے پلیٹ فارم پر متحد و منظم ہیں۔ ان خیالات کا اظہار انہوں نے تاجر سیکریٹریٹ گولڈ سینٹر صرافہ بازار میں سکھر اسمال ٹریڈرز کے منعقدہ اجلاس سے خطاب کرتے ہوئے کیا۔ اجلاس میںسکھر اسمال ٹریڈرز کے عہدیداران حاجی غلام شبیر بھٹو، حاجی عبدالقادر شیوانی، محمد عامر فاروقی، خورشید احمد میرانی،حاجی رئیس قریشی، بابو فاروقی، حافظ محمد شریف ڈاڈا، اعظم خان، محمد سلیم مالا، محبوب صدیقی، نثار خان، عبدالباری انصاری، ڈاکٹر سعید اعوان،محمد شاہد مگسی،محمد منیر بھٹی،محمد شعیب میمن، محمد ذاکر خان، امان اللہ بھٹی،سید عمیر شاہ،محمد ابوبکر، آصف ہاشمانی، محمد طالب، محمد حامد رضا میمن، محمد شہزاد مارفانی،دلشاد علی میمن، عالیان، اکبر خان، زاہد قادری، سید فرحان شاہ سمیت دیگر نے بڑی تعداد میں شرکت کی۔ اجلاس میں سکھر اسمال ٹریڈرز کی جانب سے نئے شمولیت اختیار کرنے والی یونینز نیو آئرن مارکیٹ گولیمار اور انجمن تاجران نیم کی چاڑھی کی شمولیت کو خوش آمدید کیا گیا اور تمام تاجروں نے متفقہ رائے سے نیو آئرن مارکیٹ کے صدر خورشید احمد میرانی کو سکھر اسمال ٹریڈرز میں سینئر نائب صدر اور انجمن تاجران نیم کی چاڑھی کے سرپرست اعلیٰ اعظم اعوان کو جوائنٹ سیکرٹری منتخب کیا گیا۔ اجلاس سے خطاب کرتے ہوئے حاجی محمد جاوید میمن و دیگر رہنما?ں کا مزید کہنا تھا کہ ہم نے تاجروں میں تفرقہ ،تجارتی یونینز میںدراڑیں ڈالنے کے بجائے تاجروں کو ایک پلیٹ فارم پر متحد کیا ہے، تاجر برادری کو ٹیکسز ، امن و امان، بجلی، گیس کے مسائل کے حل کیلئے بھرپور جدوجہد کی ہے، شہر بھر میں بڑھتے ہوئے ٹریفک، تجارتی مراکز اور اہم شاہراہوں پر گاڑیاں کھڑی کرنے کی وجہ سے پورا پورا دن ٹریفک جام رہتا ہے جس سے تجارتی سرگرمیوں پر انتہائی منفی اثرات مرتب ہو رہے ہیں، شہر سے ٹریفک جام کے عذاب سے مستقل نجات کیلئے بندر روڈ پر بندر وال کے اندروسیع اراضی پارکنگ کیلئے موجود ہے، جہاں پر پارکنگ ایریا قائم کرنے کیلئے انتظامیہ اور افسران تجاویز دی گئی ہیں وہاں پر پارکنگ ایریا قائم کر کے شہر بھر سے ٹریفک جام کے عذاب سے چھٹکارا حاصل کیا جاسکتا ہے۔ اجلاس میں سکھر اسمال ٹریڈرز کے رہنمائوں نے اسمال ٹریڈرز میں شمولیت اختیار کرنے والی یونینز نیو آئرن مارکیٹ اور انجمن تاجران نیم کی چاڑھی کے عہدیداران کو خوش آمدید کہا ہے۔
خیبرپختونخوا میں دہشت گردی خود ساختہ ہے، وزیراعلی سہیل آفریدی