نوبل انعام ملنا شروع، فزکس کے شعبے میں کون سے 3 ماہرین نے اعزاز جیتا؟
اشاعت کی تاریخ: 7th, October 2025 GMT
رائل سویڈش اکیڈمی آف سائنسز نے 2025 کے نوبل انعام برائے طبیعیات کا اعلان کرتے ہوئے کہا ہے کہ یہ اعزاز تین ممتاز امریکی سائنسدانوں، جان کلارک، مشیل ڈیورے اور جان مارٹینس کو دیا گیا ہے۔ ان سائنسدانوں کو یہ انعام برقی سرکٹس میں میکروسکوپک کوانٹم میکینیکل ٹنلنگ اور توانائی کی مقداری سطحوں (Energy Quantisation) کی دریافت پر دیا گیا ہے۔
اکیڈمی کی جانب سے جاری کردہ بیان میں کہا گیا ہے کہ اس سال کی دریافت نے کوانٹم ٹیکنالوجی کے اگلے مرحلے کی راہ ہموار کی ہے، جس میں کوانٹم کمپیوٹنگ، کوانٹم کرپٹوگرافی اور کوانٹم سینسرز شامل ہیں۔
یہ بھی پڑھیں: نوبل انعام برائے طب: 3 سائنسدانوں کو کس بات پر اعلیٰ ترین اعزاز سے نوازا گیا؟
نوبل انعام کے ساتھ 1.
نوبل انعامات کا آغاز 1901 میں ہوا تھا اور یہ طبیعیات، کیمیا، طب، ادب، امن اور معاشیات جیسے شعبہ جات میں نمایاں خدمات پر دیے جاتے ہیں۔ طبیعیات کا شعبہ نوبل کی وصیت میں سب سے پہلے درج کیا گیا تھا اور آج بھی اسے سائنسی دنیا کا سب سے معتبر اعزاز تصور کیا جاتا ہے۔
اس سے قبل یہ اعزاز البرٹ آئن سٹائن، میکس پلانک، نیلز بوہر اور میری کیوری جیسے عظیم سائنسدانوں کو دیا جا چکا ہے۔
یہ بھی پڑھیں: نوبل انعام 2025 کا پہلا اعلان: مکمل شیڈول اور انعامی رقم جاری
گزشتہ برس نوبل انعام برائے طبیعیات امریکی سائنسدان جان ہوپ فیلڈ اور برطانوی-کینیڈین جیفری ہنٹن کو مصنوعی ذہانت کے میدان میں انقلابی تحقیق پر دیا گیا تھا۔
روایتی طور پر نوبل انعامات کا اعلان اکتوبر میں کیا جاتا ہے اور انہیں ہر سال 10 دسمبر کو، الفریڈ نوبیل کی برسی کے موقع پر سویڈن کے دارالحکومت اسٹاک ہوم میں منعقدہ تقریب میں سویڈش بادشاہ کی جانب سے دیا جاتا ہے، جس کے بعد ایک شاندار ضیافت کا اہتمام کیا جاتا ہے۔ امن کا نوبل انعام ناروے کے دارالحکومت اوسلو میں ایک الگ تقریب میں دیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فزکس ماہرین نوبل انعامذریعہ: WE News
کلیدی لفظ: فزکس ماہرین جاتا ہے
پڑھیں:
چین: شادی کرو اور کیش انعام پاؤ، منفرد اسکیم متعارف
چین: شادی کرو اور کیش انعام پاؤ، منفرد اسکیم متعارف
چین(ویب ڈیسک) تیزی سے کم ہوتی شادیوں کی شرح پر قابو پانے کے لیے حکومت ایک بار پھر متحرک ہوگئی ہے۔غیر ملکی میڈیا کے مطابق چین کے مشرقی شہر نِنگبو میں شادی کرنے والے جوڑوں کے لیے خصوصی انعام کا اعلان کیا گیا ہے۔ ایسے جوڑے جو 28 اکتوبر سے 31 دسمبر کے درمیان شادی رجسٹرڈ کرائیں گے انہیں شادی کے خرچ کے کیش واؤچرز دیے جائیں گے جس کا مقصد نوجوانوں کو شادی اور بچے پیدا کرنے کی طرف دوبارہ مائل کرنا ہے۔
رپورٹ کے مطابق گزشتہ سال چین میں شادیوں کی تعداد 20 فیصد کم ہوئی جو اب تک کی سب سے بڑی سالانہ کمی ہے۔ شادی اور خاندان شروع کرنے میں کم دلچسپی کی وجہ بچوں کی پرورش اور تعلیم کے بڑھتے اخراجات کو قرار دیا جاتا ہے۔
سول افیئرز ڈپارٹمنٹ نے اپنی آفیشل وی چیٹ پوسٹ میں بتایا کہ نئے شادی شدہ جوڑے ایک ہزار یوآن(تقریباً 40 ہزار پاکستان روپے) مالیت کے واؤچرز حاصل کر سکتے ہیں۔ بیان میں کہا گیا کہ کیش واؤچرز محدود تعداد میں ہیں اس لیے پہلے آئیے، پہلے پائیے کی بنیاد پر جاری کیے جائیں گے۔
واضح رہے کہ چینی حکام کے لیے شادی اور بچوں کی پیدائش میں دلچسپی بڑھانا ایک اہم مسئلہ بن چکا ہے کیوں کہ چین کی آبادی 1.4 ارب ہے مگر بہت تیزی سے بوڑھی ہو رہی ہے۔
کوئٹہ میں 12 سال بعد بلدیاتی انتخابات، کیا عوام کو حکمرانوں کے قریب لا پائے گی؟