پرائمری اور سکینڈری ہیلتھ کئیر ہسپتالوں میں سہولیات کی دستیابی یقینی بنائی جائے،صوبائی وزیر صحت و آبادی
اشاعت کی تاریخ: 8th, October 2025 GMT
لاہور (اُردو پوائنٹ اخبارتازہ ترین - اے پی پی۔ 08 اکتوبر2025ء) صوبائی وزیر صحت و آبادی خواجہ عمران نذیر نے کہا ہے کہ بی ایچ یو محکمہ کی شہہ رگ ہے اس کی بہتری کے لئے تمام وسائل فراہم کیے جائیں، پرائمری اور سکینڈری ہیلتھ کئیر ہسپتالوں میں تمام سہولیات کی دستیابی یقینی بنائی جائے۔ان خیالات کا اظہار انہوں نےپاپولیشن ہائوس کے کمیٹی روم میں روڈ میپ ٹیم ساتھ صحت کے شعبہ میں متعارف اصلاحات کے حوالے سے جائزہ اجلاس کی صدارت کرتے ہوئے کیا۔
خواجہ عمران نذیر نے محکمہ صحت و آبادی کے مختلف پروگرامز کی کارکردگی کا بھی جائزہ لیا۔ انہوں نے کہا کہ ادویات کی فراہمی اور ایچ کے مسائل ترجیحی بنیادوں پر حل کئے جائیں۔ اجلاس میں ایچ پی وی اور خسرہ کی ویکسین مہم کی صورتحال کا جائزہ بھی لیا گیا۔(جاری ہے)
اس موقع پر انہوں نے کہا کہ مناواں ہسپتال سٹیٹ آف دی آرٹ ہیلتھ فیسیلیٹی ہے اس ہسپتال میں کیتھ لیب کے قیام کے لئے فوری اقدامات کرنے کی ضرورت ہے۔
انہوں نے محکمہ صحت و آبادی کے زیر انتظام تمام ہسپتالوں میں ایچ آر کافوری آڈٹ کروانے کی ہدایات جاری کرتے ہوئے کہا کہ اضافی سٹاف لاہور کے مختلف ہسپتالوں میں لایا جائے تاکہ بہترین ہیلتھ سروسز کو یقینی بنایا جا سکے۔ صوبائی وزیر صحت و آبادی نے انسداد خسرہ مہم کو انسداد پولیو مہم کی طرز پر شروع کیا جائے اور انسداد خسرہ مہم میں محکمہ سکولز ایجوکیشن کو بھی شامل کیا جائے۔ اس مہم میں نرسری پلے گروپ کے بچوں کی ویکسینیشن پر خصوصی توجہ دی جائے۔ انہوں نے کہا کہ احتیاط علاج سے بہتر ہے حکومت کے حفاظتی پروگرامز عوام کے وسیع تر مفاد کو سامنے رکھ کر شروع کیے گئے ہیں، عوام کو صحت کی بہترین سہولیات کی فراہمی وزیر اعلی مریم نواز کی ترجیح ہے۔.ذریعہ: UrduPoint
کلیدی لفظ: تلاش کیجئے ہسپتالوں میں انہوں نے نے کہا کہا کہ
پڑھیں:
خیبرپختونخوا کی نئی قیادت: سہیل آفریدی کے سیاسی سفر پر ایک نظر
پاکستان تحریک انصاف (پی ٹی آئی) کے بانی عمران خان نے علی امین گنڈا پور کو ہٹاکر سہیل آفریدی کو نیا وزیراعلیٰ بنانے کی ہدایت کردی جس پر علی امین گنڈا پور نے خود وزات اعلیٰ کے عہدے سے مستعفی ہونے کا اعلان کردیا۔پی ٹی آئی کے سیکریٹری جنرل سلمان اکرم راجا نے اڈیالہ جیل کے باہر میڈیا سے گفتگو کے دوران اس بات کی تصدیق کی کہ عمران خان نے علی امین گنڈا پور کی جگہ سہیل آفریدی کو نیا وزیراعلیٰ نامزد کیا ہے۔
خیبرپختونخوا کے نئے وزیراعلیٰ سہیل آفریدی کا تعلق ضلع خیبر سے ہے اور انصاف اسٹوڈنٹس فیڈریشن کے صوبائی صدر رہ چکے ہے۔ سہیل آفریدی 2024 کے عام انتخابات میں پہلی بار ضلع خیبر سے رکن صوبائی اسمبلی منتخب ہوئے۔اس کے علاوہ، سہیل آفریدی علی امین گنڈا پور کی کابینہ میں بحثیت معاون خصوصی برائے موصلات ذمہ داریاں ادا کرچکے ہیں۔تاہم گزشتہ ہفتے صوبائی کابینہ میں تبدیلی کے بعد سہیل آفریدی کو معاون خصوصی سے صوبائی وزیر برائے اعلی تعلیم بنایا گیا تھا. وہ پی ٹی آئی کی مرکزی ایگزیکٹو کمیٹی کے رکن بھی ہیں۔سہیل آفریدی کا شمار تحریکِ انصاف کے ان پرانے کارکنوں میں ہوتا ہے جنہوں نے اپنی سیاسی جدوجہد کا آغاز انصاف اسٹوڈنٹس فیڈریشن (ISF) سے کیا۔ وہ طویل عرصے تک کے پی میں آئی ایس ایف کے صدر کے طور پر سرگرم رہے اور پارٹی تنظیم میں نوجوانوں کو متحرک کرنے میں اہم کردار ادا کیا۔
2024 کے عام انتخابات میں سہیل آفریدی پی کے-70 ضلع خیبر سے پہلی بار کامیابی حاصل کر کے صوبائی اسمبلی پہنچے۔ اپنی سیاسی سمجھ بوجھ اور مضبوط تنظیمی پس منظر کے باعث وہ جلد ہی وزیرِ اعلیٰ علی امین گنڈاپور کی ٹیم میں شامل کیے گئے۔ابتدا میں انہوں نے وزیرِ اعلیٰ کے معاونِ خصوصی برائے کمیونی کیشن اینڈ ورکس (C&W) کے طور پر خدمات انجام دیں، جہاں ترقیاتی منصوبوں کی نگرانی اور شفاف عملدرآمد کے حوالے سے ان کی کارکردگی کو سراہا گیا۔ بعد ازاں کابینہ میں رد و بدل کے دوران سہیل آفریدی کو وزیرِ برائے ہائر ایجوکیشن کا قلمدان دیا گیا، جہاں انہوں نے صوبے کی جامعات کے انتظامی ڈھانچے میں بہتری کے لیے عملی اقدامات کیے۔ذرائع کے مطابق تحریکِ انصاف کی اعلیٰ قیادت صوبے میں “نئی توانائی” اور “تنظیمی استحکام” لانے کے لیے قیادت کی تبدیلی پر غور کر رہی ہے۔ سہیل آفریدی کو ایک غیر متنازع، فعال اور نوجوان دوست چہرہ سمجھا جاتا ہے جو پارٹی کی نئی حکمتِ عملی کے عین مطابق ہے۔باخبر ذرائع کے مطابق اگر یہ فیصلہ حتمی صورت اختیار کر لیتا ہے تو سہیل آفریدی خیبر پختون خوا کے پانچویں کم عمر وزیرِ اعلیٰ ہوں گے۔ پارٹی کے اندر ان کی نامزدگی کو “نئی قیادت کے عروج” کے طور پر دیکھا جا رہا ہے، جبکہ بعض مبصرین اسے عمران خان کے “نوجوان قیادت پر اعتماد” کا تسلسل قرار دے رہے ہیں۔
بگ باس فاتح منور فاروقی کو قتل کرنے کی سازش ناکام، گولڈی برار گینگ کے دو شوٹرز گرفتار