خیبرپختونخوا میں اسمال ڈیمز سے متعلق اجلاس کا انعقاد
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
پشاور(آئی این پی )خیبرپختونخوا کے وزیر آبپاشی ریاض خان کی زیر صدارت صوبے کے سمال ڈیمز سے متعلق اہم اجلاس پشاور میں منعقد ہوا، جس میں سیکرٹری آبپاشی محمدایازسمیت متعلقہ محکموں کے اعلیٰ حکام نے شرکت کی۔ اجلاس میں سمال ڈیموں کی تعمیر، بحالی، پانی کے مؤثر استعمال اور جاری منصوبوں کی پیشرفت کا تفصیلی جائزہ لیا گیا۔ سیکرٹری محمکہ آبپاشی نے بریفنگ دیتے ہوئے بتایا کہ صوبے کے مختلف اضلاع میں اب تک 62 سمال ڈیمز مکمل کئے جا چکے ہیں جبکہ 23 سمال ڈیموں پر کام جاری ہے جسے جلد مکمل کئے جائیں گے۔ صوبائی وزیر آبپاشی ریاض خان نے اجلاس سے خطاب کرتے ہوئے کہا کہ سمال ڈیمز نہ صرف آبپاشی کے نظام کو مضبوط بناتے ہیں بلکہ بارش کے پانی کو محفوظ بنا کر زرعی پیداوار میں اضافے کا ذریعہ بھی بنتے ہیں۔ انہوں نے کہا کہ ڈیموں کی بروقت تعمیر، معیار کی بہتری اور شفافیت یقینی بنانا صوبائی حکومت کی اولین ترجیح ہے۔ اس سلسلے میں انہوں نے متعلقہ حکام کو ہدایت کی کہ تمام منصوبوں کو مقررہ وقت میں مکمل کیا جائے جبکہ کسی بھی قسم کی غفلت یا تاخیر ہرگز برداشت نہیں کی جائے گی۔ اس موقع پر وزیر آبپاشی نے وزیراعلیٰ خیبرپختونخوا محمد سہیل آفریدی کی ہدایات کا حوالہ دیتے ہوئے کہا کہ وزیراعلیٰ کی خصوصی دلچسپی کے باعث صوبے میں پانی کے ذخائر میں اضافہ، زراعت کی ترقی اور کسانوں کو سہولیات کی فراہمی کے لیے مختلف منصوبوں پر تیزی سے کام جاری ہے۔ انہوں نے کہا کہ وزیراعلیٰ کا وژن ایک مضبوط، خود کفیل اور ترقی یافتہ خیبرپختونخوا کی تشکیل ہے۔ صوبائی وزیر آبپاشی نے مزید بتایا کہ وزیراعلیٰ خیبرپختونخوا نے آبپاشی نظام کے لیے جدید ایسٹ مینجمنٹ سسٹم متعارف کرانے کا فیصلہ کیا ہے، جبکہ نہری نظام کی GIS میپنگ اور مکمل ڈیجیٹل ریکارڈ کی تیاری کی بھی ہدایت جاری کر دی گئی ہے۔ ان کے مطابق منصوبوں کی ڈیجیٹائزیشن سے شفافیت اور کارکردگی دونوں میں نمایاں بہتری آئے گی۔ انہوں نے یہ بھی بتایا کہ وزیراعلیٰ نے صوبے کے لیے جامع فلڈ کنٹیجنسی پلان کی تیاری کا حکم دیا ہے۔ صوبائی وزیر نے متعلقہ حکام کو ہدایت کی کہ زیر تعمیر سمال ڈیموں کی تکمیل میں مزید تیزی لائی جائے اور ڈیموں کے قریب سیاحتی سہولیات کے منصوبوں کو بھی ترجیحی بنیادوں پر آگے بڑھایا جائے تاکہ نہ صرف مقامی معیشت مضبوط ہو بلکہ عوام کو بھی بہتر سہولیات میسر آئیں۔ ریاض خان نے کہا ہے کہ وزیر اعلیٰ خیبر پختونخوا کے ہر فیصلے پر من و عن عملدرآمد کو ہر صورت یقینی بنایا جائے گا۔ انہوں نے واضح کیا کہ صوبائی حکومت شفافیت، میرٹ اور عوامی خدمت کے اصولوں پر کاربند ہے اور محکمہ آبپاشی کو ہدایت دی جاتی ہے کہ وہ وزیر اعلیٰ کے احکامات پر بروقت اور مکمل عملدرآمد کریں۔
ذریعہ: Jasarat News
کلیدی لفظ: وزیر ا بپاشی کہ وزیراعلی سمال ڈیمز انہوں نے کہ وزیر کہا کہ
پڑھیں:
کراچی کے علاقے نمائش پر گرین لائن ٹریک پر پنک بسوں کا افتتاح
فوٹو: اسکرین گریب/جیو نیوزسندھ کے سینئر وزیر شرجیل انعام میمن نے کراچی میں نمائش پر گرین لائن ٹریک پر پنک بسوں کا افتتاح کردیا۔
اس موقع پر میڈیا سے گفتگو میں انہوں نے کہا کہ آئندہ دنوں میں محکمہ ٹرانسپورٹ میں خوش خبریاں ملیں گی، ڈبل ڈیکر بسیں شارع فیصل پر چلیں گی۔
سینیئر صوبائی وزیر شرجیل میمن نے کراچی میں عبداللّٰہ چوک سے نمائش چورنگی تک پنک بس سروس کا نیا روٹ شروع کرنے کا اعلان دیا۔
صوبائی وزیر نے کہا کہ الیکٹرک بسوں میں بھی خواتین کے لیے بسیں رکھیں گے۔
شرجیل انعام میمن کا کہنا تھا کہ ٹرانسپورٹ محکمے میں مفت کسٹمائزڈ بائیکس شروع کر رہے ہیں، خصوصی افراد اور خواجہ سراؤں کے لیے بھی بائیکس پر کام کر رہے ہیں۔
انہوں نے مزید کہا کہ ریڈ لائن پر تنازعات حل ہونے کے قریب ہیں، سیاسی جماعتوں اور میڈیا کو اس پر بریف کرینگے۔
شرجیل انعام میمن نے کہا کہ 27ویں آئینی ترمیم پر پورے پاکستان میں وِن وِن صورتحال ہے، ہر صوبے کو آئینی عدالت میں برابر کی نمائندگی ملی ہے۔
ان کا مزید کہنا تھا کہ آئینی عدالت کا چارٹر آف ڈیموکریسی میں ذکر تھا، آئینی عدالت سے کیسز کے ڈسپوزل میں پیشرفت ہوگی۔
صوبائی وزیر نے کہا کہ 27 ویں آئینی ترمیم پر جس کو تنقید کرنی ہے کرے، اگر عدالتیں پارلیمان کے ماتحت ہیں تو اس میں کچھ برا نہیں۔
دنیا کے معروف نشریاتی ادارے بی بی سی کو ڈونلڈ ٹرمپ سے معافی کیوں مانگنی پڑی؟