خواتین میں ڈپریشن کی شرح زیادہ کیوں؟ ماہرین نے بڑی وجہ بتادی
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
ڈپریشن ایک ایسا ذہنی مرض ہے جو موجودہ دور میں ہر عمر اور طبقے کے افراد کو متاثر کر رہا ہے۔
ماہرین کے مطابق یہ عارضہ نہ صرف ذہنی بلکہ جسمانی طور پر بھی نقصان دہ ثابت ہوتا ہے، کیونکہ اس کے شکار افراد میں توانائی کی کمی، نیند میں خلل اور دل کی بیماریوں جیسے مسائل پیدا ہو سکتے ہیں۔
ایک نئی تحقیق میں یہ بات سامنے آئی ہے کہ خواتین میں ڈپریشن کا جینیاتی خطرہ مردوں کے مقابلے میں زیادہ ہوتا ہے۔ جرنل نیچر کمیونیکیشن میں شائع ہونے والی اس تحقیق کے مطابق خواتین میں ایسے 16 جینیاتی ورژن پائے گئے جو ڈپریشن سے منسلک ہیں، جبکہ مردوں میں یہ تعداد صرف 8 ہے۔ اس سے واضح ہوتا ہے کہ خواتین کو یہ ذہنی مرض مخصوص جینیاتی عناصر کی وجہ سے زیادہ متاثر کرتا ہے۔
آسٹریلیا، نیدرلینڈز، امریکا اور برطانیہ میں ہونے والی پانچ تحقیقی رپورٹس کے ڈی این اے ڈیٹا کے تجزیے سے یہ بھی معلوم ہوا کہ ڈپریشن اور جسمانی وزن یا میٹابولک اثرات کے درمیان خواتین میں ایک مضبوط جینیاتی تعلق پایا جاتا ہے۔ اسی بنا پر خواتین کو جسمانی وزن میں تبدیلی یا ہارمونل اتار چڑھاؤ کے دوران ڈپریشن کا سامنا زیادہ ہوتا ہے۔
ماہرین نے مزید کہا کہ اگرچہ ماحولیاتی عوامل اور طرزِ زندگی بھی اس بیماری میں کردار ادا کرتے ہیں، مگر جینیاتی فرق کو نظر انداز نہیں کیا جا سکتا۔ ان کا کہنا ہے کہ ڈپریشن کو محض دماغی مسئلہ نہیں سمجھنا چاہیے، کیونکہ یہ پورے جسم پر اثر انداز ہوتا ہے اور اس کے علاج کے لیے جامع حکمتِ عملی کی ضرورت ہے۔
.
ذریعہ
ذریعہ: Jasarat News
کلیدی لفظ: خواتین میں ہوتا ہے
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی