سعودی عرب کا غزہ جنگ بندی معاہدے کا خیر مقدم
اشاعت کی تاریخ: 9th, October 2025 GMT
سعودی عرب نے اسرائیل اورحماس کے درمیان طے پانے والے اُس معاہدے کا خیرمقدم کیا ہے جس کے تحت جنگ بندی اور غزہ میں جامع وپائیدار امن عمل کے آغاز پر اتفاق ہوا ہے۔
یہ بھی پڑھیں: غزہ جنگ بندی کا معاہدہ طے پا گیا، قطر کی تصدیق، پاکستان کا خیر مقدم
سعودی وزارتِ خارجہ کے بیان میں کہا گیا ہے کہ مملکت امریکی صدر ڈونلڈ ٹرمپ کے فعال کرداراور قطر، مصر اور ترکی کی ثالثی کی کاوشوں کی قدر کرتی ہے، جن کی بدولت یہ تاریخی معاہدہ ممکن ہوا۔
#بيان | تعرب وزارة الخارجية عن ترحيب المملكة العربية السعودية بالاتفاق الذي تم التوصل إليه بشأن غزة، وبالبدء في تنفيذ المرحلة الأولى من مقترح الرئيس ترمب الهادف إلى وقف الحرب على قطاع غزة وتهيئة مسار سلام شامل وعادل.
— وزارة الخارجية ???????? (@KSAMOFA) October 9, 2025
بیان میں مزید کہا گیا کہ مملکت کو امید ہے کہ یہ اہم قدم فلسطینی عوام کی انسانی مشکلات میں کمی، اسرائیلی افواج کے مکمل انخلا اور امن واستحکام کی بحالی میں مؤثر ثابت ہوگا۔
سعودی عرب نے اس موقع پر ایک منصفانہ اور جامع امن عمل کی ضرورت پر زور دیتے ہوئے مؤقف دہرایا کہ پائیدار حل صرف 2 ریاستی فارمولے کے ذریعے ہی ممکن ہے۔
مزید پڑھیں: غزہ جنگ بندی مذاکرات مثبت سمت میں، مصری صدر کی ٹرمپ کو قاہرہ آنے کی دعوت
سعودی عرب جس کے تحت 1967 کی سرحدوں پر ایک آزاد فلسطینی ریاست قائم ہو جس کا دارالحکومت مشرقی یروشلم ہو، اور جو اقوامِ متحدہ کی قراردادوں، عرب امن اقدام اور بین الاقوامی اتفاقِ رائے کے مطابق ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل جنگ بندی حماس سعودی عرب سعودی وزارت خارجہ غزہذریعہ: WE News
کلیدی لفظ: اسرائیل
پڑھیں:
اسرائیل کی سیز فائر معاہدے کی خلاف ورزی ،24فلسطینی شہید، پاکستان کی شدید مذمت
اسرائیل کی سیز فائر معاہدے کی خلاف ورزی ،24فلسطینی شہید، پاکستان کی شدید مذمت WhatsAppFacebookTwitter 0 23 November, 2025 سب نیوز
غزہ /اسلام آباد (سب نیوز)غزہ میں قابض صیہونی فورسز کی وحشیانہ کارروائیاں جاری ہیں اور جنگ بندی معاہدے کی مسلسل خلاف ورزیاں سامنے آئی ہیں،غزہ سٹی، دیرالبلاح، رفاہ اور نصیرات میں فضائی حملوں کے نتیجے میں 24 فلسطینی شہید اور بیسیوں زخمی ہو گئے، جن میں خواتین اور بچے بھی شامل ہیں،اسپتال، اسکول اور پناہ گاہیں بھی مسلسل حملوں کی زد میں ہیں، جبکہ شدید غذائی بحران کے باعث شہریوں کی زندگی مزید مشکلات کا شکار ہے،اسرائیل کی مغربی کنارے میں بھی پرتشدد کارروائیاں جاری ہیں، جس سے خطے میں انسانی بحران اور کشیدگی میں اضافہ ہو رہا ہے۔
دوسری طرف غزہ میں اسرائیلی فوج کے بڑھتے حملوں پر حماس نے ثالثوں سے فوری مداخلت کی اپیل کردی۔حماس کے اعلی عہدیدار نے عرب میڈیا سے گفتگو میں بتایا کہ غزہ میں اسرائیلی فوج کے حملوں پر اپنے غصے سے ثالثوں کو آگاہ کر دیا ہے۔حماس عہدیدار کا کہنا تھا کہ قابض اسرائیل جنگ بندی معاہدے کو ختم کرنیکا ارادہ رکھتا ہے، جنگ بندی معاہدے کو بچانے کے لیے ثالث فوری مداخلت کریں۔حماس عہدیدار نے کہا کہ معاہدے کی منظم خلاف ورزی سے سیکڑوں فلسطینی شہید ہوچکے ہیں۔حماس عہدیدار کا یہ بھی کہنا تھا کہ اسرائیلی فوج معاہدے کے تحت واپسی کی طے کردہ حدود میں بھی تبدیلیاں کر رہی ہے۔
ادھر پاکستان نے غزہ میں اسرائیلی قابض افواج کے حالیہ حملوں کی شدید ترین الفاظ میں مذمت کی ہے جن کے نتیجے میں متعدد فلسطینی شہریوں خصوصا خواتین اور بچوں کی شہادتیں رپورٹ ہوئی ہیں جبکہ کئی افراد زخمی بھی ہوئے ہیں۔ترجمان دفتر خارجہ کے مطابق ایسے اقدامات بین الاقوامی قانون، اقوام متحدہ کی متعلقہ قراردادوں اور حال ہی میں شرم الشیخ میں طے پانے والے امن معاہدے کی کھلی خلاف ورزی ہیں۔بیان میں کہا گیا ہے کہ یہ حملے خطے میں دیرپا امن و استحکام کے لیے جاری بین الاقوامی کوششوں کو بھی شدید نقصان پہنچاتے ہیں۔حکومتِ پاکستان نے عالمی برادری پر زور دیا ہے کہ وہ فوری اقدامات کرتے ہوئے اسرائیلی جارحیت اور جنگ بندی کی مسلسل خلاف ورزیوں کو روکے اور بین الاقوامی انسانی حقوق و انسانی قوانین کے تحفظ کو یقینی بنائے۔پاکستان نے ایک مرتبہ پھر اپنے اصولی موقف کا اعادہ کرتے ہوئے کہا کہ وہ 1967 سے قبل کی سرحدوں کے مطابق آزاد، خودمختار فلسطینی ریاست کے قیام کی حمایت کرتا ہے جس کا دارالحکومت القدس الشریف ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسہیل آفریدی اپنے لیڈر کی طرح عادتا جھوٹ بولتے ہیں، عظمی بخاری کا الزام سہیل آفریدی اپنے لیڈر کی طرح عادتا جھوٹ بولتے ہیں، عظمی بخاری کا الزام بجٹ عملدرآمد میں تبدیلی کیلئے تجاویز آئندہ ماہ آئی ایم ایف کو پیش کرنے کا فیصلہ تیجس طیارہ حادثے نے بھارت کی برآمدات کی امیدوں پر پانی پھیر دیا قومی اسمبلی کے 6اور صوبائی اسمبلی کے 7حلقوں میں ضمنی انتخابات کیلئے پولنگ کا وقت ختم، ووٹنگ جاری وفاقی وزیر قیصر احمد شیخ نے اداروں کی نجکاری میں پیپلزپارٹی کو رکاوٹ قرار دیدیا ملک میں گاڑیوں کے پارٹس کی درآمدات میں123فیصد اضافہCopyright © 2025, All Rights Reserved
رابطہ کریں ہماری ٹیم
کوئٹہ میں پابندی کے باوجود ایرانی پیٹرول کی غیر قانونی فروخت جاری