ڈمپر ڈرائیور سے دولت کی بلندیوں تک، اربوں کے اسکینڈل کا ماسٹر مائنڈ گرفتار
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
پشاور میں قومی احتساب بیورو (نیب) نے 40 ارب روپے کے بڑے مالیاتی اسکینڈل میں ملوث ایک سابق ڈمپر ڈرائیور کو گرفتار کر لیا ہے۔
ملزم پر الزام ہے کہ اس نے جعلی کمپنی کے ذریعے سرکاری خزانے سے 3 ارب روپے سے زائد کی رقم حاصل کی اور مختلف بینکوں میں 16 ارب روپے سے زائد کی مشکوک ٹرانزیکشنز کیں۔
نیب حکام کے مطابق ملزم کی گرفتاری اس تاریخی مالیاتی اسکینڈل کی تحقیقات میں اہم پیشرفت ہے اور تفتیش کے دوران مزید ملزمان کے نام سامنے آنے کا امکان ہے۔ گرفتار ملزم ایم/ایس ممتاز خان کنسٹرکشن کمپنی کے نام سے جعلی کمپنی کا مالک اور ڈائریکٹر تھا، جسے نیب خیبر پختونخوا نے ایبٹ آباد سے گرفتار کیا۔ بعد ازاں ملزم کو پشاور کی احتساب عدالت میں پیش کیا گیا، جہاں عدالت نے نیب کو آٹھ روزہ جسمانی ریمانڈ دے دیا تاکہ مزید شواہد حاصل کیے جا سکیں۔
نیب کی ابتدائی تحقیقات سے معلوم ہوا ہے کہ ملزم ماضی میں ایک عام ڈمپر ڈرائیور تھا، مگر دیگر شریک ملزمان کے ساتھ مل کر اس نے جعلی کمپنی قائم کی اور سرکاری فنڈز کو خورد برد کیا۔ ذرائع کے مطابق یہ رقم ٹھیکیداروں کے سکیورٹی ڈپازٹ ہیڈ آف اکاؤنٹ (G-10113) سے نکالی گئی، جو سرکاری منصوبوں کے لیے ضمانتی رقم کے طور پر رکھی جاتی ہے۔
تحقیقات سے یہ بھی انکشاف ہوا ہے کہ جعلی کمپنی اور اس کے بینک اکاؤنٹس کو خرد برد شدہ رقم کی منتقلی کے مرکزی ذرائع کے طور پر استعمال کیا گیا۔ نیب کے مطابق کیس میں مزید اہم گرفتاریاں متوقع ہیں۔
.ذریعہ: Jasarat News
کلیدی لفظ: جعلی کمپنی
پڑھیں:
جعلی دستاویزات پر ویزا حاصل کرنے والا مسافر ایئرپورٹ پر آف لوڈ
ایف آئی اے امیگریشن نے کراچی ایئرپورٹ پر کارروائی کرتے ہوئے جعلی دستاویزات پر ویزا حاصل کرنے والے مسافر کو آف لوڈ کردیا ہے۔
ترجمان ایف آئی اے کے مطابق محمد آصف نامی مسافر بین الاقوامی پرواز کے ذریعے سعودی عرب جارہا تھا۔
یہ بھی پڑھیں: ایف آئی اے کی کراچی ایئرپورٹ پر کارروائیاں، 3 ملزمان گرفتار
ترجمان کے مطابق ملزم کے پاسپورٹ پر ہیوی ٹرک ڈرائیور کی ملازمت کا ویزا لگا ہوا تھا۔ تفتیش کے دوران ملزم نے لائسنس برانچ کلفٹن سے جاری کردہ ایچ ٹی وی لائسنس پیش کیا جو جعلی ثابت ہوا۔
ملزم کا تعلق کراچی سے ہے، ابتدائی تفتیش میں ملزم نے انکشاف کیا کہ اس نے جعلی لائسنس ایک ایجنٹ سے ایک لاکھ 27 ہزار روپے میں حاصل کیا تھا۔
یہ بھی پڑھیں: ایف آئی اے کی کارروائی، جعلی سفری دستاویزات پر پاکستان آنے والا ملزم گرفتار
مزید بتایا کہ وہ کبھی بھی لائسنس برانچ کلفٹن نہیں گیا اور پورا جعلی لائسنس ایجنٹ نے خود بنوا کردیا تھا۔
ایف آئی اے کے مطابق ملزم کو ایجنٹ کی نشاندہی اور مزید قانونی کارروائی کے لیے اینٹی ہیومن ٹریفکنگ سرکل کراچی منتقل کردیا گیا ہے، جہاں اس سے مزید تفتیش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آف لوڈ ایف آئی اے پاکستان جعلی ویزا کراچی ایئرپورٹ
شیخ حسینہ واجد نے عدالتی فیصلے کو سیاسی اور جانبدار قرار دے دیا