عمران خان کی پیغام رساں علیمہ خان کو کیوں تبدیل کیا گیا؟ چیئرمین پی ٹی آئی نے بتا دیا
اشاعت کی تاریخ: 9th, October 2025 GMT
چیئرمین پاکستان تحریک انصاف (پی ٹی آئی) بیرسٹر گوہر علی خان نے تصدیق کی ہے کہ جیل میں قید چیئرمین عمران خان نے پارٹی قیادت کو ہدایت دی ہے کہ اب ان کے پیغامات میڈیا تک ان کی ہمشیرہ علیمہ خان نہیں بلکہ نورین نیازی پہنچائیں گی۔
گزشتہ روز سیکریٹری جنرل پی ٹی آئی سلمان اکرم راجہ نے میڈیا کو بتایا کہ عمران خان نے باقاعدہ طور پر یہ ہدایت دی ہے کہ مستقبل میں جیل سے آنے والے پیغامات نورین نیازی کے ذریعے میڈیا تک پہنچائے جائیں گے۔
یہ بھی پڑھیں: برطانوی سیکریٹری خارجہ نے عمران خان کو ملک چھوڑنے کی پیشکش کی، علیمہ خان کا انکشاف
وی نیوز نے اس حوالے سے چیئرمین پی ٹی آئی بیرسٹر گوہر علی خان اور پارٹی کے سینیئر رہنما سینیٹر علی ظفر سے گفتگو کی تاکہ علیمہ خان کو پیغام رسانی سے روکنے کی وجوہات معلوم کی جا سکیں۔
بیرسٹر گوہر علی خان نے کہا کہ خان صاحب کی فیملی جب ان کا پیغام باہر لے کر آتی ہے تو اکثر سیکیورٹی اور پولیس کے مسائل پیش آتے ہیں، علیمہ خان کو بھی کئی بار پولیس نے روکا یا ان پر دباؤ ڈالا۔
مزید پڑھیں: فیصلہ سازی کور کمیٹی کرتی ہے، علیمہ خان یا گنڈاپور کا سیاسی کردار نہیں، لطیف کھوسہ
’شاید اسی وجہ سے خان صاحب نے فیصلہ کیا کہ فی الحال کوئی غیر خاندانی رکن، نورین نیازی، یہ ذمہ داری نبھائیں تاکہ غیر ضروری دباؤ سے بچا جا سکے، اس فیصلے پر کسی کو کوئی اختلاف بھی نہیں ہے۔‘
سینیٹر علی ظفر نے وی نیوز سے گفتگو کرتے ہوئے کہا کہ میری معلومات کے مطابق یہ فیصلہ عمران خان نے چند روز قبل کیا ہے، یہ کوئی اختلاف یا ناراضی کا نتیجہ نہیں بلکہ محض حکمت عملی میں معمولی تبدیلی ہے۔
مزید پڑھیں: علیمہ خان پی ٹی آئی کو کمزور کرنے کی خاطر ایم آئی کے لیے کام کررہی ہیں، علی امین گنڈاپور کا الزام
’ممکن ہے علیمہ خان نے خود بھی کچھ آرام کرنے کی خواہش ظاہر کی ہو۔‘
انہوں نے مزید کہا کہ پارٹی کے اندر اس فیصلے پر کوئی اختلاف نہیں اور عمران خان کی ہدایت کے مطابق اب نورین نیازی ہی میڈیا کو پیغامات پہنچائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیرسٹر گوہر علی خان پی ٹی آئی جنرل سیکریٹری سلمان اکرم راجہ سیکیورٹی سینیٹر علی ظفر علیمہ خان عمران خان نورین نیازی وی نیوز.
ذریعہ
ذریعہ: WE News
کلیدی لفظ: بیرسٹر گوہر علی خان پی ٹی ا ئی جنرل سیکریٹری سلمان اکرم راجہ سیکیورٹی سینیٹر علی ظفر علیمہ خان نورین نیازی وی نیوز بیرسٹر گوہر علی خان نورین نیازی علیمہ خان پی ٹی آئی خان کو
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار