سندھ بلڈنگ، وسطی میں غیرقانونی کمرشل تعمیرات کا قہر
اشاعت کی تاریخ: 10th, October 2025 GMT
ڈائریکٹر سید ضیاء کی ملی بھگت،عوام کی زندگیاں خطرے میں، حکام کی کارروائی کا انتظار
ناظم آباد نمبر 1پلاٹ اے 2/42اور ایچ 4/17 پرتعمیراتی انارکی کے تاریک سائے
وسطی کے گنجان آباد علاقوں میں رہائشی پلاٹوں کو غیرقانونی طور پر تجارتی مراکز میں تبدیل کیا جا رہا ہے ۔ متعدد علاقوں میں بغیر منظور شدہ
نقشوں کے کمزور عمارتیں کھڑی کی جا رہی ہیں، جبکہ سندھ بلڈنگ کنٹرول اتھارٹی کی جانب سے جاری کیے جانے والے نوٹسز کو یکسر نظرانداز کیا جا رہا ہے ۔زمینی حقائق اور زیر نظر تصاویر کے مطابق ڈائریکٹر سید ضیاء کی ملی بھگت سے ناظم آباد نمبر 1 کے رہائشی پلاٹوں اے 2/42 اور ایچ 4/17 پر تعمیراتی انارکی کے تاریک سائے گہرے ہونے لگے ہیں۔مکینوں کی چیخ و پکار ہے کہ "ہماری بنیادی سہولیات سلب ہو رہی
ہیں!جرأت سروے ٹیم سے بات کرتے ہوئے مقامی رہائشی محمد اقبال کا کہنا ہے کہ ’’ٹریفک کا نہ ختم ہونے والا بحران شروع ہو چکا ہے ۔ سڑکیں گاڑیوں سے اٹی پڑی ہیں، ایمبولنس اور فائر بریگیڈ کے گزرنے کی جگہ نہیں رہی،نئی تعمیرات نے بنیادی سہولیات پر دباؤ بڑھا دیا ہے ، ہم گھنٹوں لوڈ شیڈنگ کا شکار ہیں‘‘ماہرین کی وارننگ ہے کہ ’’یہ عمارتیں کسی بھی وقت ڈھیر ہو سکتی ہیں‘‘۔شہری منصوبہ بندی کے ماہرین نے غیرمعیاری تعمیرات کو ’’جانی خطرہ‘‘ قرار دیا ہے ۔نام نہ ظاہر کرنے کی شرط پر ایک سول انجینئر کا کہنا ہے کہ ’’ناپائیدار مواد اور بغیر انجینئرنگ کے بنی یہ عمارتیں کسی بھی حادثے کا شکار ہو سکتی ہیں‘‘،فائر سیفٹی افسر نے خدشہ ظاہر کیا ہے کہ ’’تنگ گلیوں اور حفاظتی انتظامات کے فقدان میں آگ لگنے کی صورت میں بڑا سانحہ ہو سکتا ہے ‘‘،سندھ بلڈنگ کنٹرول اتھارٹی کے ترجمان کے مطابق ’’غیرقانونی تعمیرات کے خلاف قانونی کارروائیاں جاری ہیں‘‘، مگر مقامی شہری اسے محض کاغذی کارروائی قرار دے رہے ہیں۔ ان کا ماننا ہے کہ حکام اور مافیا کے درمیان خاموش معاہدہ موجود ہے ، جس کے باعث غیر قانونی تعمیرات کا سلسلہ تواتر سے جاری ہے ۔ماہرین کے مطابق صرف پلان بنانے سے مسئلہ حل نہیں ہو گا، بلکہ سخت اقدامات اور شفافیت کی ضرورت ہے ۔کراچی کے عوام کی زندگیوں سے کھیلنے والوں کے خلاف فوری کارروائی وقت کی اہم ضرورت ہے ، ورنہ کسی بڑے حادثے کا انتظار کرنا عوام کے ساتھ ناانصافی ہو گی۔
ذریعہ: Juraat
پڑھیں:
کراچی کے رہائشی پینے کے پانی کی قلت کے خلاف سخی حسن پر احتجاجی مظاہرہ کررہے ہیں
data-id="863a0a8" data-element_type="widget" data-widget_type="theme-post-content.default">
پاکستان میں پہلی بار بنکرنگ لائسنس کا اجراء، سمندری معیشت میں انقلاب کی توقع